انظلمتي؟ من زوجج؟ من خالتج؟ من حماتج؟ تعالي قوليلنا سالفتج

الكتاب واضح من عنوانه

خير الكلام ماقل ودل

تعرضتي لموقف وانظلمتي قوليلنا شنو كانت رده فعلج وشنو سويتي

لا طبعا
خالتي اهي اللي توقف معاي اصلا
حتى اذا سويت الغلط

بس يحز بخاطري لما اتقول منو مشيشج علي
تقصد خالاتي لان اهم يصيرون عيال عمها
خوش موضوع

يامعوده عساها دوم جذي عالاقل توقف معاج ولا ضدج الله يهنيج ياقلبي

انا الموقف اللي حز بخاطري حيل كانت خدامتي مسافره وكنت حامل بالاشهر الاولى وعندي بنت عمرها 5 سنوات والثانيه 2 وكنت اطبخ وانظف شقتي والله شقتي 4 دور وحمامين وانتو بكرامه وصاله كنت اطبخ واغسل مواعين و اغسل الحمامات عزكم الله واغسل الهدوم واكويهم وارتب بناتي ولا مره احد دخل علي ولقى بيتي وصخ ولا عيالي مو نظاف وحتى امي بدزلي خدامتها ما ارضى وفوق كل هذا كنت ادرس الصبح اقط بناتي عند امي ومره وانا راده العصر من الجامعه مريت بناتي اخذهم ولما دشيت اسلم على خالتي واتسمعني كلام امهلكه بناتي من بعد الخدامه ضاعوا حرام عليج ليش جذي انا انصدمت انا اجوع بناتي بدال لا تقولي كلام طيب وكان عندها 3 خدامات ولا وحده ساعدتني ولا دزولي غدا وفوق كل هذا مو عاجب عاد والله يوم كانت عندي الخدامه انا اسبح بناتي عمرها ما سبحتهم وانا احرص على اكلهم وحتى عمرهم ما ناموا عن خدامه ورده فعلي ان صعدت شقتي وشغلت التلفزيون لبناتي ودخلت الحمام وانتو بكرامه وقعدت ابجي لين صفا راسي عقب قلت الله يسامحها حسبت امي وما حبيت اقول لزوجي لانه مهما يكون هذي امه والحشيمه لها يقول المثل لاجل عين تكرم الف عين ودام زوجيزين معاي اشلي بالمشاكل والله صارت لي مواقف واجد من خواته بعد ولا مره قلت له او رديت عليهم مابي انكد عليه انا وياه مرتاحين خلاص انسى الباقي والحين قمت اتجنبهم لهيت نفسي في بيتي وعيالي ومالي الا خالتي امرها اسلم عليها اما الباقي السلام يا جاري انت بحالك وانا بحالي

انا من حماتي الله يسامحها ماتواطني بعيشة الله وتخيلو بنات ولامره كلمتها او سولفت وياها بس جذي تكرهني و تشيش الجناين علي بس طبعا انا مالي شغل فيها كيفها اهيا حكمت علي قبل لا تعرفني واهيا الخسرانه وعلى قولتكم لاجل عين تكرم الف عين .

مشاكل اهل الزوج ماتخلص عندنا وعندكم خير بس شنقول الله كريم

طنش…تعش…تنتعش ولا تفتكرون اهما ما تكلموا الا من الغيرة اللي عامية اقلوبهم

انزين انتو ليش تدورون النكد ؟؟؟ كل مواضيعكم تضيق الخلق ؟؟ ليش تدورون الكآبه ؟؟ ليش ما خليتي موضوعج …

موقف حلو صارلج من زوجج ؟؟ من خالتج ؟؟ من حماتج ؟؟ قوليلنا سالفتج … عالاقل تذكرو اشيااء حلوه من ناس ما تحبونهم .. مع اني ماادري ليش اغلبكم ما يحبون اهل رياييلهم !!!!!

انا يحرني اني 4 سنين ماشافو مني الا الزينه الحمد الله وخالتي تحبني وعمي بعد
بس من يوم تزوج حماي مرته قشره الحمد الله يدرون فيني طيبه وهي قشره بس عند الناس مساويني معااها خوف منها بس الحمد الله الناس تدري وعارفه الجدر وغطاه

عمي

يدور وراي المشاكل

بصراحة احسج تعانين مثلي هم انا حمواتي مايحبوني خصوصا وحدة منهم لما تشوفني جنها شايفه عدوتها اما خالتي حدث ولا حرج تخيلوا اذا دق علي زوجي توطي ع التلفزيون وتقعد تطالعني وتسمع وتسال عن كل شي والحين كلهم ناشبين لنا يبون يعرفون انا حامل ببنت او ولد ومن وين بجهز وبكل شي يتدخلون واذا اسولف بشي عن حسن نية يقلبون السالفة جذب ويحرفوونها ويقولونها لزوجي هذا ولا شي بعد من عمايلهم

عااااااااااااااااااااااااادي نفس الوضع

ياحبايبي اصبرو انا امي عانت قبلي
معاناة امي جات من مرة عمي لان جدتي ام ابوي ميته بس امي مطنشه ماترد على احد تقول دام عارفه نفسي ماعليه منها ابي الله ياخذلي حقي

انزين وإذا الزوج يسمع كلام خواته اشلون راح يكون الوضع؟

لاحول ولاقوة الابالله بقولكم شغله بس خايفة تقبون علي وتقولون قاعدة تتفلسف صدقوني لو عاملتي ام الزوج على انها امج والله لو ماتقول ماتزعلين ………. واذا مافاد بأول بعدين يبين لأن الطيب على قولت امي يغلب الردى