انتي موظفه بيت التموين ؟؟!! أو اتعرفين أحد اهناك ؟؟!! دشي وساعديني .

هااااااااااااااااااااااي بنوتات حلوات
أبي مساعدتكم ممكن؟؟!!!!!!!!!
انا مقدمه على بيت التموين وأنطر التوظيف بعد شهر أو أقل ،بغيت اعرف منكم حلو دوامهم وشلون الشغل عندهم واااجد ولا عادي ،أنا كنت ميداني بنك الخليج وشفت الشغل عندهم ماعجبني تعب ولازم الدوام صبح وعصر ،صراحه ناس واجد امدحولي الشغل في بيت التموين وقدمت أوراقي ،بس حبيت اعرف معلومات أكثر منكم إذا أتعرفون أحد أهناك أو وحده فيكم تشتغل،وأتمنى أنكم ماتردوني ،ناطردوودكم

الياعرفه انه كراف و هم اهما الصبح و العصر دوام بالعكس بيت التمويل اكثر البنوك كراف

ما ابي احبطج بس هذا الي اعرفه عنهم و انا رفيجتي تشتغل هناك كراف من قلب من 8-2

مشكوره حبيبتي طوق البنفسج على مرورج ،خرعتيني وحبطيتيني ووووووووووي عاااااد شسوي انا مقدمه اوراقي،بس في ناس واااجد قالولي ان دوام العصر انتي كيفج اذا بداومين يعطونج بدل زياده،والحلو فيهم أن دوامهم من السبت لي الاربعا ،وخميس وجمعه عطله غير عن البنوك الباقي،بس الله يستر والله اخترعت.

وووووووينكم بنات ليش محد يرد 12 وحده دشت وقرت ولا وحده ردت علي ولا حتي سلمت اشدعوااااااااااااااا

انا قدمت عن طريق النت من فتره ولي الحين ما ردو علي
عاد اذا ما يبوني خل يدزون ايميل يعطوني خبر مو يكشتون ويعلقوني يعطوني امل ….

والله يوفق الجميع

والله كرااااااف رفيجتي مديره اهناك و اهيا مديره فررررررع و هلكانه حاله من حال اي بنك و رفيجتي الثانيه ابنك الخليج نفس الشي ويييييييييع البنوك كلها دوام عصر وكرااااااااف من قلب الواحد ينسى حياته الاجتماعيه نهائيا حتي تجاعيد اطلعت لهم المساكين … و كلهم يبون يستقيلون ويروحون وزارات معاش 500 من الحكومه غصب علي الكل يمشي لج مو تبع هيئات و مؤسسات تملكها ناس و لها فيها ارباح يذلوونج علي الفلسسسس لو اتصير عندج فرقيه بالبنك 5 افلووس يقلون عندج عجز بالكاش و تعالي نقااااااي من معاشج ليش ابتقعدين طول عمرج اتقسطين علي البنوك اللي اتفرقينه و اهما المعاش يخصمون حتي علي التأخير ال 5 دقايق و الاوفر تايم ما يعطون وييييييييع

احسن شي الحكوومه معاش ماشي من الحكوومه 500 نعمه كل شهر و زيادات 20 دينار سنويا ولا اي مكان قطاع خاص يعطي هالزياده و مرتاحه دوام واحد والساعه 12 طالعه وغياب و مرضيات لا حسيب ولا رقيب اشلج بالبنوك الله يعينج صج

امي تشتغل في بيت التمويل من ناحية الدوام على حسب الفروع غي فروع تداوم من السبت للاربعاء صباحا وسبت واثنين واربعاء مساءا وفروع ثانية تداوم من الاحد الى الخميس صباحا واحد واثنين وثلاثاء مساءا من 8 الى 1 صباحا و من 4 الى 6ونص مساءا
الدوام قبل فتحت الباب بنص ساعة والخروج على الله لغايه خروج اخر عميل
المعاشات
مشرفة وتفتح النفس بس لا يحوشك فرق ذاك الشهر
حياتج الاجتماعية
انسى موضوع النت والزوارات والاعراس والغز والمجمعات تردين البيت تبين المخدة
العميل دائما اولا وعلى حق وانت الحلقة الاضعف
دوام العصر اجباري
وعلى حسب المؤهل الدراسي وظيفتج دبلوم =صراف
جامعي=مشرف مصرفي او مشرف خدمه
وسلاااامتج واي استفسار انا حاضرة

امبي ماحب اتعامل مع المراجعين انا ودي اكون اداريه في البنك اشلون ؟

انا بنت خالي بالتموين حدها تعبانه كرااف واهانات من المراجعين وحالتها حاله وتفكر تطلع لأن لاعت جبدها صارلها سنتين
والدوام على حسب ساعات يتأخرون وساعات اكو دوام خميس او يمعه يعني بهذلة بالعربي الفصيح وماكو فرق بين اي بنك كله تعب وكراف والفلوس اللي تاخذينها اكثر بتطلع من جبدج

يعييييش العمل الحكومي ههههه اريَح

انا اتفق مع البنات العمل الحكومي = كرامه وراحة
في القطاع الخاص المعاش يطلع من عينج غير الاهانه اللي اذا رديتي انتي الغلطانه
الاهانه المشهورة فيالبنوك (يا حرامية .. بغتوني )

احسن شي الحكوومه معاش ماشي من الحكوومه 500 نعمه كل شهر و زيادات 20 دينار سنويا ولا اي مكان قطاع خاص يعطي هالزياده و مرتاحه دوام واحد والساعه 12 طالعه وغياب و مرضيات لا حسيب ولا رقيب اشلج بالبنوك الله يعينج صج[/QUOTE]

لا و الله هالحكومه ملوعة جبدي لا تقولين … ان ما كلفوج بشغل قالوا اهيه ما تبي تشتغل و يقيمونج على كيفهم لا حسيب فوقهم و لا شي .. وحقج ضايع تقولين دافعين من جيبهم شي ,, و ما يعطونج الشي كامل مكمل لا لازم يمرمرووونج بالاجراءات التعيسة