انذارين معدل :/

انا حابة احد يحسبلي ويعرف جم بيصير معدلي الحين؟ لأن عندي انذارين معدل :/ وابي واحد منهم يطيح

الوحدات المسجلة:33
المجتازة:27
المعدل العام 1.42

والحين ماخذة 5 مواد
متوقعه فيهم ثنتين a ووحدة c+ وحدة c+ وحدة f
هل راح يطيح لي انذار؟ ولا اكلم الدكاترة الحين قبل ما يدخلون الدرجات؟ ولا شنو بالضبط:/
وهل اذا نزل لي انذار ثالث حق هالكورس راح انفصل؟ ولا شنو بيصيرلي بالضبط :/
وشكراً

حبيبتي تكلمينهم احسن لان الf راح تأثر بالمعدل والله يوفقهم

صدقيني ماقدر اكلمه بو f مادري شلون الله قردني وطبيت عنده.. كلش سمعته مييح وكنا 32 بنت بالكلاس صرنا 9 الكل انسحب fa :/ احنا الصامدين :/
ومحد يمدحه ومايعطي بونص ولا شي.. كاتبين بالموقع باختصار لا ننصح به أبداً((
شسوييي:/
زين اذا نزل لي انذار معدل 3 راح انفصل سيده ولا شنو؟
واهما كاتبين اذا فوق ال 48 وحدة ومعدلي فوق 1.87 يطيح
واذا 39 وفوق ومعدلي 1.67 وفوق هم يطيح.. فأنا مادري شلون احسب الوحدات؟ احسبهم كلهم حتى لو f فيها؟ يعني ما اجتزتها؟ ولا بس اللي اجتزتهم؟؟

انتي باي كلية ؟؟

انا اقدر اساعدج

آداب كيفان :/

بلييييز بناات ساعدوني :/ ماني قاددرة انااام

(((((((((((

الحين بهالصيفي

عيدي مادة الf عند دكتور ثاني وتأكددي انه زين الثاني
واخذي مادتين برا الكلية وتكون سهله مثل : اساليب تفكير ، علم اجرام عند العنزي ، ثقافه اسلامية عند ادهام الفضلي

اي ماده يمدحون دكتورها
وقبل لا تسجلين اي ماده ادخلي موقع ( قيم مدرسك ) وشوفي شنو يقولون عن الدكتور

وقولي لي شيصير معاج ؛)

حبيبتي انا توني حسبت المعدل و طلعلي 1.77 يعني اذا يبتي مادتين a و مادتين c+ و ماده f راح ينشال الانذار
و لا تخافين تره انا بعد عندي انذارين و لمن سألت العمادة قالولي انه اذا ما انشال هالكورس فراح يكون الصيفي اخر فرصه لي

موفقه :*

ماراح اقدر اداوم الصيفي مع اني مسجلة مادتين.. وحدة سهلة والثانية عند البداح.. كلش يقولون تكدش فبغيت اغيرها بس طلعلي ان مايصير اسحبها الحين.. مادري متى :/
وماراح اداوم صيفي لأني مسافرة تاريخ 6-7 وارد 20-7 تهقون اداوم الحين واقول حق الدكاترة يعذروني اني بسافر وبس ارد امتحن؟ يعني ادرس بروحي :/ ولا ما يرضون؟
وبعدين 1.77 يعني ماراح ينشال الانذار لأن يقولون اذا فوق ال 45 وحدة لازم يكون معدلي 1.86 :/

اللي بعرفه الحين ان بيعطوني كورس استثنائي غير الصيفي؟ لان في بنات قالوا اي بس ابي اتأكد عدل :/

من رايي الغي السفر وجابلي دراستج
هذي شهاده مو لعبه
وموفقه ان شاءالله

سوري طلعت بره اموضوع بس بغيت اسأل,, بناااات شلون نحسب المعدل بلييييز قولولي

متأكدة يعطوني كورس استثنائي؟ وهل اهو الصيفي ولا الكورس الاول؟ :/ وبعدين يعني السفر مو بإيدي غصب علي.. ابوي ماراح يخليني بروحي بالبيت :/ وحجزوا الحين:///

حبيبتي الكورس الصيفي مايعتبر فرصه استثنائي
الفرصه الاستثنائية هي يعطونها بالكورس الاعتيادي

مشكوورين حبايبي طمنتوني وايد.. الحين السؤال ان ينزل لي انذار معدل 3 عادي حاله حال الاثنين اللي قبله؟ ولا اكلم التوجيه والارشاد؟ وهل لازم ابوي يدري ولا بس انا؟