|
|
السلام عليكم ورحمة الله وبركاته
انا متزوجه من سنه ونص ,,, حملت أول زواجي وتعورت على شهر
بعدها بكم شهر رحت عملت تحاليل وكشف على الرحم بكذا مستشفى والحمدلله كل شي سيلم
انا وزوجي كل شي سليم يارب لك الحمد
بعد فتره رحت للممرخه قالت لي يمكن معك انسداد وعطتني تحاميل واعشاب ودري شنو
ايام الدوره جربت التحاميل وحسيت انهم فادوني كثيييييير لان الدم ( وانتم بكرامه ينزل معي كنه نزيف) بس اتعبوني كثيييير فا ماكملت العلاج لاني وصلت للمستشفى من التعب
,,,,,,,,,,
المهم الحين
انا اليوم اول ايام الدوره علي
ابي منكم تفيدوني شنو اشرب شنو اسوي لين بعد الدوره
,,,,,,,,,,,
ولاتنسوووو دعواتكم لي بالحمل عاجلا غير اجل
اللهم اميييييييييييييين
وزنجبيل بحليب
واشربي كمون
الدارسين والكمون والزنجبيل ينزلها وينظف رحمج
وعندج شاي البابونج هم حلو حق آلام الدوره
اخذيه قبل لا تخلص الدوره كل يوم كاس
بس الحين ابدي بالشاي بدارسين حلو
ودير بالج على نفسج
ودفي رجولج اهم شي
والبسي جاكيت لان البرد يعورج ويخليها ما تنزل كلها
التدفيه لازم
واذا فيج برد ادهني رجولج بفكس والبسي دلاغات اذا انتي الحين ببيت اهلج لان يمكن الرجال يتأذى من ريحة الفكس والراحه ارتاحي
الله يسعدك ويهنيك ويرزقك ويوفقك
ربي يرزقك بالذريه الصالحه على اللي كتبتيه لي
وراح اطبق كل كلمه قلتيها لي
لاني جاهله جدا بالسوالف ذي
ربي يسعدك ويهنيك يارب
…………
اليوم قلت لزوجي الدوره علي
كان يزعل ويطلع برا البيت شسوووووي وربي مو بيدي
…………..
اللهم ارزقني وكل محرومه الذريه الصالحه
المهم ان بعد ثاني يوم وقفت دورتي
والسبه الدارسين
بنات الحذر الحذر من الدارسين
لان الدارسين يوقف النزف ما ينزل الدم الي بالرحم
وهالشهر تأخرت علي سبوع وذبحني العوار كله والسبه الدارسين الي شربته الشهر الي طاف
المهم هالشهر قاع اشرب مراميه
والصراحه امس شربتها مرتين واليوم شربتها مره وحده
وكل شي عندي اوكي
واحس رحمي قاع ينضف
قاع تطلع مني كتل دم متجلط كله من الدوره الي طافت
وفوق هذا بطني قاع يفش الشهر الي طاف وايد انتفخ
للعلم فقط الدارسين زين قبل الدوره حزت الدوره موزين
ديرو بالكم منه :>
وجربي مرميه وماراح تخسرين
واهم شي الدعاء والاستغفار ولا تفكرين وايد ترا التفكير ياثر
بنات ابي شي يخفف عوار الدوره ذبحتني
وزوجي الله يهديه راح وتركتني
اخذي سبع تمرات وحطي ملعقتين زيت زيتون+ ملعتين رشاد
واعجينهم مع بعض عقب حطيها بعلبه واكليها بس بأول وثاني وثلاث يوم
الدورة وخامس يوم الدورة شربي زنجبيل لين ماتخلص الدوره يعني لمدة خمس ايام
وبعد شربي حليب ساخن حاطه فيه شوي فلفل اسود وشربيه ينظف البطن كل هالشغلات
زينه حق الدورة وبعد عندج قهوة نواة التمر عند محلات التمور اشتريها منهم وسويلج
قهوة وشربيها اذا يتج الدورة بعد هم زينه عاد انتي شوفي اللي يريحج وجربيه وماتشوووفين شر حبوبه
الدارسين بنات ما ينشرب قبل الدوره بس بايام الدوره
لان احتمال تكونين حامل ويسوي لج اجهاض
الدارسين يسبب اجهاض
لان ينزل كل شي بالرحم المريميه حلوه بعد
هم الدارسين ما ينكثر
يعني الشي اذا زاد مو حلو
ومثل ما قالت وحده من الخوات الفلفل الاسود مع الحليب الساخن
والالام الدوره مثل ما قلت شاي البابونج يخفف
ربي يبارك فيها ويرزقها