|
|
شلونكم بنااات؟؟
موظفات بالمجلس الوطني او احد سامع عنه شي تفيدني
عن المكان ؟؟؟
طبيعه الشغل؟؟ انا تخصصي اداب انجليزي… يعني وين راح يقطوني؟ شنو شغلتي هناك؟
اول معاش جم؟ و وقت الدوام من جم لي جم؟
والمجلس تبع حكومه ولا هيئه مستقله ولا شسالفتها؟؟ لاني ما عرف ولا شي عنها
وقاعد اسأل عنها بس ما عطوني شي مفيد .. وانشالله انتوا تساعدوني
اي معلووومات بلييز 
ان شاءالله اللي عندها اي معلومه تفيدنا
انا دورت مواضيع عن المجلس بس ما طلعت فيه بمعلومات
بناااااااااات اي احد الي يعرف شي لا تخبل علينا
رفيج ريلي يشتغل هناك مهندس معماري يقول المكان وايد زين ومريح ..يعني وايد مدحه
واذا على تخصصنا انجليزي ممكن يقطونا متاحف نصير توور غيرل p:
او نصير مترجمات بس مادري بالمبنيى الرئيسي ولا لا ..بس اتوقع بالرئيسي
ومعاشهم بين 640-680 … وانا انشالله هالاسبوع بروح اسأل عندهم افضل عشان اعرف الوضع
وهذا الي طلع معاي D:
انا طلعلي هالمكان اسبوع الي طاف عن طريق الديوان وانا تخصصي محاسبة ..رحت شفت المكان هدوء والموظفين الي هناك حبوبين
دوامهم من ساعه 8 لي 1:30 وشغلهم خفيف يقولون ..وعندهم كادر راح ينزلهم عن قريب..بس عن دوام المتاحف ماعندي فكره
والمبنى الرئيسي يم غرفة التجاره والصناعة
وبالتوفيق