|
|
هاي بنات عيدكم مبارك .gif "Eh S(7)")
بنات بسأل
انا وحده بنكي ربوي وان شاء الله بطلع منه وبحول اسلامي بس بدفع ديوني الحين وبروح اسلامي
وباخذ قرض منه
بس ابي اعرف الفرق شنو ؟
موسالفه الطريقه لا
يعني سمعت ناس تقول الربوي احسن لانه لي طيحته بعدين تطيح معاه الفايده
بس
الاسلامي عيبه اذا سكرته بعدين لازم اسكره مع فوايده
شرايكم احول ولا لا ؟؟؟؟؟؟؟؟؟؟؟
اختي انتي تدورين الحلال عدل؟ عشان جذي بتطلعين من البنك الربوي
فلا احد يقص عليج ويقنعج بأشياء تصورلج ان البنك الربوي احسن من اي ناحيه من النواحي
ياقلبي هذي ربا مو شي سهل
مال حرام و سحت وعقابه شديد
الحمدلله اللي من نفسج قررتي تطلعين من هالبنك لان في ناس الله اخذ امانتهم وهم كانوا يدرون انهم ببنك ربوي ومايجوز وظلوا فيه عشان هالدعايات
ماكو شي يسوى انج تضيعين اخرتج عشانه
المرابحه نظام اسلامي سليم 100%
مثلا انتي ماعندج فلوس تشترين سياره
اقولج انا اشتريها من الوكاله مثلا قيمتها 10000 دينار
واقولج انا ابيعها عليج اقساط بس ما ابيعها ب 10000 شاستفدت؟
ابيعها عليج ب 12000 مثلا
وتدفعين لي اقساط
سواء سددتي المبلغ عقب شهرين سنه ولا بنهايه المده
اللي بتدفعينه التوتال 12000..ليش؟ لاني شريت بضاعه وبعتها
لكن الربا ياخذون فلوس على الفلوس لا باعوا ولا اشتروا من جذي يقولج ان اذا سددتي مبجر تطيح الفوائد
بس حراااااااااام اللي يخاف ربه ويبي الحلال ومايبي عقاب ربه مايتجه للربا
انا بالنسبه لي
مهما تكون المشقه بالبنك الاسلامي حتى لو بيطلع علي اغلى
اروحله ولا اروح لبنك ربوي مهما يصير
وانتي عشان تتأكدين سألي مشايخ وناس متخصصين
هني بايونج ناس الله يهديهم غاطسين بالربا وبيقعدون يقولون لج لا عادي واحسن ومادري شنو
الله يهديهم بس مايدرون شاللي ناطرهم من عقاب
سألي ناس متخصصين وان شاء الله تلقين الجواب الي يقنعج