انهات ايهوا الاحسن المنهج البريطانى او الامريكى اللى عندها خبره حياها

السالم عليكم امهات انا عندى استفسار ايهو اقوى المنهج البريطانى او الامريكى حق الحضانه بليز ابى ردودكم

شدعوه محد رد

اللي اعرفه انه الأمريكي اقوى من البريطاني

البريطاني اتوقع

لا وفيه نظام ثالث الحين اللى اهوه النظام الكندى

شوفى انا معلوماتى حدها متواضعه بهالشى ويريت اللى تعرف اتصلحلى

اللى اعرفه النظام الامريكى فيه fun اكثر وينمى قدرات الطالب ومايدققون وايد على مثلا اللبس
والنظام البريطانى شديد ويدققون على كل شى يعنى حتى الكرفته اشلون مربوطه وعلى اللبس ويهتم بالماده العلميه اكثر من الامريكى
واللى قالولى عن النظام الكندى انه وسط يجمع بين النظامين

عاد انا مادرى هذا اللى قالولى اياه المدارس لما افتر اشوفهم واقارن بينهم

انا مدخله عيالى حضانه بريطانيه قبل يدخلون غرفتى يدرعمون من غير استئذان الحين لازم يطقون الباب واذا مارديت لو شنو يصير مايدخلون ( ياعمرى

)

أكييييييييييييد البريطاني

بدون تفكير البريطانى اقوووى

البريطانى قوى بس صارم ويملل الياهل بس الامريكى حلو وفى مرح ويخلى الياهل ينطلق …هذى وجهه نظرى..

مااردى من المربوطالا المفتلت
والله عاد سالفة الاستئذان موجوده عندنا قبل حضراتهم والله يبا زين المنهج البريطاني يعلم اعيالي الاستئذان
وكتاب ربي وين راحححححححححححححححححححححححححححح

صاجة اختي

الامريكي متطور واحدث من ناحية العلم .. البريطاني صارم وقوي من ناحية الادب والاخلاق
بس المدارس الامريكية مشهورة بالانحلال الاخلاقي حتى اللي عندنا بالكويت واللي يقولج غير هالحجي يقص عليج
انا بالنسبة لي دخلت بنتي مدرسة اسلامية بمنهج امريكي

السلام عليكم

اختي المنهج الامريكي افضل من البريطاني من ناحيه الانطلاق والشخصيه والتحدث بسرعه اما البريطاني يدقق وايد على القواعد وهذا النظام المتبع في المدارس الحكوميه وهو فاشل اما الافضل منهم هو المنهج الكندي وبالاصح الاونتاريو الذي يجمع بين الامريكي والبريطاني وهو الافضل من وجهة نظر جميع الدكاتره الاجتماعيين منهم الدكتور الاستاذ ابراهيم الخليفي الله يحفظه والدكتور طارق سويدان والدكتور محمد الثويني اما الانحلال فيكون عاده في المنهجين اذا كان عندهم اختلاط من بعد الابتدائي وهناك مدرارس اسلاميه امريكيه مثل مدرسة الرؤيه تبع الهيئه الاسلاميه الخيريه العالميه
وهذا موقعهم
[url]https://www.alruyaschool.org

https://www.iico.net/index.htm

ومدرسة الابداع الامريكيه وهذا موقعهم

https://www.aca.edu.kw/BoysAthletics.html

ومن مدارس الاونتاريو الكنديه مدرسة الخليج الدوليه في جنوب خيطان ومسجله فيها ولدي كيجي 1 الله يوفقه ان شاء الله ويوفق الجميع وهذا موقعهم

https://www.gis-kuwait.com/

ارجوا ان اكون افدتج تحياتي

مادرى فى كلامى شى موعاجبج؟؟؟؟

وسن سنيتن وثلاث سنين لما يتعلمون الاستئذان بطريقه تربويه مو عيب !!!

واذا مو تأيدين لا النظام الامريكى ولا البريطانى ماله داعى تردين على صاحبة الموضوع لانها طلبت

اللى يعرفون بالانظمه …… واذا ماشالله تعرفين ان دينا الاسلامى يعلمنا الاخلاق قبل المدارس

كان المفروض تردين على كلامى بطريقه افضل والا انا غلطانه؟؟؟

مع احترامي لكل الأسماء إللي ذكرتيها بس بصراحة هالمدارس طفشوني سنتين وأنا أراكض وراهم بسجل ولدي عندهم وكله فول … وأقولهم سجلوه ويتنغ ليست!!! تخيللي همن ما يرضون تخيللي الوضع سوريات ولبنانيات مالوت التسجيل ،،،وأنا كل سنه أروح أشاحط عندهم وقت التسجيل شهر 1 و2 و3 ….. ونفوس خايسة وويوه معفوسه جني بدششه ببلاش مو بفلوسي … خل مدارسهم تنفعهم ما نبيهم بصراااااااااااااااااااحة حدي قلبي محروق منهم !!! من الرؤيا والإبداع والحياة وروض الصالحين كل هالمدراس حبيبتي ما يسجلون إلا ربعهم بالخش والدس … لو أنا كنت معرفة من ربع جمعية الإصلاح جااان بدقيقة سجلوني !!!! بس لي الله !!!