بالسابع و راس الياهل فوووووووووووق ساعدوني شسوي بليييييز

أنا حامل بالسابع الحين و قالت لي الدكتورة راس البيبي فوق ليما الحين في مشكلة !!!

هذا ثالث بيبي عندي
الاول راسه فوق ولدت قيصري و تعذبت
الثاني راسه تحت ولدت طبيعي متعسرة بس اهون كان علي من القيصري
الحين تقولي راس بيبي فوق احتمال قيصري ما يحاولون حتى ينزلونه مقعدي مثل باجي البنات لاني والدة قيصري من قبل
شسوي عشان يلف الياهل و منو مثلي و شنو صار معاها
ادعولي بظهر الغيب دعاء المسلم لاخيه المسلم بظهر الغيب مستجاب

والله حبيبتي انا سامعه انه في دكتور شاطر بهالسالفه بس والله مايحضرني اسمه

لكن اذا تبين راسه ينزل تحت حاولي تحبين على ركبج وطبعا الصلاة لاتصلين علىى كرسي حاولي تصلينها عادي لانه
السجود يساعد على هالشي

وان شاءالله تولدين طبيعي والله يحميج

الله يعافيج و يحميج ما قصرتي
إذا ذكرتي اسم الدكتور قوليلي بليز و يسهل علينا رب العالمين

والله يارفيف ودي أساعدج بس والله ماأعرف

وان شالله يصير راسه تحت بس أنتي عليج بالدعاء ويعلم الله اني دعيتلج وبدعيلج

مالج غير الدعاااااء الله يسهل امرج , انا بولدي جذي كان راسه تحت ومافي اي شي وعقب صار ويهه تحت من السابع لين ولدت وكانت ولدتي متعسره وعطوني ابره ظهر والحمدالله ,انا سامعه في دكتوره هنديه بالهاي بس ما اعرف اسمه باجر اسأل واردلج خبر اهي خبره بهسوالف ,الله يسهل عليج

نفس ماقالت لج :
تحبين(مثل الياهل) وكثري من السجود
المسيحين يقولون للي نفس حالتج اسجدوا واحبو عشان يفتر راسه..
والله يسهل عليج يارب

حبوبة انا اذكر الدكتورة كانت تقول كلا سجدي ونامي على الجنب اليسار وانشالله سهالات

حبيبتي انا الحين يالتاسع و توا الياهل لف راسه تحت … دكتورتي قالت كثري سجود والحمدلله لين لف

ترى البيبي ممكن يفر راسه اي وقت قبل الولادة فلا تحاتين يا عمري والله يسهل عليج

الله يسهل عليج وتقومين بالسلامة الدكتور الشاطر لقبة الافغاني بس نسيت اسمة بس اهو معروف بالمواساه قولي الافغاني بس هذا اسمة واصلة فلسطيني ممتاز جدا خواتي ثنتين راجعوا عندة لان الجاهل راسه فوق وهو لفة لهم فالولادة صارت عندة والحمد لله طبيعي

وان شاء الله اكون افدتج

تو الناس نطري لي التاسع والله يسهل

الله يسهل عليج ولادتج وعندي وحده توها ولدت الاسبوع اللي طاف ولما دخلت التاسع كان راس البيبي فوق بس قالتلها الدكتوره كثري من السجود وشربي ماي بارد مثلج وايد واكلي ثلج والحمدلله افتر الياهل ونزل راسه تحت وولدت بالسلامه

الله ايعينج انشاء الله ويسهل عليج

السابع تو الناس علة وضع البيبي بس يمكن الدكتوره ادرى

اذا تبين البيبي يفتر احبي واسجدي
واذا نزل الراس تحت امشي عشان يسقط بالحوض ويثب مايتحرك

وبالنسبه حق النومه على الجنب اليسار تكبر الجاهل يعني اللي بيبها صغير تنام عى جنبها اليسار

تو النااس ,,,, على لفة اليااهل على نص الثاامن …