تخطى إلى المحتوى
الرئيسية » انياب خالتي 2 بس هالمره غير

انياب خالتي 2 بس هالمره غير

السلام عليكم ورحمة الله وبركاته ..

كل عام وانتو بالف خير .. حبايبي ..

انا حبيت ابشركم للي يعرفون موضوعي انياب خالتي ..اني الحمد لله وبفضل الله رجعت لزوجي

وبيتي .. بس المشكله اني مارحت لخالتي ابارك لها برمضان لانه زوجي قالي اذا رحتي انا مو مسئول

عن اللي راح يصير لج .. وامي وخواتي ما يبونج ..خليجية

ما ادري ذابحه اهلهم ولا بايقه حلالهم كل هذا والله علشان

تهاوشت مع زوجي وكل زوجين يتهاوشون وخلاص تراضينا وكسرنا الشر وهي للحين تعلن علي الحرب خليجية

ويشهد ربي علي اني والله ما سويت لهم الا كل خير فجاه قلبت علي وصارت تكرهني على شنو ..؟؟؟؟

المصيبه انه ابوي دايما يسالني عن زوجي لانه قام ما يواصل ابوي اكيد امه مهددته وانا مابي عداوة ..خصوصا برمضان ..

شنو اسوي علشان اقنع زوجي انه يواصل ابوي واهلي لانهم يبونه علشاني من معزتي وانا اشوف هالشي بعيونهم بس هم

ماخذين بخاطرهم منه خليجية

الله يخليكم يا بنات كويتيات السنعات ابي نصايح ترفع الراس وتهدي النفوس

ودعاء من قلب مخلص وصادق بهالشهر الفضيل الله يعوده علينا وعليكم بكل خير ,

الله يعينج اهما شكو انتي تتهاوشين وله تتطاققين اهما شيبون ؟ صج لقافه والله يعينج يارب
اي والله صج لقااافه
الله يسامحهم هالخالات والله ما ادري شفيهم
الله يكون بعونج والله
كلمي ريلج بالهداوه شوقيه على اهلج قووليله يسالون عنك وولهانين عليك
اي قولي حق ريلج ابوي يقول فاقدك من زمان ماشافك كله يسأل عنك
قوليله ابوي مشتاقلك ودوم يسئل عنك والدنيا رمضان وهذا شهر خير ورحمه وابوي ريال عود وبحسبه ابوك
دق عليه سلم وباركله بهالشهر الفضيل والله بيجعله بميزان حسناتك انشالله

الله يوفقكم ويهدي سركم

ابدي بمدح وانت السنع والعيبة ماتطلع منك وانت بوعيالي وحبيبي

اتمنى انك تزور اهلي هالشي وايد يسعدني

وانت ولد الاصول اللي يعرف الاصول ومايحتاي احد يعلمه

ومن هالكلام لين يطيح اللي براسه

قولي ابوي يغليك اكثر واحد من بد ازواج خواتي والله يسخره لج يارب ويعينج على اهله
انت تمونين على اهلج و اذا يحبونج ما راح يحنون عليج عشان يشوفونه بيخلونج على راحتج والله يعينج
الله يهدى النفوس
تعاليله بالاسلوب
قولي اليوم ابوي يسال عنك يقول بو فلان وينه
او قولي ليش ما تروح لبوي تبارك له بالشهر ترى انت زوج بنته ملزوم تمره وتبارك له ولا تبيه اهوه يدق عليك يبارك لك
حنني قلبه وخليه يحب اهلج
باي طريقه
ترى اذا زوجج صارت علاقته مع اهلج زينه
ودخل معاهم بالعميق بتشوفين انه حياتج بتصير للاحلى
ويستحي يسوي اي شي يضايقج
والله يفرجها عليج
مع اني دخلت بروفايلج بشوف شنو الموضوع بس مافهمت شنو سبب المشكله
ودام الحين رمضان
اشتري لج صوغه وعطيها بنتج قولي وصليها لخالتي وقولي امي تسلم عليج
واذا شفتي ردت فعلها زينه روحي لها وسلمي
واكسري الشر ورمضان شهر خير والله يهديها
الله يهدي الجميع ويسخر لج
اول شي الف مبروك على الردة

ثاني شي نصيحة لاتقولين حق زوجج ابوي يسال عنك خليه على راحته مع الوقت هو راح يروح له بمعنى لاتظغطين عليه

وبالنسبة لخالتج مالج شغل فيهم اكفي خيرج وشرج ولاتهتمين فيهم

الله يعين
من رايي قولي لاهلك يعزمونكم على الفطور ويدق عليه ابوك يعزمه مو انتي تقوليله وبكذا ينكسر الشر وبيستحي يقول لا
وحتى لوتحجج يقوله اجل بكرى اجل عالعشاء فهمتي خل يلزم عليه وبعدها بفتره قوليله بنعزم اهلي عالفطور فشله
خليك شاطره قربيه لاهلك كثير …وهذا من صالحك
وترى حلو اهلك اذا اعزموكم يتصلون عليه هو عشان يحس بقيمته ويبدا يقدرك لان اهلك مقدرينه
وبالنسبه لي اذا اهلي قاللولي تعالو تغدو عندنا ولا تعشو اقولهم دقو عليه ولزمو عشان يجيبنا ههههه
ادري انه ماراح يقول شي بس ابيه يستانس ويحس انه له قيمه عند اهلي فهمتي خليك شاطره
الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.