|
|
سلام عليكم
انا اول مرة تتأخرالدورة علي بحياتي صارلي يومين ماجت واحس جبدي تقلب مادري شنو الاحساس وانا ادور الحمالة صارلي سة وثلاث شهورالله يكتب اللي فية الخير بس مااحس بصدري يقولون لازم صدرج يعورج وانا مااحس انة يعورني ودي احلل بس اخاااف يطلع مافي حمل لاتشوفون امي كل مااقعد من النوم تقولي ها نزلت ولالا اقولها لا تقول اشوه كسرت خاطروديدها تشوف عيالي ودي ابجي وربي ودي افرحها وكل مارحنا مجمع تشوف بدلات حق الاطفال تقول يامن شافني اوفي نذري عليج واشتريلج اغراض الياهل وحتى سريره وحفاضاتة كل مااقعد تقولي جذي وزوجي كل شوي يدق علي هااا بشري نزلت ولالا اقوله لا يقول تحسين بشي اقولة لا يقول اخذج نروح نحلل دم اقولة لا مادري شفيني عليه وكارهه بيت زوجي ماادري احس بعوار الدوره ظهري يعورني وبطني بس ماادري احس بدوخة ماادري بس احس لا مو حامل خااايفة بنات وكل الناس كل ماشافوني ماحملتي فلانه حملت وولدت اقول الله يهنيها ويرزقني مثل مارزقهااا واجي البيت وابجي حيل وربي ودي ابشر الدنيا كلها اقول انا حامل متى الله كريم اذا حملت وربي اول ناس انتو بس ابي دعوتكم تكفووون .gif "Eh S(15)")
أتوقع مو شرط تحسين بأعراض الحمل كامله من بنت
لي بنت تختلف
روحي حللي وان شاءالله حامل يارب
أنا توني بعد كاتبه موضوع الدوره متأخره علي وأحس بكل أعراضها
ما عدا الدوخه والغثيان
عادي مو شرط كل الأعراض مع بعض
وترى في أعراض ممكن تحسين فيها بالأيام الجايه
وممكن لا ما تحسين يعني لا تحاتين عادي
قوي قلبج وروحي حللي وان شاءالله يارب حامل
اعرااض الدوره راح تحسين فيها
انا كل اعراض الدوره جتني حتى اصوات برحمي شي يتبطط عبالي بتنزل وخلاص قمت اشرب حار وانطرها
وطلعت حامل
موو شرط ترى
وانشالله يااارب كلكم حميل
ثاني شي الحمل اعراضه نفس اعراض الدوره بالضبط
و دام انها متاخره روحي حللي شناطره؟
بس القلق والتوتر مو زين لج .. لا اتحاتين وخليها على الله اذا تأخرت اكثر سوي اختبار منزلي من الصيدلية ..
وان شاء الله النتيجة اجابية
روحي حللي وبروحج بسكات عشان ماتشفقين امج ولا زوجج وتتلقين الصدمه بروحج وتتقبلينها والتحليل الهرموني اضبط شي
وهرمون الحمل يرتفع بموعد الدوره عشان ماتنزل بس تره هم النفسيه ترفع الدوره وماتنزلها
عموما روحي حللي آنه مره رحت حللت بروحي بدون لحد يدري حتى بوقت الدوام تالي دقيت عليهم وميته من الخوف بسمع النتيجه وقالولي موحامل بس سكت ولاقلت حق احد وقلت الحمدلله
ثاني مره حللت هم بروحي بعد الدوام رحت ولا احد يدري عني وطلع في حمل ولله الحمد
عسى الله يرزقج ويفرج همج ويفرح قلبج بشوفه النونو
.gif "Eh S(16)")
آنه مره سويت المنزلي وكنت حامل ب3 اسابيع مابين
وخلي إيمانج بالله قومي وكل شيء بيد الله سبحانه