اهوه اللي غلطان ولا انا مكبره الموضوع ؟ ساعدوني !

السلام عليكم

بصراحه دخولي للمنتدى شبه يومي بس مشاركاتي قليله

ويمكن هذا اول موضوع اكتبه

المحبه والتعاون الحلو اللي بينكم بمساعدة الغير والتخفيف عن المهموم اهوه اللي شجعني

واكيد هذا اذا دل على شي يدل على طيب اصلكم

وانا بقول اللي عندي واتمنى تساعدوني

انا طالبه عمري 18 اخر سنه بالثنويه

مخطوبه حاليا وخطيبي عمره 27

انشالله بعد ما اتخرج بملج اذا الله كتب

وحاليا بيني وبين خطيبي تلفونات وشوفات خفيفه

انا اعرف ميزاته وعيوبه وهذا اللي مطمني اني اعرفه عيوبه وقادره اتقبل والاقي حل

او ردة فعل ايجابيه حق اي تصرف غلط يطلع منه .. اكيد مع العشره بتطلع شغلات ما كنت اعرفها

او ما كنت اشوفها بس على الاقل عندي فكره عنها وشي احسن من ولا شي ..

المهم

انا انسانه اغار وايد على الشخص اللي لي حق اغار عليه اللي اهوه زوجي

وانا كنت اعرف خطيبي قبل لا يصير شي رسمي بينه واهلي يعرفون اهله

يعني ايام علاقتنا كنت اغار عليه لاني احبه والحين زادة غيرتي لانه اعتبره زوجي

واهوه عنده حركه اتقثني ونترفزني لما يسويها

يعني مثلا يدق علي وانا طالعه مع اختي قبل لا يسكره مني يقول سلمي عليها اوكي هذي اطوفها

اهوه بطبعا كريم ومو مقصر علي ويحب يونسني كل ما اشوف يكون يايبلي معاه هدايه وجذي وهالشي حلو

بس انا اوكي لي حق عليه .. اختي شكو ايبلها ;/

بس هم سكت وطوفتها .. واحيانا اذا بقول اسمها يقوله بدلع ..( مثال : ساره – سوسو ) عرفتو ؟

هني سويت سالفه وزعلت بس تسكر الموضوع

طبعا هالشي يصير وااااايد واكثر من مره وانا مره ازعل ومره اسأله عن اخوه عشان يحس فيني

عاد اهوه يغار اكثر مني بس يقول اختج مثل اختي بس مالج شغل بخواني .. نظام حلال علي وحرام على غيري ;/

وهذي كلها سوالف صارت من فترى وانتهت

بس حبيت اعطيكم فكره .. اما اللي صار اليوم صج صج كسر قلبي

اليوم شفته تسوقنه مع بعض باحد المجمعات

بما اني ما اسوق .. قطتني عليه اختي ورفيجتها

ولما اكنت معا يسألني اختج وين راحت قلتله وانت شكو ؟

قالي شفيج معصبه .. ويضحك يدري اني اتنرفز

فقلت دام ضحكت يعني عرفت ليش

ولما خلصنا دقيت على اختي عشان تاخذني

جان يقول خل اسلم عليها قلتله انزين .. وكانت رفيجتنا معاها واهوه شايفها قبل هالمره

قالي رفيجتج تحجبت ؟ .. قلتله اي

قالي قولي لها مبروك على الحجاب .. وهم قلت .. وطبعا كل هذا وانا لايعه جبدي

اخر شي قالي قول لها الحجاب احلا عليج .. قلتله نعم ؟ .. قالي اي خل نشجعها على الحجاب

قلتله مبروك كافي .. ماني قايله شي ثاني .. قالي يا حبج حق العناد

قلتله مابي اقول مو غصب .. عاد قام يقولي حجي ماله معنى وقالي غبيه .. قلتله انا غبيه ؟

يقولي اي وبقره بعد .. مني انصدمت صج وانجرحت فقلت له يعطيك العافيه وسكرت الخط بويها

وما دزلي شي ولا دق لي بالليل

شوي ولا ياتني اختي تقول شوفي المسج اللي دازلي يا .. كاتب لها انه بكلمها بموضوع بس ما يبيني ادري وجذي

قلت لها دقي وحطي هاند فري عشان اسمع

ودقت بالبدايه سلام وشلونج شخبارج

بعدها قاعد يمدحلها فيني وباخلاقي .. بس يقول عيبها فيها عناد و صغر عقل

ويقول لها اهيا تغار منج

وحجي وايد .. بس بنص الكلام قال لها انتي مشالله عليج ما دقيت عليج الا وانا ادري انج متفهمه وطيبه وحلوه

شكو حلوه بالموضوع !!

انا مني وصلت حدي وخذيت التلفون انت شلون تقول جذي وانت وانت وسكرته بويها

رد دق على تلفوني بس ما مداني اكلمه قالي انا وصلت الدوانيه لما اطلع ادق اتفاهم معاج طبعا كان معصب

تكفووون بس ابي اعرف منو الغلطان وهل انا معاي الحق ولا معا ؟

ساعدوني الله يساعدكم

الغلط راكبه من راسه الى رجوله

كثير ملقوف

كثير يتدخل بشئون لا تعنيه

كثير بالكويتي نقول (يتميلح)

اكثر شي استوقفني هو اتصاله باختج

وفضفضته لها

شكو ….ليش …..

حبيبتي

تأكدي اكثر من مشاعر خطيبج لج؟؟؟؟

فوفو

الحق معاج هذا موثقة كلش اشلون يسوي جذيه الحمدلله اختج ثقة وقالت لج عينه زايغه واشلون يقلط عليج ويسب لاتسكتين له قولي له ترضى اخوك يتصل فيني واشلون اتغلط علي واتسوي بينا حزازيات واتقول لها انتي حلوة واتغار منج مو عيب اتسوي فتنة بيني وبين اختي ولو انا كنت عنيدة بشنو بالصح هم ترضى اقولك صاحبك بالغترة احلى من المفرع يدل على اني مو معتبرتك شي وقلة ادبي وضعف حبي لك الريال يكون ريال مو بالهدايا والتسوق ريال بحضورج وغيابج

لا انتي مب غلطانه ولا شي

ولاتخلينه يعصب ويقلب السالفه عليج بليز !

عطيه كلمتين فالعظم وطنشيه كم يوم وشوفي بعدها يتأدب والا لا ..

واختج فيها الخير يوم يت وقالت لج : ) لو وحده ثانيه جان كلمته ومشت بالسوالف وياه وانتي ماتدرين

بصراحه خطيبج يقهر ..

قلبي والله مآدري شقولك .. هذآ مآيستآهلك .. قلبي استخيري من ألحين أحسن لك واحمدي ربك انهآ مآ صآرت ملكه

بصراااااااحه ما يستحي
زين شكو يتصل على اختج ؟؟؟؟

واختج ما شاء الله عليها متربية وتخاف عليج

المفروووووض اختج لي دق عليها تزفهههههه وتهدده وبعدين تغير خطهااا ولا يشوفها بالمره

وحتى لي شافها لا تعطيه ووجههه بالمره ورجعي له الهدايا اللي شراهم لاختج او اهي تقطهم بوجهه احسن

الله يوفقج اختي ويكتب لج الصالح ان شاء الله

لا والله اهو الغلطان
بس يمكن يسوي جذي عشان ينرفزج حاولي اتبينين انج مو مهمتمة لعل وعسى يخفف !!

شكووو يدق على اختج ..

ما ادري والله بس شكله مو مضبوووط

استخيري احسن لج ..

الله يوفقج ويستر عليج … ويرشدج للطريق الصح واللي فيه خير لج….

بصراحه هو الغلطان

الكلام الي قلتيه مو غشمره لان كل شي وله حدود

هو زودها خاصه لما كلم اختج ..عيب مايجوز هالكلام

احسه يلعب في مشاعرج و غير كذا ماكو جدية في العلاقة

ترى حده رقله ومو تكانه اسمحيلي بس شكو يتلزق بالبنات وانتو شكو تشجع ارفيجة اختي عالحجاب امها ابوها اختها ؟؟؟؟؟؟؟؟؟؟؟؟؟؟؟؟؟؟؟؟
لا يكون حسباله عايش بهولندا الحبيب ؟؟
حده غلطان وشكله خفيف

الله يعيييييييينج عليه الصراحه يخوووووووووووووووووووووووووف

ما احب هالشخصيه ياويلي اغااااااااار

بنآت لآ آتزيدون آلنآر حطب ،،
آلرجآل شكبره وعنده عقل , وآهي صغيره يمكن تآخذ آلآمور بحسآسيه ,,
آهو جذي شكله متفتح , بس يبيله شوي آنظبآط ,,
آنتي كلميه قولي له آللي يضآيقج ,,
قولي له إنت كلش مآ تقدر شعور آلغيره آللي فيني ,,
وبعدين شوفي حسنآته بآلعكس آهو زين بس ملقــــــــــــــــوف حده حده حده ,,
وبآلنسبه لكلمه حلوه << يمكن كآن متوهق ؟ او مو عآرف شيقول عرفتي !!
آنتي آستفسري منه ,, لآ تضيعين حيآتج وحبج وزوجج ..

انا وياج صح كلامج
واتمنى اختى صج تعيدين حساباتج وتتاكدين من مشاعره تجاهج واحييج على اختج انها جت وقالتلج بصراحه بهالزمن نادر تشوفين جذي وربي يوفقكم يارب ويسهل امرج

اشكركم واااايد على التفاعل السريع والله ما خيبتو ظني

بس جني ما وضحتلكم عدل .. انا متاكده من مشاعره بس ما ذكرتلكم الميزات الحلوه اللي فيه

وعلى فكره غيرته علي اكثر من غيرتي انا .. وانا ما وافقة عليه كــزوج الا وانا حاسه بحبه واهتمامه

واهوه اللي حن عليه عشان نخلي اي شي رسمي يصير بينه الحين عشان يضمن انه حقه .. وياما كلم امي

عشان نملج الحين بس اهيا مو راضيه يعني و وايد ميزات فيه بس ماكو احد كامل

بس قلتلكم هالعيب هذا اللي فيه واللي مثل ما انتو ذكرتو لقااااااافته ذبحتني

والموقف اللي صار اليوم ما عرفت شلون اتعامل معاه

وهم اشكركم على ردودكم مره ثانيه