باركولي انا حامل وعسى الفال لكم ولك محروم يارب

بنات انا حامل الحمدالله والله مومصدقه والله العظيم مت بجي واقول للكل اللي باركولي جنه جذب الحمدالله يارب الحمدالله

يابنات انا بما ان الله رزقني وحملت انا بقولكم كل اللي سويته وكل قصتي من طءطء الي السلام عليكم عشان الكل يستفيد ان شاء الله

انا متزوجه لي سنه وثلاث شهور

ماحملت
مافيني شي لاانا ولازوجي

رحت الدكتوره وفحصتني ومافيني شي الحمدالله طلع هرمون التبويض عندي 6ونص وتقول طبيعي وواجد يحملون عليه بس مع ذلك بنرفعه

عطتني علاج اللي هو خفيييييييييييييييف حيل مااعرف اسمه تعطيه حتى حق اللي دورتهم مومنتظمه ينظم الهرمونات خذيته شهرين وتركته ولارحت عندها ولاعالجت

بعدين رحت حق مره بالصباحيه ام فارس عطتني ادويه شربتهم شهرين وماشفت شي وخليتهم

بعدين خالتي عطتني عسل من وحده تبيعه واجد ناس ماحملو وحملو من الله ثم من هالعسل
رفيجة خالتي سبع سنين ماتحمل وبنت عمتي سنتين ونص وخالتي بعد طولت تسع شهور ماحملت ورفيجتها اربع سنين محد حمل وكلهم اكلو هالعسل والحين اللهم بارك عندهم عيال

انا شريته
كليته اول شهر ماصار شي وجتني الدوره ورحت لامي ابجي وكانت امي مشغله شريط الدكتور خالد الجبير((اسباب منسيه)) سمعته وسمعت قصص عنه وطبقت الاتي

كنت لما اكل العسل كل يوم على الريج وقبل النوم لازم احوسه لانه العسل فيه ادويه فكنت وانا احوس اقول ((بسم الله الشافي بسم الله المعافي بسم الله اللذي لايضر مع اسمه شي في الارض ولا في السماء وهو السميع العليم)) كنت اقولها جم مره مرات اربع مرات ومرات ثلاث وكان عندي يقين الحمدالله اني دام قلت هالدعاء لو هالعسل فيه مضره باذن الله مايضرني دام قلت هالدعاء وكنت وانا بالمطبخ اوجه وجهي للقبله وكل جمسي واكل العسل ومرات اشرب بعد ماي زمزم وادعي واقول يارب بيدك كل شي ارزقني اللهم امين انك سميع مجيب

ويوم خلصت الدوره على طول قعدت 8ايام كل يووووم بليل اقرى البقره كاااااااااااامله كاامله صج كنت اقطع لحاجه مثلا احد يناديني شي ظروري بس ارد اكملها بنفس الوقت واذا خلصت قريت الحمد سبع مرات والمعوذات ثلاث مرات واستغفر 100 مره واقول استغفر الله واتوب اليه عدد ماكان وعدد مايكون وعدد الحركات وعدد السكون عشر مرات وسيد الاستغفار تقريبا عشر مرات

ومرات يعني سويتها يمكن خمس او ست مرات خلال هالشهر اخذ قلاص ماي زمزم واقرى فيه الحمد 7مرات والمعوذات 3 وبسم الله الشافي بسم الله المعافي 7مرات واشرب منه وامسح شوي على بطني ورحمي واقول سويت اللي علي والباجي على ربي

كل يوم طول الشهر استغفر 100 مره الاستغفار ماهديته وولاان الحمدالله استغفر

وصليت قيام الليل بس للامانه موواجد يمكن خلال هالشهر 8 او 6 مرات مااذكر

والحمدالله الف الحمدالله حملت ادعولي الله يثبته ويجعله من الذريه الصاحه الطيبه
وعسى ربي يرزق كل باغي باقرب وقت وبنات تجمع الامل اللهم امين ومايمر هالشهر الا كلهم يتباشرون بحملهم يارب

والله يابنات اني قاعد انطر الدوره لانه عوارها ذبحني كل اعرضها وماتوقعت حمل بس حاطه امل ودايم اقول وانا ادعي يارب انك سميع مجيب قادر على كل شي

يارب تفرحون فرحتي باقرب وقت يارب والله مت بجي بالمختبر وسجدت سجدة شكر لله بالمختبر وقمت ابجي بصوت عالي وابوي يلمني ويظحك واقوله يبه صج ولا جذب والله اني مومصدقه