|
|
السلام كويتيات
ربي يرزق كل محرومه يارب
ويرزق أختي بالذريه الصالحه الي تفرح قلبها وقلب ريلها وقلب أمي وقلبنه:d
المهم
بنات أختي الي أكبر مني باجر الي هو يوم الأحد بليل إن شالله يوم سحب البويضات
هي مو أول مره تسوي الحقن المجهري
مسويتها من سنه ونص
بس بعد سحب البويضات وايد تأذت يعني حست بألآم بأرحامها وظهرها عوار مو طبيعي ومسكينه كان تون وتحس رحمها كأنه أحد يشده لها وظل العوار والألم ليوم الترجيع حتي بيوم الترجيع تحس بعوار تقول أشلون ترجعون الاجنه وأنا ما أقدر أمشي بس الدكتوره قالتلها طبيعي لان سحبوا منها وايد بويضات ماشالله
الحين بنات منو مر بتجربتها وحست بعوار وخذت شي وخف العوار وشنو تنصحونها تسوي
وان شالله الاقي تجاوب
ويعطيكم العافيه
العوار كان من تحاميل التثيبت اهي اللي تعبتني بس العمليه ما اتعب
عسى ربنا ما يضيع تعبها ان شاء الله و تعيد و اهي حامل يا واحد يا كريم
انا مابي اخرعها بس اخاف جرحو لها المبيض المرة اللي فاتت لما سحبو البويضات
عموما ان شاء الله ما عليها الا العافية انا سويت العملية مرتين وبالمرتين حاشني عوار لدرجة اني ما اقدر اوقف سيدة انحني علشان امشي من الالم بس بالبندول ومن بعد الله سبحانه خف
وعلشان خاطر العيال مستعدين نتحمل كل شي … الله يجبر بخاطرها ويخفف المها ويرزقها بالذرية الطيبة الصالحة يا رب 
اذا هي عمليه اكيد بتحس بعوار والالم موجود
اليوم ان شالله خل تقول للدكتوره ان المره الي طافت تعورت خل تحسب احساابها علشان بوقت العمليه يديرون بالها عليها
وخل يعطونها مسكنات
خل تشد حيلها و ما عندنا غير المسكنات
وتقوم بالسلامه
أنا سوييت مرة سحب بويضات كان عوار وتعب ونزف خفيف رجعوا 3 أجنة لكن ما ثبتوا
ومرة ثانية بعد سنة رجعت أجنة مجمد وبفضل الله ثبت ..
في رمضان الفائت سحبت بويضات بس مت وحيييت تعبت ونفس الشي تكرر وياي عوار ذبحني ردوا الأجنة 4 وماثبت
سؤااااااااااااال دائما أسأله ليش الأطبة مستعجليين ؟؟؟؟؟؟ليش ما ينطرون على الأقل شهر ونص؟؟ صراحة موت أدوية وأبر وتحاميل إنحناااااااا بشر
نحن بشر لا نمتلك قوة جمل ولاقوة حصان واحد ..!! طاقتنا محدودة !!
الرحمة الرحمة الرحمة يارب يا الله يا الله يا الله
ماتقصرون والله يرزقها الحمل السليم يارب
|
المشاركة الأصلية كتبت بواسطة الفريده
 هلا حبيبتى انا سويت عملية الحقن المجهرى 3 مرات وكل مره يصير فينى عوار من عقب السحب لأن البويضات تكون كبيره فعشان جذى يعوروون بعد السحب فهذا شى طبيعى والله يبرد على قلب اختج ويرزقها بالذريه الصالحه وتقوم بالسلامه ولاتحس بعوار ولا بشى
|
الله يرزقج ويرزقها يارب
بس حبيبتي
متي ظل العوار ماتتذكرين ؟
لأن هي لي الحين تحس بعوار
لسحب المبايض