|
|
بنات مادري شفيني حاسه بقمته وضيقه وكل ما ايي الليل والله احس ان ابي ابجي استغفر ربي واقوم ابي اصلي وربي حتى الصلاة ما اقدر اصليها مادري ليش ابي اصلي وابي ارتاح مادري شلي يخليني ما اقدر حتى صلي لي تضايقت
وزوجي صايرة مو طايقته والله اليوم الثالث وانا على هالحال مادري شفيني مو طايقته احس نفسية صايرة فيني ارف حشاكم
وصايرة دايما اذكر كل شي غلط فيه بحقي تزيد ضيقتي واحس ابي انفجر
وفوق هذا اقعد اقارنه بفلان وعلان اقول بقلبي زوج فلانه ذي وانا لا
ما احسدها بالعكس بس انه مادري شفيني
تخيلوا حق نفسه يسوي كل شي ولي صار عند فلوس يعرف بشنو يصرفهم ومراجعاته للطبيب يعرف شلون يذكر وما ينسى وانا مراجعاتي بالطوف رحتي رحتي مارحتي بالطقاق وبنتي تطعيماتها ولا لي مرضت بالطقاق
وهو لو نرة بويه يقعد يحاتي ويروح الطبيب
لي بغى يسافر ما ادري شلون يقدر يروح ويخطط ويجهز ولي قلت له يقولي سوي كل شي عليج
هي من فلوس السفرة وهي من مصروف وهي من كل شي انا اتحملها
والحين مراجعتي حق الحمال بحسابج والولادة بحسابج وتجهيزي بحسابي
عمره ما يى وفاجاني بسفرة او شي
انا مو عالشان السفر ولا ميته عليه لان اصلا ما عندي حق سفرة
بس محتاجه حق واحد اطلع واسافر معاه وانا مرتاحه حتى اهنيي بالكويت من وين لي وين اطلع معاه اذا ما طلعت معاه اطلع مع منو لمن اشوف اخوي وزوجته اقول ودي ويحز بخاطري بس ما احسدهم بالعكس اتمنى اكون نفسهم محتاجة اقعد مع واحد قلوبنا صافيه حق بعض
ودي اقعد مع واحد يقولي الي بقلبه مو يقولي كلام وهو بقلبه 100 شي ثاني ما احب واحد بويهين
بتقولون طلعي معاه كل ما اطلع معاه وادخل محل يقعد يقارني يقولي شوفي لو تلبسين جذي وكاب ومادري شنو ونظارة شمسيه انزين شلون بلبس كل هذا وانا متحجبة دامك تبي جذي جان اخذت وحدة مو متحجبة بس لا تقارني فيهم عالشان جذي كرهت الططلعات معاه اخذتني وتدري اني متحجبة محد جبرك
بنات كتبت لكم حسيت بضيقه ابي افضفض
ودي ودي اشياء بس وينها
طوفي بمزاججج بس مو كل شي يطووف كلميه تعاليله بالاسلوب الحلو يا بو فلان تري بخاطري ومشتاقه اني اطلع معاك ومن هل حجي
ومستحيل ريال قلبه ما يلين لما يسمع هل كلام لو شنو كان والله الهادي
وخلصي امورج من بيت اهلج مالج الا هالحل
وتحري يا بتييج الدوره ياحامل الله العالم لان نفسيتنا تصيرلا اوفر بهالاوقات
الله يشرح صدرج وييسر امرج
والله عورتي قلبي
انا بحمالي اخر شهر ريلي طنشني مع انه اهم شهر
كان ما يطلعني وايد
وتهاوشت معاه وزعلت قلتله انت ما عودتني انك ما تهتم فيني
اصحى شوف نفسك تغيرت
ليما حس بكلامي والله هداه
الله يهديه لج حاسه فيج لاني مريت بهالمواقف فتره من الفترات
الله الهادي
الله ايصلح حالة ويسخرة لج وويحنن قلبه عليج يارب
………
| اهم شي تطعيمات بنتج لا تتهاونين وديها من بيت اهلج
وخلصي امورج من بيت اهلج مالج الا هالحل |
السالفه مو سالفة تطعيمات ولا سوق انا قادرة عليها بس سالفه اهتمام واحساس بالشخص الي تحبينه
لو يت عالتطيعيمات وايد اهون
الي يبط جبدي مقارنته لي
خلاني اصير نفسه امشي واقارنه بغيره
انتي لاتطالعين اللي احسن منج شوفي الي اتعس منج تهون عليج مصيبتج
انا ادري الوحده تبي وتتمنى من زوجها كل شي حلو ..
واللي يقولج من تزوجت ماطلعت مع رجلي الا طلعتين ولاسافرت ولاتعمرت ..
غير مسؤليات البيت مايقوم بها ولايجيب الماجله ولا يودي ولايجيب ..وكله نايم وكسول..وكله موعاجبه
يابنت الحلال ..دوري لي وحده مستانسه 100% …بذمتج الحين اهلج اول ولا الحين ..ترا الوحده لاتزوجت محد يتحملها و مالها الا بيتها فكري ..حنا لاتضايقنا مانفكر الا بشي واحد..بس انتي ركزي شوي وتعوذي من ابليس ..والزمي الاستغفار ترى تفريج للهموم والضيق ..انتي الحين عندج بنت ..لو انه ماعندج اقولج فيه خيارات ثانيه انتي مسؤله عنها بس حرام الحين انتي مرتبطه فيه اكثر.. اليوم قعدي مع نفسج تذكري شنو الايجابيات فيه مو معقوله كله سلبيات ..وطالعي غيرج اللي رجلها خاينها واللي اكتشفت انه يشرب واللي واللي.. يعني الحمدلله رجلج زين من هالنواحي..ادعيله الله يصلح شانه..اقسم بالله لو تشوفين رجلي شتقولين وفوق هذا احاول احبه واجتهد وابلع كل كلمه منه لو جرحتني ..على فكره انا مالي الا جم شهر متزوجه بس شسوي ..لازم اتحمل ..انا مابي اخرب انا ابي اعمر..وهذولا الرياجيل بالكويت ماكو مسؤليه ولا احساس..وترى الجيات والروحات مو مقياس للسعاده..ادري تدخل الفرح لقلوبنا بس الانسان يدور على سعادته لو يبيها ويغمض عن العيوب..
وعسى ربي يسعدك
اسفه على الاطاله.gif "Eh S(22)")
ترا واي حريم شحلوهم بالبيت من يطلعون مع رياييلهم يقلبون و هواش و غثا
انا اقول طلعي و استانسي مع خواتج و رفيجاتج
و بالاخير بتطلعين معاه بمناسبه ولا عزميه او اي شي
لا وقفين حياتج عليه
صرف ولا ما صرف ما راح تموتين الحمدالله معاشج موجود
بس هل يصرف على الماجله ؟ الخدامه ؟
المهم لا تسويين جذي بنفسج علشان ريال !
خليج لعيالج و طالعي الله و طالعي عيالج الله يخليج لهم … ربي يهون عليج
استغفر الله
استغفر الله
استغفر الله
| اسال الله ان يفرج همج
انتي لاتطالعين اللي احسن منج شوفي الي اتعس منج تهون عليج مصيبتج انا ادري الوحده تبي وتتمنى من زوجها كل شي حلو .. واللي يقولج من تزوجت ماطلعت مع رجلي الا طلعتين ولاسافرت ولاتعمرت .. وعسى ربي يسعدك |
حبيبتي انتي ما تدرين اذا في بلاوي ولا لا بس مو معقولة بيي وبتكلم وافحه تعلمت من استر واسوي نفسي مو شايفه هذا الي يخليني متضايقه ومتكدرة خليها على الله
| يا حياتي عادي طوفيها
ترا واي حريم شحلوهم بالبيت من يطلعون مع رياييلهم يقلبون و هواش و غثا لا وقفين حياتج عليه المهم لا تسويين جذي بنفسج علشان ريال ! |
حتى خدامه ما عندي يقولي تبين بحسابج خليها على الله ولمن اقوله اوكي انا بييب يقولي والمعاش من بيعطيها امانة شرد غير اني اقوم اطس ممن ويه
انا ما تنبط جبدي الا لمن يقارني بلبس وحدة سفور
اولها واهمها انتي تبين زوج يهتم فيج محتاجه اهتماااااام
تبين تحسين في وجودج بحياته تبينه اهو من نفسه يعبر لج ويسوي لج
مو كله يسوي حق عمره وناسيج 
الكلام الي قلتيه لنا قوليه حقه قولي له انت مقصر بحقي وفيني ولا عمرك من نفسك تذكرتني وقلت لي او سويت لي
والله الي انتي فيه مو شويه شي يقهر ويحر القلب
نصيحه لا تحطين بقلبج وتسكتين لانه مايعرف شنو الي خاشته ولا شايف الي تقولينه
روحي قعدي معاه قولي له هالحجي احسن جود يتغير او يحس اشوي
|
المشاركة الأصلية كتبت بواسطة ام فجور 2024
 حتى خدامه ما عندي يقولي تبين بحسابج خليها على الله ولمن اقوله اوكي انا بييب يقولي والمعاش من بيعطيها امانة شرد غير اني اقوم اطس ممن ويه
انا ما تنبط جبدي الا لمن يقارني بلبس وحدة سفور |
اهو بخيل ولا شنو ؟؟
اشدعوه كلها 40 دينار ليش يسأل عن المعاش
امممم احس انه مو قد المسؤوليات عايش كأنه عزوبي