انقذوووني يابنات الأعلام حدي متوهقه واللـ هـ ـ :(

انا ماخذه مادة نظريات عند د. عبدالباسط وطالب بحث ميداني وتواجهني مشكلتين
اولا/ ابي صحيفه ليبراليه كويتيه بحيث مايكون الموضوع متشابه مع مواضيع البنات
ثانيا/ ماعمري سويت بحث ميداني عشان جذي موعارفه شسوي

واهوا بعد طالب 15 صفحه ومادري شراح اكتب فيهم

فابي بنات الاعلام افيدوني من وين اييب مصادر تكتب عن الصحف !! اذا كانت الصحيفه اهيا بذاتها مصدر نستمد منها الاخبار والمعلومات <<< حدي متوهققه يابنات والتسليم بيكون بعد شهر

يله ناطرة ردودكم وباي

وضحت العنوان..

وموفقه يارب..

عاد اسهل بحث بحث عبدالباسط يعلمج خطوه خطوه عليج..

والعاده من اول شي تحددون مواضيعكم ..

جنه القبس لبيراليه انتي سالي الرياييل ابخص خخ..

سالي دكاتره الصحافه عندج د.مناور ود. انس د. البلوشي راح يفيدونج..

المراجع اهو ماقالكم عادي مقابلات يعني تروحون تقابلونهم وفي كتب عن الصحافه بالكويت مثل كتاب اللي خذينها بتاريخ اعلام..

يبيلج روحه لدكتور مناور اهو العاده يدرس هالماده..

وشنو بعد..

الاستبيان اهو راح يتابعه معاج ..

وموفقه يارب..

يعني انتي ماتعرفين كتب عن الصحافه ؟ او عفيه سالي بنات

بنطرج

الشنوفي ليما الحين ادرس عندكم ؟؟ ابي اروحله كنت ماخذه تاريخ اعلام عنده

هلا اختي..

روحي مكتبه الشيخ جابر الله يرحمه او مكتبه كيفان فيهم كتب اعلام..

انا تخرجت مادري عن القسم او الدكاتره..

وروحي له ..

موفقه يارب..

جريدة القبس هي الصحيفة ذات التوجه الليبرالي في الكويت ..

روحيلهم .. سوي مقابلة مع رئيس تحريرهم .. حطيلج محاور للبحث .. يعني بالظبط بحثج عن شنو رح يتكلم و حاولي يكون الموضوع ضيق عشان لا يتشعب و تلاقين نفسج دخلتي في متاهات وايد … شنو الموضوع بالظبط الي تبين تتكلمين عنه ؟

و مثل ماقالو البنات الظاهر دكتوركم وايد زين و يشرح بالتفصيل و خطوة بخطوة ..

شوي شوي و بالعدال ..

ودي افيدج أكثر بس للأسف انا مو طالبة إعلام بس اشتغل بجريدة الوطن فعندي شوييي معلومات عن هالموضوع

مالج إلا القبس

مثل ماقالو البنات .. القبس اهي الجريده الليبراليه ..وبالنسبه حق عبدالباسط روحيله المكتب وبيوضحلج ترى مايقصر .. والبحث ديري بالج اهو وايد دقيق ويقرا كلمه كلمه وحتى الاغلاط الاملائيه يحطلج خط تحتها .. لا تحاولين تتشعبين بالموضوع عشان وقت البرزنتيشن ما تتوهقين وتكونين فاهمه كل كلمه انتي كاتبتها .. كتبي بالبدايه عن الصحافه بالكويت وبعدين كتبي عن جريده القبس بشكل خاص ضروري تسوين مقابلات …. احنا سويناا عن الشوتايم اتمنى اني فدتج واذا بغيتي شي دزيلي عالخاص

جريده الجريده ليبراليه بعد

جريدة الطليعه اهيا تمثل التيار الليبرالي
واذا تبي تتميزين اختاريها