بخصوص الحقن المجهري

السلام عليكم ورحمة الله وبركاته

كل عام وانتم بخير وعساكم من عواده

أنا ولله الحمد عندي بنوته حلوة حملت فيها بالحقن المجهري عقب 6 سنوات عمرها الحين سنه

وسويت العملية عند الفريق البلجيكي برويال حياة بس لاحظت يابنات ان اغلب نجاح عمليات الحقن

المجهري نتيجتها طفل واحد فقط مع انهم يرجعون اكثر من 3 اجنه وغالبا مايثبت واحد فقط يعني

مو توأم ليش؟

وبعد لاحظت ان الغالبية يحملون في بنات كل رفيجاتي اللي اعرفهم سووا حقن مجهري جابوا بنات

انا ماعندي اعتراض علي نعمة ربي والله اني احمد الله واشكر فضله على نعمة العيال سواء بنات

والا اولاد كلهم نعمة أهم شي الصحة التامة بس فعلا سؤال محيرني؟

ليش اللي يسوون تلقيح صناعي يحملون بأكثر من جنين والحقن المجهري لا ؟

وليش أغلب نتايج الحقن المجهري بنات؟

وياليت اللي تجاوب تكون عندها اجابة طبية واللي سوت حقن مجهري وحملت بتوأم ياليت تشاركنا

شنو سوت وشنو نصايحها لأن بخاطري احمل بتوأم ادعوووووولي ان الله يرزقني ويرزق كل وحده

تمنى العيال يااااااااارب

والله مدري

هم بعد اختي سوت الحقن المجهري وحملت في بنت وماشاءاللة الحين عمرها 4سنوات

بس سؤال

من اول مرة نجح معك الحقن وربي يخلي بنتك ان شاءاللة

أول شي أنا ما عندي عيال ’ و ماجربت و لا مره و مقبله على العمليه بس للحين ما قررت لأني وايد خايفه

ابرد على أسألتج لأني عندي رد طبي لهم

أول شي ليش بنت ؟؟ بالأول هالشيء من رب العالمين ثم انه الحيوان اللي احقنوه يكون حيوان سليم و سريع و دايما الحيوان اللي يكون كروموسومه انثوي يكون اسرع

يعني أبضرب لج مثال ريال فيه ضعف بالحركه 90% لما بيسون له حقن يسووون غسيل للعينه فـ ياخذون أسسرع حيمن و يحقنونه و الأغلب يكون الحيم أنثوي

ثاني سؤال انا وايد فكرت فيه و سألت دكتورتي قالت بالأنابيب احنا نتحكم بالبويضات و نسحبها و نرد عدد معين اما اللي يعالجون بحبوب و يسوون تلقيح ما يكون في تحكم على البويضات فـ يكون عدد البويضات كبير كبير لدرجة تتلقح بويضات وايد و ما يثبت منها الا 2 او 3 و مرات 4

و انا اعرف وحده بس خذت كلمويد يابت 4 ماشاء الله و بعدها لما سوت انابيب بس يابت 1

و بالأخير كله بأيد رب العالمين

و الله يرزقني و يرزقكم بالذريه الصالحه ذكور و اناث اللهم امين

اعذروني على التأخير حبايبي

أختي ايام وردية أنا سويت الحقن المجهري 3 مرات والرابعة نجحت الحمدالله الاولى والثانية

عند الدكتورة فوزية القطان والثالثة بالصباح والرابعة برويال حياة.

واختى شيخة يعطيج العافية عالرد ونعم بالله مالنا اعتراض على امره بس كلامج معناه ان

الحقن المجهري نتايجه كلها بنات وان الوحده حتى لو رجعت 4 اجنه ماراح يثبت الا واحد مع

انهم اختاروا الاقوي من البويضات والحيوانات المنوية ومع ذلك اللي يثبت جنين واحد فقط

والله يجزاها خير اللي تشاركنا بالموضوع وترد

رفع لعيونج

وين الردود يابنات شفيكم

اب اب

حبيبتي ليش ما تسوين طفل انابيب لان الي يسونها يحملون يتوام و رفيجتي سوتها عند الفريق البلجيكي والحمدلله حامل بتوام ،،،

مشكورة اختي هند على الرد بس اقدر اسوي انابيب اذا العيب من الزوج

ودانه الرشايدة مشكورة فديتج والله يرزقج اللي تمنينه يارب

الله يرزقج بالذرية الصالحة

ربي لا تذرني فردا وانت خير الوارثين