|
|
مساء الخير
باجر ان شاءالله قص مهري
ومحتارة بجم شغلة مثل شعري اشلون اسويه؟
افله سيدة والا اسويه كيرلي؟
<<مع العلم شعري طويل وشايفيني وانا مسويته استريت
ومكياجي احط كحل ومسكرا والا اثقل شوي واحط شذو؟
وفي شي محيرني احسه فشلة مع ان امي تقولي سويه .gif "Eh S(22)")
تقولي اول ماتتيين بوسي راس يدته وامه
يدته اوكي ببوس راسها بس امه؟! احس فشلة جنة اتلزق فيها
ابي ارائكم بليز
اذا بتحطين شدو حطي يا بني يا رمادي وكثري المسكرا و حطي قلوس وبلاشر تطلعين ناعمه حيييل
بوسي يدته بس امه مادري احس شكو يعني اذا كانت كبيره حييل بوسيها اما اذا صغيره لا تبوسينها شكو تبوسينها من الحين احس مادري شلون
وحطي شادو بالدرجه اللي تناسب لوكج و مسكرة و اي لاينر غيري شوي من لوكج الناعم اللي بالاول بس خليج على النعومه لا تثقلين !
يدته اوكي بوسيها على راسها وامه اذا مرة كبيرة بوسيها و اممم ترا مافيها شي هم اذا بستيها على راسها لانها خلاص حسبت امج البوسه على الراس احترام و تقدير
موفقه يا قلبي
ومثل ماقالوا البنات دام شافوج بالستريت سويه ويفي بس يكون ناعم يعني مو تسوي معاه بف اوووفر لااااااااا خلج نااعمه
وحطي شدوو خفيييييييييف يعني لون فاااتح وناعم
وبوسي راس امه بالعكس هذا احترام مو تلزق
آنــآ وقــت إللي جــآبو المهرر كنت مسويته قبلهــآ بيوم ستررريت
ومــآكان في وقت أغسل شعررري
بسسسسسس مع النوووم والعفسسة صار جنه ويفي نــآعم
خذيت خصلتين من جدام ولميتهم لي ورى وبــآجي الشعرر ع الجنب
صــآر شكلي كيوووت
ودآم أهــوآ شــآيفج كذا مررهـ من قبل غيري لوك الميك أب هـآلمره
إذا شــآيفج بميكـ أب نــآعم غيري لون الحمرهـ خليهـآ شوي جريئة
أو لبسي عدســآت يبيـنووون
أمــآ على بووسة الــرآس آنــآ مــآسويتهــآ خفت حمررررت تبقع ع الشيلة لأن حمررتي حمرررره وكلهــآ قلوووس
كــآآآآآآآآآآآآآآآآآآآآآآآآآكـ بيصير إحرررآج لوطبعت
والله يهنيج
وع اللوك انا مفكرة اخلي الشدو بني خفيف
مع كحلة ناعمة واكثر مسكرا وبلاشر برونز وحمرة لحمية
بس شعري وسالفة البوسة حدي محتارة فيها
رفيجتي تقولي خلي شعرج استريت مع ان ودي اغير لان شعري خفيف
واخاف اقولهم يسوون لي ويفي ومايضبط معاي
وعن البوسة للحين مومتقبلتها احس فشلة
وبالنسبة للشعر انا اقترح عليج شي حلو اشرايج تسوين عجفه رومانيه وبف لأن انتي ماراح ترقصين …واذا بتلبسين نفنوف سهره سوي مثل ماقالوا البنات ويفي عجيب وراح يضبط معاج لأن انا شعري ناعم وخفيف ولما اسوي الويفي يصير كثيف وحلو وبعد تدرين ليش اقولج سوي ويفي او عجفه لأن راح يشوفونج بالعرس بتسريحه فإنتي هني غيرتي لوكج عدل ….وبس
والمكياج بسيط حلو وناعم وبالنسبه لبوست راس الام واليده بوسي راسهم هذا احترام مو معناه تتحيلقين حبوبه
مشالله البنات ماقصرو
واخيرا عدى هاليوم
سويت شعري ويفي وصار يهبل
غير من شكلي واااايد محليني حيل
وبست راس امه ويدتينه عشان لحد يزعل 