اي هو احسن الهادي ولا المواسااه

السلام عليكم ورحمة الله..

حبايبي كويتيات

ياريت تساعدوني للي عنده خبره او جرب الولاده في مستشفى الهادي والمواساه

ايهو احسن وشلون تعاملهم..؟؟

عفيه فيدوني واكون شاكره لكم..

انا سامعه ان الهادي تحسين بكل شي اثناء الولاده

اكثر من وحده قالت لي

حبيبتي الله يسهل عليج
انا مجربة الهادي و السلام، و المواساة بنات خالي مجربينه و يمدحونه بس يقولون ان الكمام خفيف شوي.
الهادي قبل كان روووووعة بس الحين ليش صار زززحمة و عليه ضغط و على قولة دكتورتي صار لوووية الا ان كمامهم رهيييب شمتين وانتي اخخخخخخخ و خدمته زينه بس عيبة ان مافي تجهيزات كاملة للبيبي مثل عدد كافي للحضانات و المعدات الطبية،،، السلام الصراحة بالاول كنت خايفة بس لما جربت الصراحة توب في كل شي الخدمة و الرعاية الطبية و السسترات حليويين و خدوميين و الكمام زين و المعدات كلها كاملة و اهو المستشفى الخاص الوحيد الي اجهزته كاااملة.

ان شاء الله اكون فدتج ،،، و نصيحتي روحي شوفي المستشفيات سوي توور و الي ترتاحين لها اختاريها

انا ابصراحه ولدت ابجري بالهادي كنت ميته من الخوف

بس الحمدالله ماحسيت ابأي شي جني نمت وقمت وابصراحه في اهتمام ونظافه

وخياطهم يهبل عند بهواني فظيعه

ويمدحون انيتا

والسهاله من الله والله يهون عليج ان شاء الله

والله حبيبتي انا ناويه اولد بالهادي لانه اهلي نصهم يولدون في وقولون الكمام روووووووعه وماتحسين بالعوار وكنت اروحلهم اشوف السسترات 24 ساعه يايين وملوت النظافه كل ساعه طالين ابوايهج ينظوف ومعروف الهادي قديم بخبرته الممتازه بس الحين صار اشوي ضغط لغابليه الناس علي انصحج روحي الهادي وصلي صلاة استخاره

طبعا المواساة

الهادي صار كأنه مستشفى حكومة

لوية و اهمال و زحمة

الهااااااااااادي

المواساة أكيد

الله يقومج بسلامه بس ردود البنات أتحير

مااقدر افيدج لاني ماجربتهم بس اسمع وايد يمدحون المواساة

حبيبتي انا ولدت عيالي بالهادي ممتازين بس ها اخذي غرفة سويت و الا الملكي احسن لان باجي الغرف تصير زحمة و اليهال لي نص الليل قاعدين جنهم في زوارة بس اهم شي راي الدكتورة اللي بتولدج اهي اكيد اخبر بالمستشفى الافضل من الناحية الطبية و الرعاية و على قولة البنات استخيري و الله يقومج بالسلامة

المواساة اكيد ما يبيله حجي

صج ردودكم تحير وانا بروحي محتاااره

الله يسهل ان شاء الله وانا بستخير وبشوف

لاني بجر وموعارفه شنو الاحسن وما ادري وين ارووح

دعواتكم لي ..

الهادي

السلام عليكم بنااات

انا عضوة يديييده من زمااان اتابع سوالفكم و مشاركاتكم بس اول مرة اشارك بالمواضييع

شوفي حبيبتي انا ولدت مرتين بالهادي ممتاز كخدمة و ممرضات و كماام و اللي خلاني اولد هناك اهي دكتورة بهواني و الحين انا حامل و موعدي اخر 3 ,,,,,,,,,,,,,, تصدقيييين لايعة جبدي من الهادي ماودي اولد فيييه زحمة و غثقة كان مستشفى حكومي و لو الود ودي اولد برويال حياة او المواساة بس مشكلتي متعلقة بدكتورة بهواني الصراحة حاولت اراجع عند دكتورة معصومة مخصييد فترة بس والله ماقدرت لاني خايفة من الولادة و متعودة على بهواني مع ان هم د.معصومة زيينة بس دامج تعودتي على دكتورة من الصعب انج تغيرينها

فانصحج اذا دكتورتج بره روحي اولدي بالمواساة اهدأ و ارقى و مستوى الممرضات مايقلوون عن مستوى الهاي و مررررة وحدة اخذي ابرة الظهر
الله يسهل علي و عليكم انشالله