|
|
مرحبا بنات اشلونكم
انا السنه الي طافت كان تعييني والسنه هاذي انشالله بكمل مشوار التدريس طبعا علمي ثانوي ومتوسط
بنات اكتشفت السنه الي طافت ظاهره غريبه ان لأبلات يعطون ارقامهم للطالبات خص إلي مومتزوجات
وبالتربيه العمليه صارت جدامي حاله ان عقبها الأبله طبعا تتشكى البنت اذتني ومن هالحجي طيب انتو شنو
رايكم مع او ضد هالسالفه؟
لكن لو اني في مرحلة ثانيه فانا ضد هالسالفه
ما في داعي المدرسة تعطي الطالبه رقمها ابدا
واذا كان بهدف الصداقه فالافضل ان المدرسة تصادق مدرسة نفسها
حتى اولياء الامور بعضهم يستنكرون سالفة المدرسه الي تصادق طالبتها
وضحاوي عدل كلامج بس الي اشوفه بالواقع غير
والله اشكره جدامي البنت اتقول للمدرسه ليش ماتردين علي امس
والمشكله انا اول مادشيت انصحوني جذي بس عقبها اكتشفت ان الي انصحوني اهم نفسهم معطين البنات رقمهم
طيب اشرايكم بالماسنجر لماتدش الأبله وتحطه اول يوم على السبوره نفس نظام دكاترتنا بالجامعه؟؟
بس اللي يقهرني لما وحدة من زميلاتج في القسم
هي اللي تعطي الطالبات رقمج وتتفاجئين ان الطالبات يدقون
مهما كانت علاقتي طيبه مع طالباتي بس ما يوصل انهم يصيرون ميانه
مو ادميه انتوا لا تاخذونها على انها ابله وعيب ومادري شنو وبلآخير كلنا ابناء ادم
وحلو الواحد يكون متواضع واكيد تعطي رقمها للبنت الي تكون متاكده انه زينه وما عندها سوالف واثقه من عندها
وبصراحه انا خالتي مدرسه معطيه طالبه رقمها وطالبه وما دق عليها الا وين وين
وعالعموم مشكوره وبلاخير هذي وجه نظري
احسن شي تكون رسميه
وبعدين يمكن تسبب لي احراج او حق اهلها يعني تنشغل بالتلفون على طول بحجة اكلم ابلتي
اما المعلمات الي يعطون وخاصة تربية عملية فلانهم بيطلعون من املدرسة ويحبون يتواصلون مع بناتهم واحتمال لانهم ماعندهم مسؤوليات فعادي عندهم
بس اللي يعطيون ويتشكون مالهم عذر ويتحملون
وشكرا اختي
جدا جدا جدا مستغربتها مو شويه!!!
يمكن لاني ماجربت تدريس ثانوي
بس ……………..ممكن اعرف ليه ؟؟ يعني شنو السلبيات الي شفتوها وخلتكم تتخذون هالقرار؟؟
وانا بصراحه ماحب اكون رسميه مع احد….. طبيعتي جدا جدا سلسه …..
واحب اتعمق في نفسيات طالباتي حيل وباي طريقه….لان هالشي يساعدني ويساعدهم على النجاح
واحب بعد اعرف شنو المشاكل اللي يواجهونها طالباتي
يمكن بنات انتوا متعقدين من بعض السوالف الي تصير وعشان جذي قلتوا هالكلام
او يمكن بعضكم يخاف لمن يكون سلس يخسر هيبته عند الطالبات مع اني اشوق مالها دخل الهيبه والاحترام بالتواضع!!
بس جد ابي لييييييييييييييييييييييش ضد؟؟
وهذا الفعل ممكن يبدر من المعلمات الجديدات أو التربية العمليه
توهم امداومين ومستانسين
أو بالأخص تنقصهم الخبره
المسأله مو مسألة تعالي وتكبر
بس لازم يكون في حدود بين المعلمه والطالبه
المسائل الشخصيه يجب الإبتعاد عنها
تبين صداقه خليها في حدود زميلاتك المدرسات وخارج المدرسه:
أما الطالبات فتكونين قريبه منهم بحدود
أقل مدرسه بالكويت فيها 200 طالبه إذا كل سنه ابتعطين تلفونك ل5
و2 منهم يعطونه لـ2 حسبي على ما تتقاعدين
تلفونك عند نص أهل المنطقه والمناطق المجاوره
وقعدي ردي على التلفون والدروس الخصوصيه
او مثل ماقالت الاخت مسنجر تتواصلون .. خاصه انه الحين الكل يشبك وهالشي يساعدهم اذا احتاجو شي .. يعني ..
مثلا يكون مره بالاسبوع موعد معين يشبكون يلقونج فييه .. والله شي حلو .. ويكون ايميل خاص للطالبات ..
انا ادرس ابتدائي .. طريقتي في التواصل اهي كـ التالي
بداية السنة أطبع ايميلي بورقة واصورها ويلصقونها بدفاترهم .. على فكرة اللي تبي تسوي جذي تختار اسم يدل على شخصيتها .. يعني اسم ثقيل يدل على انج معلمة مو اسماء مثل مزيونه .. وحبوبة .. تحسون انها مو حلوة بحقج كـ ابلة ان يكون نكج جذي .. واكتب فيها استقبل رسائل الاستفسار طوال أيام الاسبوع مع ذكر اسم الطالبة والصف .. وأتواجد بالمسنجر من الساعة 5 إلى ال7 يوم الخميس ……… وبهالطريقة تعرفت على امهات وصاروا يمروني وقت الاجتماع واهم عارفين كل شي عن بناتهم .. بس يمرون يسلمون .. على فكرة انا أول ما أحدد وقت الامتحان ادز لهم ايميلات .. ومرة جربت طريقة اني صححت الامتحان وخلصت بدري .. وكل وحدة وياي بالمسنجر دزيت لها درجة بنتها
اسوي هـ الشغلة لاني أحبها .. واحب اني ادخل النت بشغلي .. وإن شاء الله اخوي وعدني انه يسوي لي صفحة خاصة فيني اوزعها على البنات بداية السنة .. بس انشغل شوي .. فراح تتأجل الفكرة