اول مره ادش هالقسم فيدوني 

السلام عليكم ورحمة الله وبركاته

اول مره ادش هالقسم (؛

انا ربي رزقني بولد وانا الحين نفاس لي 38 يوم

بنات ولدي ما اخرج (تبرز) من 3 ايام عزكم الله

شربته ينسون وماي غريب وللحين ماسواها ( سوري)

وانا بجر ومو عارفه لييش

كسر خاطري بس يبجي وغازات ببطنه

ومشكوريين مقدما

انا امي اذا احد من اليهال في امساك تحط قطن
الاذن في زيت زيتون و تدخلها بالفتحه على طول
يخرج اليهال ان شاءالله تكون هالطريقه زينه بس
للامانه انا ما جربته مع ولدي بس اختي جربتها
مع عياله كلهم كانو يرتاحون لان بطنهم يكون يابس
من الامساك

اي والله بطنه يابس

جزاج الله خير حبيبتي

حطي تحميلة جلسرين للاطفال

لا !! تحميله لا! صبري شوي التحميله 5 ايام اذا ماخرج اهني يحطون تحميله.
اول شي غيري الحليب وثاني شي عطيه ماي منقوع التمر شوي خل يشربه بقفشه. اي شي حالي (فيه سكر) يسهل ويمشي البطن. لاتحوسين فيه وعطيه خل يشرب مااااااااي عادي وبعدين ماي الغريب مايخليه يخرج. عندج دوا اسمه بونيسان يبيعونه بالصيدليه ممتااااااز للغازات والامساك والاسهال والنوم وكل شي اقري الورقه اللي مع الدوا بتعرفين شنو يسوي.

حبيبتي جربي له الينسون او شي حالي
بالنسبة للحقنة اللي هي زيت زيتون في عود اذن وتدهنين له من تحت بس مو زين تسوينها وايد

حبه حلوه ونبات يسهل على طول واذا ما فاد في دوا بالصيدليه اسمه gas

وديييه الطبيب

و دوريلج حليب للامساك

اذا اترضعين المفروض يكون مافيه شي

حبيبتي أمي تقول لا تحط شي تحت لازم يشرب شي عشان يخرج مثل الكمون فوحي ملعقه صغيره و حطيها برضعته و شربيه زودي عليها حب الشكر عشان يشربه

فديته الله يخليه لج 😘😘😘😘

جزاكم الله خير حبايبي

انا ما ارضعه دايم لانه مايبي صدري

ومششكورررين

اب اب

بعض انواع الحليب
تسبب امساك
وفي ادوية بالصيدلية مثل القطرات بعد كل رضعه
يستخدمها تبع الهملايا
يعني ياخذها بانتظام
مو تنطرين الامساك
وتعطينه
والله يعينج
ع هالفترة
وتحاميل الجلسرين للاطفال مو مضرة
لاتخافين من استخدامها له
خاصة اذا شفتيه يتعب من الامساك

حمدالله على سلامتج ومبروك ما ياج
حبيبتي جربي تحميلة جلسرين زينه
ويمكن نوع الحليب اللي تعطينه اياه يسبب له امساك حبيبي
الحليب اللي فاد عيالي نان وايد زين

حببتى هل بيرضع صناعي ام طبيعى

صناعي

مايبي صدري 

حاولت فيه ويبكي