اي شي يصعد لي شقتي لازم يمر على الرقابه خالتي افففف

بنات والله اكتب لكم هالموضوع وحدي منقره شنو هذا يا ربي
شي يبط الجبد
خالتي بااااااااااطه جبدي وماني عارفه اتصرف معاهااااااااااااااااا

والله يا بنات شي يقهر
تتحرش فيني
تدرون شلون
اذا دزيت على اهلي شي فتشت اغراضي
وتفتش الجياس اللي اوديها لاهلي
يا ربي ليش مدري
شتبي فيهااا
ليش تنبش مدري
تمسك الجيس من خدامتي وتفتحه وتشوف انا شنو موديه لاهل
مره من المرات اختي مرتني بسيارتها وكانت تبي بدله مني
ويوم وصلت دزيت الخدامه معاها جيس البدله
خالتي قضبت الخدامه وفتحت الجيس وتتفرج على البدله
شي يقهر والله
شنو هالحركات هذي
ومره اختي انا موصيتها تجيب لي اغراض من السوق وكنت ابي قميص نوم معين من السوق ووصيتها تشتريه لي وقلت مريني وبنزل لج الخدامه تصعد لي الاغراض قالت اوكي
يوم وصلت عند الباب نزلت خدامتي لهااااااااا
والخدامه قبل لا تصعد لي فوق مسكتها خالتي
طبعا الرقابه العامه لازم يمر على المفتش اللي تحت
فتحت الجيس مع انه مسكر تسكير محل
وشقت الزقه اللي فوق وتفرجت وعطته خدامتي وقالت وديه
شكوووو ماكو خصوصيه
كل شي يشوفونه ويفتحونه
ما يوصلني الغرض من بيت اهلي او من خواتي الى مبطل وشايفته
اوكي بعرف العدف من هذا كله شنوووووووووووو
تتحرش يعني تبي المشاكل

او انها تبيني اراددها ولا شنووووووو
كم مره حاولت اقط نغزات وقطيتهم عقب ولا حياة لمن تنادي
ما تحس ابد انها موجهه لهاااا
واهي مو كبيره حيل علشان اقول ما تستوعب لا تفهم بس فيهاااا خبث
ولا تقولون لها حاجيهااا مقدر اكلمها لان لو كلمتها يمكن تقوم القيامه لانها بتاكلني بقشوري وانا ما اعرف ارادد احد
اذكر مره بس قلت ما ابي اد يدخل بيني وبين زوجي والله قالت لزوجي طلقها ما تصلح لك
علشان قلت مابي احد يدخل بمشاكلناااا كلتني
يا ربي شلون اتعامل معاها فيدوني تعبت منهاا
يا رب عسى اللي تسويه فيني الله يرده في بناتهااا
وكل شغله تغثني فيهااا الله يردلهااا في بناتهاا
حسبي الله ونعم الوكيييل

الله يعينج حبيبتي والحل اهوه ان اغراضج الخاصة انتي استلميها بنفسج من اهلج لا تخلين الخدامه اتييبهم او اتوديهم انتي بنفسج سوي شغلج طبعا كل هذا عشان ريلج وحياتج وتبعدين عنج المشاكل

امممم

انا مو متزوجه

بس لو تزوجت وربي رزقني خاله جي (الله لايقوله)

بنزل بروحي بودي الاغراض
وبنزل اخذهم بروحي
ووولو فيها خير تقول جيبي الكيس

الله يعينج حبيبتي واله شي يبط الجبد

حبيبتي انتي قلتي الحل بنفسج وهي كلمة حسبي الله ونعم الوكيل

وخليها تاخذ الاثم بروحها لاتقطين كلام ولاشئ فوضي امرج لله

الله يعينج حبيبتي

لا تحاتين ترى في بنات مثل حالاتج هلون والي اهمه انا

انا مخطوبة بس تخيلي ماترضى اقفل غرفتي او انظفها لازم تدخل هي وتشوف وتنظف .. واذا شريت شي وحطيته بالدرج تقول لي وتقول حق زوجي لا تشترون اكا عندنا واحته مره كنت بسوي بوب كورن اتصلت قلت لها جم دقيقه احطه في المايكرويف تخيلو تقول لي هذي ماخذته من عندنا .. واااي فشيله والله

الله يعينج واستغفري .. ترى الاستغفار يسوي نتيجه والله ..

الله يهديها وتفكج وتفكني وياج

مو المشكله مو حلوه انزل والبس دراعتي وملفعي وحالتي حاله واخذ اغراضي
هذا شغل الخدم وبعدين شلون اطلع للسايق يعني الخدامه تطلع بالشارع وتاخذهم من السايق او اختي
شي يقهر والله لو اطلب مطعم او اطلب من المنتدى او النت لازم يفتحون ويشوفون
صرت شغلي كله اطلبه عند اهلي
بس مرات اعتاز شي من خواتي اكسسوار جنطه لبس او اوصيهم يجيبون لي شغله ضروريه لازم اخليهم يوصلونها الين شقتي في بيت حمولتي
شسوي فيدوني

وااي واي خالتج احسها خالتي قماشه !!!

شوفي يامعوده لايكون حاطه بعد كاميرات !!

بصراحه كلش مالاداعي تنبش اصلا و تفتح شي مو لها وين قاعدين ؟؟ بس اذا على قولتج نجريه و تاكلج بقشورج بعد شتسوين كل شي انتي وصليه بايدج لا تعطين الخدامة الا اذا اهي مو بالبيت .. والا تدرين حطي جيس على يوم فيه زهيوي خلي يطلع لها واهي تبطله علشان تحرم لووووووول لالا اتغشمر و ابي اوسع صدرج لاتضايقين

ولاتقولين حق ريلج لان ماراح يسوي شي ؟!؟

شنو بيقول لها يمه لا تبطلين الاجياس انسي هالموضوع والله يوفقج ويعينج على قماشه

الله يعينج عليها
خلي الخدامة تاخذ الاغراض من السكة
وانتي نطريها عالدرج
واخذيهم منها لي دخلت

بنات مو حلوه انزل اخذ الاغراض بنفسي
يعني شلون اطلع للسواق واخذهم
مره وقت على الدرج انطر خدامتي علشان اكسر عينها وتستحي اذا شافتني
والله ما همها لحقت خدامتي براااا الشارع وبطلت الجيس قبل لا تدخل
يعني معقوله بوقف برااا الشارع والبس خلاجيني وانطر السايق
يا ربي تاخذ حوبتي منها واشوف فيها يوم يا رب
وتكفيني شارهااااااااااااا

الله يعينج
خاالتج حشريه وبمعنى اصح متسلطه تحب تعرف الداش واللي طالعاحسن حل انتي وصلي اغراضج بنفسج
وبهالحركة اكيد راح تفهم

الله يكوووووووووووون بعونك ….

والله خالتي قماشه اهون على الاقل ما تتحرش هذي شي شي مستحيل
ما عمري مرت علي وحده جذيه
يا ربي وبعدين اذا فتشت شنو تستفيد يعني
ومقدر اطلع للسايق زوجي ما يرضى افهموني
وخاصه ان زوجي دلوعة امه لو اقوله شي عن امه ذبحني
يعني بالعه مووووووووووس وساكته عن كل حركاتهاااااااااااااا
بنات تعبت نفسيا شكلي مالي الى الزهيوي
شفتو خلتني مينونه اضحك وابجي

الللللللللللللللللللللله يعينج !!
معقوله في ناس جذي ما تستحي !!
أنا أقول من المره اليايه خلاص كله انتي ودي وييبي الاغراض لا تنزلين خدامتج
يمكن تحس على دمها !!
والله يوفقج

لوووووووووووووووول ماعليه هونيها وتهون و لاتدعين على احد الله يهدااج
والله حطي الزهيوي اللعبه مالج الا هالحل خخخخخخخخخخ عاد قوليلنا النتيجه

خالتي مو مال زهيوي ما ينفع معاها
مال كوبرااااا تسمهااااا مثل ما سمتني حسبي الله ونعم الوكيل اشغلتني بالتفكير كل يوم طالعتلي بمصيبه