انتي وزوجج ،، منو الحار ومنو البارد ؟

قوة بنات

انتي وزوجج
منو فيكم الحار ومنو فيكم البارد ؟؟؟
طبعا اخاف البعض على باله اقصد الأمور الجنسية

لأ

اقصد بالأعصاب

ودي اعرف منو الحار ومنو البارد
بتقولون شالفايدة ؟

ودنا نعرف اذا زوجج حار وانتي باردة شلون تتعاملين معاه ويتعامل معاج
والعكس لما تكونين حارة واهو بارد
شلون تقضون على الإختلاف هذا بينكم ؟ وشلون تتصرفون بلحظة العصبية هذي ؟

عن نفسي
انا استغفرالله الحمدالله والشكر نار وشرار
والله هالشي متعبني
عصبيتي ما تطلع على الناس بره لأ ،، الناس اللي بره لما ينرفزوني احط بلقبي واطلع العصبية بشكل ثاني
بس عصبيتي بالبيت ومع اهلي واخواني شي مو طبيعي
يسموني الجبريت
على قولة امي تقولي اذا عصبتي حتى احنا نخاف منج
يعني ساعات اطفر واشب حتى قبل لا افهم السالفة عدل بس مجرد ان مقدمة الموضوع نرفزتني وحسيتها تغث لوووووول
المشكلة زادت عندي مع اليهال

وعلى اني حارة جذي زوجي بااااااااااااااااااااااااااااااااارد ثلجة
اقوله ساعات عصب مثل ما اعصب لان برودك يزيد عصبيتي

واذا ما تكلمت اشتغلت ريلي بالهز او العب بشعري او احوس وايد بالشقة
من كثر ما انا حارة
وزوجي بارد

اذا عصبت يناديني

يالناظرة هههههههههههههههه

يقولي يالناظرة تعالي ويالناظرة روحي
واذا شاف عيالي يقولهم امكم الناظرة يت هههههههههههه

على قولته على عصبيتج لو انتي ريال جان متزوجة ومطلقة للحين ثلاث ارباع بنات الكويت لوووول

ودايما يقولي والله انتي تهبلين بس لومة هالعصبية مخربتج
وشكلي نااااااعم اهلي يقولون لي عصبيتج مو لايقة على شكلج ونعومتج ابد واللي يشوفج ما يصدق انتي ابهالأعصاب

بس شسوي والله ان شبيت محد يطفيني ولا اتحكم بروحي
ادخنه تطلع من اذوني ومن خشمي ومن حلجي هههههههههههههه اصير صاروخ زين ما اطير اكفخ بالسقف

مرة عصبت بالشارع تهاوشت بالتلفون الله لا يراويكم شلون سكت طرت بالسيارة 160 اذا مو اكثر
اسوق وابجي اتذكر لحقني شوي شايب يأشرلي يقولي ابإيده شوي شوي ،، بعد عمري كسر خاطري هالشايب مع انه بالسايد اللي يمي مو جدامي بس خاف علي

وييييييييييييييييييييييييييه
اشكثر هذرت ماشالله علي
هههههههه

يالله منو الحار ومنو البارد وشلون تتصرفون لما تيي حالة العصبية والبرود بينكم ؟

امممممممممممممممم
انا حاره
وهم ريلي حار
بس سبحان الله لما اهو يكون معصب انا اهدا
واهو نفس الشي
لازم تلاقين واحد هادي بالموضوع الحمدلله عشان لا تسير حوادث اليمه لووووول

الحمدلله كنت بالاول عصبية والحين صرت اهدأ

يعتبر زوجي هو الحار على بنته وانا امسك اعصابي واذا كنت طبعا معصبة خاصة ايام الدورة انخش بالغرفة لحدما اهدأ وهو يسكت

الله يعينك العصبية تتعب النفس قبل الغير حاولي تسوين روحش حليمة عند الغضب واشربي عصير ليمون الحياة ماتسوى الواحد يتعب فيها

امممممممممممممممم
هالموضوع عاد عجيييييييييب

بالنسبه لي انا عبالي اني حارة اول بس عقب الزواج اكتشفت اني طبيعيه لان زوجي الله يهديه مو جبريت لالالا
تيزااااااااااااب ماعنده طولت بال بسرعه يعصب
بس انا هم بسرعه اعصب وارادد وايد بس شوي شوي قاعد اجعم روحي الحين لووول بعد شنسوي لازم خووو عيب المرة ترادد ريلها موووو

اهو فلفل مو حار !
قنبله قابله للانفجار و تدمير كل شي !!

استغفر الله احسه يكفر لما يعصب !

انا قبل الزواج كنت عصبيه و اكتشفت نفسي باااااااااااااااااااااااااارده
و تغيرت اطباعي صرت ابرد من الثلج و هالشي اهلي مستغربين منه !

ويع يا كره العصبيه

انا زوجي الحمدالله موحار بس يمكن ايعصب اذا الموقف يستاهل انه ايعصبة
وانا عن نفسي دافية موحارة حيل ولاباردة حيل (اشرايكم بدافية )
بس علي العموم انا مع العلاقات الخارجية حيل باردة لدرجة هشي مريح اعصابي

والله آنه ماني عصبية بس من الندر ما يعلى صوتي اذا طفح الكيل واحترق بدون صراخ

و أشوة ريلي مو عصبي هادي بس مو بارد يبي شغلة زاهب و لا يحب التأخير اذا بنطلع أو بنزور بس ما يصرخ… طناقره من نوع ثاني

يسكت و ما يرد علي عدل <<< يعني زعلان

يمعودة أبرك من اللي يصارخ و يطاطي و يحذفج باللي جدامه ..أسمع وايد جذي مساكين

حمدي ربج هذا ريلج ولا لو غيرة جان علوم

الله يسخرهم

بصراحه انا وااااايد عصبيه وهو وااااايد عصبي ..
في بدايت حياتي الزوجيه لماتشب بينا الحريجه
كانت تكبر المشكله وتقعد ايام واسابيع ..
بس بعد مافهمني ريلي وانا فهمته لما تبي تبدا الحريجه
تشب يطلع ويخليني .. وسلامتج ..

انا العصبيه واهو البارد والحمدلله مو العكس والا جان صارت اعلوم

مشكورين بنات على ردودكم
بس انتوا تقولون الزوج البارد احسن من العصبي
لا والله الصراحة
البارد ينرفز خاصة في امور او سوالف تحتاج واحد حار
يعني تصير امور اقوله لي متى جذي ؟؟؟ لي متى الوضع معلق ؟
يقولي هدي هدي بالج كلش بوقته
طبعا يقولها بدلع وشوي شوي هههههههههههههههه
اللي الأعصاب تفور والدخان يطلع من كل صوب لووووووول تنين مو مي

شوفى مي اول شئ راح اتكلم عنج

انا مره سمعت ببرنامج طلع من قبل سسنه على ام بى سى

انه لى قلتى انا متضايقه او انا متملله او حاسه بملل اوعصبيه

لاشعوريا جسمج يفرز ماده يخليج متضايقه ومتملله وتعصبين

واذا قلتى بينج وبين نفسج وقدام الناس انا فرحانه انام ستانسه

جسمج يفرز ماده بالجسم وتصيرين مستناسه وفرحانه

لازم بينج وبين نفسج وقدام اهلج تقولين انا ماعصب مانى عصبيه

انا هاديه اانا مرتاحه راح احل المشكله بعقل وبهدوووووء

تلقائيا راح تشوفين نفسج ماتعصبين وتحلين مشكلتج بهدوء

———————–

اما عن نفسى انا كنت نفسج عصبيه حيييل لكن حيل خفت الحاله عندى ومن الله خفت

والحين فينى عصبيه لكن قلييييييله وزوجى عصبى لكن مودايما اوقات الزحمه والازعاج وبس

اما بغير جذى لاوالله كلمة الحق تنقال حيييييل هادى ومتفهم لكن انا وياه لى عصبنا وحاشتنا الحال

الله لايوريج هنود ترطن ماتفهيمن منا شئ هههههههههههههههههههه

زوجي حار وانا بارد

بس يسنعني بصرخه وحده اصير حاره واسوي اللي يبيه

مي يااااا حلوج و ياااا حلو مواضيعج

تعجبيني دايما…صيري صديقتي …شخبااااري

مو انا من أول ما اقرا مواضيعج اقول انتي نفسي….و صج سبحان الله حتى في هالسالفة نفسي

و تصدقين اليوم قاعدين نسولف مع بنات الدوام عن موضوع العصبية…لكن مو عارفين الحل

انا عصبية…بس يعني انا مو عصبية اللي صراخ و هواش و جذي…بس اتنرفز بسسسسسرعة…وتلاقين صوتي و اسلوبي من غير ما احس يحتدون… وحساسة..و ما اعرف اخش كلش

يعني حتى لو مابي اشتكي لكن يظل مبين على ويهي اني زعلانة و متضايقة..حتى من غير ما اقول شي

و زوجي بالعكس باااااااااااااااااااااااااااااارد….وانا احسها نعمة ترا

بس عاد تبين الصج…احنا مرات تنرفز و نعصب على اشياء ما تسوى…مادري ليش مانصير كول مثل الريايييل

ودي والله..اذا لقيتي طريقة علموني

عاد هذاك اليوم ريلي يقولي…انتي لو تبطلين عادة الزعل هذي جان انتي اوووكي …على قولته اهوه مايحب جو الزعل

لا و مرات يقول..انا احسج لما تشوفين انه حياتنا الحمدلله هادية…تقومين تنكدين و تزعلين عشان تسوين اكشن …والله يمكن بعد عقلي الباطن جذي يسوي

شوفي ريم
انا قبل كله اقول لاهلي انا مو عصبية
يردون علي انتي مو عصبية ؟؟؟؟؟؟؟؟؟؟؟؟
اهم اللي دايما يقولون عني عصبية وانا اقولهم لأ

والحين زوجي اقوله مو عصبية يقولي الا عصبية ونص
يقولي بعد مينونة مو عصبية وبس ههههههه

ضحكتيني على سالفة جنكم هنود ترطن ههههههههههه

سيدة الذوقeh_s(6):
تلحلحي مو كل مرة تنطرين الصرخة اللي تقومج من مكانج

مي والله انا نفسج
حااااااااااارة وريلي باارد وحكيم ما شاء الله عليه
وبسرعه اتنرفز قبل لا اعرف السالفة وتكملتها
حتى بعض المرات يكلمني ريلي بموضوع يقولي اشرايج انسوي جذي
انا اعصب يقولي اشفيج ترى اقتراح اللي اقوله مو غصب انسويه لووول
امووووت عالنكد هههههههههههههههههههه