|
|
بنات الله يخليكم فيدوني إذا تعرفون – و ياريت الأبلات يشاركون
بنتي بأولى ابتدائي صارت لها سالفة بأول اسبوعين دراسة
كانت يوميا ترد البيت تقولي بنات كبار طقوني
وانا الصراحة كنت أقول لها اللي يطقج طقيه – بس أدري فيها خوافة –
كانت تقولي لما يطقوني أقول حق الأبلة هاذي طقتني الأبلة تقول لها أكيد انتي شيطانة 
لي ثاني اسبوع ردت ودقت علي وانا بالدوام ميتة من البجي سالتها شفيج قالت :
اقروا و انتوا حكموا :
قالت إنها كانت بالفرصة الأولى – و تمشت مع رفيجاتها ثنتين و ياتها وحدة من بنات رابع أو خامس
طقتها ورفيجات بنتي انحاشوا و طق الجرس بنتي تقول آنا وقفت مكاني خايفة منها لانها كانت واقفة بعيد تطالعني و تضحك علي وآنا بعد ضيعت وين صفي
لي ما لقتها أبلة و سألتها عن صفها و وصلتها (بدون ما تسألها ليش تبجين)
و دخلتها صفها ولا عليها (انجليزي) الأبلة قالت لها دشي قعدي مكانج ليش متأخرة
بنتي قالت لها بنية طقتني وانا خفت و ضعت مادليت صفي و الحين بروح الحمام حصرانة
قالت لها الأبلة الثولة – قعدي قعدي ماكو حمام روحي بالفرصة الثانية (يعني عقب ساعتين تقريبا)
و بنتي قعدت و سكتت و لما يه وقت الفرصة الثانية بنتي تقول خفت مابي اطلع و قعدت بمكاني
لي وقت الهدة راحت الخدامة تاخذها بس شافتها قامت تبجي تقولها وديني البيت بسرعة أبي ابول بطني يعورني !!! حيااااتي بنيتي .gif "Eh S(2)")
و للأسف كان يوم خميس ولا لو يوم ثاني جان رحت و شخلتهم
الأحد رحت معاها و دشيت عالوكيلة (كنت ناوية عالناظرة بس بعدها ماداومت)
حاجيتها و قلت لها كل شي وانا حدي معصبة و هددتها بالشكوى و الوزير و قالت لي مايصير خاطرج إلا طيب
و طبعا من يومها و بنتي كااااااارهة مادة الأنجليزي و تحاتي كل يوم تسألني قبل النوم علي باجر انجليزي مابي مابي ما أحب الأبلة و تبجي
و اساسا ليلحين تقولي مايخلوني أروح الحمام ولا اشرب ماي بالصف حتى لو من مطارتي !!!
تكفوووون علموووووني شسوي لهم !! و صج ممنوع الطالبة تروح الحمام و تشرب ماي وقت الحصة !!!
طولت عليكم بس والله عادتكم خواتي و بتنصحوني .gif "Eh S(7)")
ماحد يقدر يمسسك نفسسه بهالظرف
احنا الكبار مانقدر شلون الصغار
وانا قهرررتني سالفة البنت اللي تطق بنتج
تكفين روحي للمدرسه مره ثانيه وخليها توريج البنت وهزئيها قولي ان شفتج مره ثانيه تطقين بنتي ياويلج عشان حتى بنتج تصير قويه وتدري وراها سند
ومدرستها الانجليزي بعد كلميها قولي بنتي ماتمسسك نفسها اذا طلبت منج الحمام طلعيها
*
اختي مدرسة مرحلة متوسط – قالت لي قرار من الوزير لاتمنعون اليهال بالذات ابتدائي إذا يبون حمام أو ماي
هذا اللي بيصير والله – بروح مرة ثانية و هالمرة بدرعم عالناظرة و بخليها تنادي لي الابلة و أشخلها جدام بنتي .gif "Eh S(4)")
لاتعبين نفسج وتكلمين الاداره لانهم ماراح يسوون شي
والحمام والماي مو ممنوع انا اشتغل بثانويه بنات اي وقت يبون يروحون يروحون محد له حق يمعنهم
وهالبقره اللي طاقه بنتج روحي طلعيها من صفها وصكيها كففففففف اللي يبرد قلب بنتج كسر ايدها السفيه
احنا امهات اشكبرنا واحيان مانقدر ننطر اشلون اذا ياهل باولى ابتداىي
روحي كلميهم و شوفي شسالفتهم
و اذا بنتج اتعرف البنيه الي طقته روحي و كلميها و شوفي اشسالفتها وين قاعدين اطق اليهال سوالف عقد بصراحه
ووووووووووهذي المدرسه لاتسكتين عنه جدام بنتج زفيها عشان تاخذ حقها حبيبتي وترتاح نفسيتها اشويه بس لالالالالالالالالالالاتسكتين كلش
عشان اولي ابتدائي جذي وبعدين شنو بتسوي بنتج بنستها ولاا البنات حساسات كلشي اي شي اثر فيهم بس لازم تردين حقها والله يعينه والله
مع إني مو نجرية ولساني ماطال على أحد أبد بس شكلي أول هوشة بحياتي بتصير مع هالأبلة .gif "Eh S(10)")
سلااااااام مخصوووووووووووووص لأم نواف العسل
أول شي يفهمون الابله اللي ماتفتهم ان من حق الطالبه تروح الحمام ( عزكم الله )
و بوقت الفرصه الأولى خليج متواجده بالادارة وطلي على بنتج بالساحه وشوفي منو اللي يتحرش فيها وثبتيها سواء رابع ولا خامس واذا شفتي بنتج تدزها او تطقها البنت كلمي الابله اللي تتابعهم بالفرصه يسحبون البنت وتكلمها الوكيلة ان ماتمد ايدها على أحد وين قاعدين !! بتقول ممنوع ما عليج منها كلمي النالظره واهي تتصرف.
زميلتي كانت ابتدائي
اتقولي توا بالتلفون
اذا الابلة ماسمحت لطالبة بالابتدائي لي 4 ابتدائي انها اتروح الحمام
عليها question mark و تحقيق و لفت نظر
هذي الابلة ثولة و انتي الصاجة
يعني اهيا اتعامل ويا طفلة
المفروض فيه فراشة اتودي و اتييب شالمشكلة
كلمتي الناظرة و ردي قوليلها البنية كرهت الانجليزي والسبة الابلة
شوفي حل
الابتدائي والروضة بالذات عليهم question mark كبير
لازم يكونون دارسين علم نفس الطفل
وهاديين لا اعصاب ولا شي يمسكون نفسهم
هذي ابلة ماتعرف شلون اتعامل مع الطفل شلون بالله ماسكة صف كامل
وين ابلات المناوبة ؟؟؟؟؟؟؟؟؟؟؟؟؟؟؟؟؟
وشنو لأنج شيطانة
؟؟؟؟؟ طفلة صغيرة اصلن هذا اللفظ انا متوسطة اساءل عليه اذا قلت والله بنتج شيطانة ؟؟؟؟؟؟؟؟
اقول مشاغبة ولا حركية ولا ماتقع ايي بس مو شيطانة
وانا متوسط
مابالج ابتدئي
تروح بالهده تسحب البنت مع قرصه خفيفه و شويه تهديد لووووول امي اجرام المهم لا تجيسون بنتي ..
روحي حق الاداره و دشي على الناظره قوليلها والله لا افضحكم و الابله كلميها فيس تو فيس لا تحقد على بنتج و على البنت قولي حق الناظره اذا عادت الغلطه راح ايي جدامكم اسحبها من شعرها احطها و اطقها لووول لا نضحكين هالجمله قالتها امي سنه من السنين حسيتها وحششششششش
بالعكس مو ممنوع
اصلا اولى ابتدائي مايصير الابله اتردها وماتخليها أتروح الحمام
جذيه اتسويها على نفسها حرااااام
أنا دايما اقول حق طالباتي الي تبي تشرب ماي من مطارتها بسرعه قبل لانبدا الدرس
يعني على ما اكتب العنوان الا الكل شارب وخالص
حراااام عليها ابلتها الانجليزي هذي بأولى مو رابع
بلغي الاخصائيه تستدعيهم وتزفهم عشان مايقربون عند بنتج
اذا الابله منعت حمام والا ماي بوقت الحصه الا طبعا الحالات الخاصه مسموح لهم ( في فرصه – في خمس دقايق بين الحصص )
خاصة اولى و ثانية يروحون الحمام وعند الماي عشان يسولفون مو عشان حمام وانتو بكرامه الا القليل منهم طبعا و اذا طلعت وحده كل الصف بيطلع وبتصير فوضى و بتروح الحصه على قعدي يا فلانه
هذا المختصر المفيد – و على فكره الابله تعرف اذا البنيه صج تبي حمام والا تتعير يبين من ويها ومن حركتها داخل الصف اذا تحقرص يعني صج تبي ..
و عيب تقولين الثوله في اسلوب ارقى اتوقع مهما كنتي معصبه ..
و الله يعين الجميع
انا اذكر على ايامنا ما كنا انسوي هالحركات الا بالمتوسط و برابعه بعد
و ام العيش حبيبتي باجر قوليلنا شيصير معاج
و على فكره ترا اغلب الادارات ويع و ما يخافون الا من ام السان
يعني الي ذربه و مو هيلق ما يخافون منها سوري بس هذا الصج