بجريه وبيوسع لي الدكتور منو جربت هالشي او عندها فكر .؟

ليش حبيبتي مضايقه

انا دكتورتي نفس الشي قالتلي ثاني سبوع بالتاسع راح تفحصني واتوسعني وانا ام عيال وكل عيالي نفس الطريقه

اذا امورج كلها زينة والمشيمة والماي حوالين البيبي اوكي و وضعج يطمن

قوليله مابي

خل بس يسويلج تخطيط الطلق واذا مافي طلق لا يوسعج ينطر لما ايي موعدج

تره عادي البجر اطول عن موعدها

وساعات حسبة السونار مو دقيقه

بس عاد مايصير يطول عليج وايد

وحتى لو بيفحصج

الفحث بروحه ما اييب الطلق

التوسعه اهي الي تييب الطلق

لا تحاتين ان شاء الله ماكو الا العافيه

عادي حبيبتي لاتحاتين انا مثلج بجريه ووسعت لي دكتورتي وماولدت

طفت موعدي باسبوع تقريبا وولدت الحمدلله

أنا أقول دام الحمدالله أمورج طيبه إنتي والبيبي وما فيج شيء

نطري موعدج ليش الدكتور مستعجل

عادي البجريه تتأخر وطوف موعدها بعد

أما اذا لا سمح الله البيبي فيه شيء خليه يوسعج

وانا رايي من راي Pissy Missy مع اني ماجربت التوسعه

حبيبتي سونا تو الناس على ولادتك لا تخلين الدكتوره تفحص من تحت الحين انا عندي بنتين متزوجات وعندي اربع احفاد لما بنتاتي يقولولي يمه الدكتوره تبي تفحصنا الاسبوع الياي اقولها قولي للدكتوره امي تسلم عليج وتقولج لا تفحصيني تو الناس اخر اسبوع من موعد الولاده افحصي على كيفج اما الحين لا لا لا ما دام كل شي طبيعي لا تلمسج

انا عكس البقيه خليه يوسع لك دام امورك وامور البيبي طبيعيه ..تراه يسرع الولاده ..انا سويته لكن بنهاية التاسع ..وقالوا ليي المفروض سويته قبل لان وزن البيبي كبير شوي ..وصحيح تعبت وتعذبت فولادته..تمنيت اني سويته من بداية او نصف التاسع ..

انا بعد بجرية والدكتورة مايابتلي سالفة التوسعه لحد الحين وبعد جم يوم بخلص شهري بس قالتلي علي سالفة الفحص وقلتلها المرة الياية

مافيه مشكله التوسعه بس مو من بداية التاسع صبري على روحج شوي يعني نطري لين نهاية التاسع واذا مافيه اي بوادر ولاده خل يوسعج ويختصر لج الوقت والتعب

والله يسهل عليج وعلى كل حامل يارب

انا فبجري الدكتوره وسعتني بس شنو عقب ماكنت طايفه موعدي ب12 يوم توالناس عليج حبيبتي

عادي حبيبتي انا ماعندي اي خلفيه بس اختي كانت طايفه موعد ولادتها
والحمدلله راحت عند دكتوره تاريخ 9 هالشهر وربت في 1010 تاريخ مميز

مشكورين بنات تجمعي ع الردود و الباقي همن مشكورين ع الردود ..

أنا رحت لدكتورة بريتي بالهادي امس ، وفحصتني وتقول سوت لي توسعة !!
بس مدري ليه احس خرطي !
لأنها ماعورتني ولانزل معاي شي !!
بس اذكر دكتورة عالية مرة فحصتني وعورتني حيييييييييييل واتوقع انها سوت لي توسعة لاني بعد يومين انفك معاي الماي وولدت ، بس والله الله يجزاها خير ن وشكلي بروح لها اذا ماولدت هالاسبوع !

انا اقول نطري توناس عليج اذا خلصتي شهرج يعطونج اسبوع زيادة لاتستعلين حتى لو كبير البيبي نطري …

انا 2 ولادة لي وخلصت شهري والحين ماولدت ولا افكر في الفحص يماااا..