انتي ،، وزوجج ،، والسيارة

هاي

قوة بنات
اكيد معظمنا نسوق وعندنا سياراتنا الخاصة فينا
وقت اللي حبيتي تشترين السيارة ،،
لاي درجة زوجج كان له راي فيها ،، بمعنى ثاني
ممكن ان زوجج يتكلم ويقولج السيارة هذي ارضى فيها والسيارة هذي ما ارضى فيها ؟
يعني لاي درجة راية يمشي ابهالموضوع ؟ ولا انه تارك لج الحرية المطلقة باختيار السيارة ولونها ؟

عقب ما تشترين السيارة
ترضين زوجج يقضى فيها مشاويره ويطلع فيها مع ربعه ولا لأ

بالنسبة لي انا
والله زوجي اخر مرة شوي وقف ابلاعيمي شوي مو وايد ،، وحرام ما اظلمه اخوي كان عنده نفس الإعتراضات
كنت واقفة بالوكالة ابي سيارة كشف واحلف له والله العظيم والله العظيم ما اكشفها بس مشتهية شكلها جذي يشوق
ههههههههههههه
طنشني على قولة ابوي زين يسوي فيج وكنت ابي جم شغلة وطلع عيوب وايد لما خذيت سيارة رضينا عليها احنا ال2
بالنسبة لطلعاته فيها
لا
انا تعودت من وانا عند اهلي كل واحد له سيارته يستعملها ومايستعمل سيارة غيره عشان تضل على نظافتها ويدتها
اول ما تزوجنا طلب مني يطلع بسيارتي وقتله اسفة ما عندنا هالحركات هههههههههههه مووووووووو انصدم ،، اهم نوعهم السيارة الدنيا كلها تستعملها ليما ينهد حيلها وتقولهم رحموني وقفوني بيعوني ههههههههههههه

دوركم

اي له رايي فيها قلت له ابي سياره كشف جان يقولي انتي عبالج لي لحين صغيره بس كبرتي
وعلى اللون بعد قالي انسي الاحمر والابيض مادري شكو
وعادي اذا اهو بيأخذها عادي لان اكيد ما راح اكون محتاجتها بس ما يطلع مع ربعه فيها
ويسلمؤوؤو حبيبتي على هالموضوع

انا مآاسوووق ,..

ننطر ردود البناات

بخصوص اذا بشترى سياره بالعكس ريلي عادى عنده واهو قاعد يقولى اخذ سياره سبورت بس اذا كشف ماعنده مانع بس مابطله

وانا بعد ماحب احد ياخذ سيارتى بس من تزوجت اهو ابوي واخوي والعالم كلها قام تاخذها والحين السياره تقول تكفين بيعينى رحمينى

ههههههههه لووووووووووول وعلى فكره ابوي امس دق على وخذا سيارتى وطبعا ماراح يردها الا بعد شهر شهرين

وثانكس على الموضوع

انا رحت ابي سياره وشريت سياره ثانيه بعيده عن الي ابيها اللهم فيها فتحه الحمدلله والفضل في التغير يعود لزوجي
اما عن استعمال السيارات احنا طبعنا في بيت اهلي وبيت عمي بعد كل واحد له سيارته الخاصه ويستعملها بروحه محد ياخذ سيارة الثاني الا للضروره فقط

هلا مي شلونج

انا ماسوق مع ان عندي ليسن قبل اتزوج زوجي قال انسي السواقه

طبعا لما اتناقش معاه اقوله بعدين بشتري جيب يقول لا لان هالجيب كشخه وغالي مايبني الفت النظر وطبعا اكيد بعطيه سيارتي ابو عيالي

انا لحد الحين ماشريت سياره

بس لو عندي

مااخليه يقضى مشايره فيهااا

الا للضروره مثلا مافي سيارته بانزين مستعيل

بس جذي

ياخذهااا

لااااااااااااااااااااااااااا

سيارتي تحتي متى مابغيت اطلع فيها اطلع مو اقعد انطر

في حريم عادي عندهم وفي اللي نفسي وفي اللي ماتخليه ايي صووب سيارتهاا كلش

الحريم انوااااااااااااع

انه اللي اهتم اني اخذ رايه بهالسالفه لأن ماشالله خبره بالسيارات ومواصفاتها وقطع غيارها واسعارها

اخره مره رحت معاه معرض السياره اختارلي نفس السياره اللي انه اصلا كانت عاجبتني ونفس اللون

الحمدلله يعني ماكو مشاكل بهالسالفه لأن ذوقنا متشابه تقريبا

هلا ميوو ,,

انا وريلي كل شينا واااااحد ,, سياييرنا وحده ماعندنا هذي سيارتج وهذي سيارتي ,, رواتبنا وحده ماكو شي اسمه راتبي وراتبج لا الميزانيه وحده ,, والحمدلله واااايد مرتاحين ومتفاهمين على هالشغلات حيييييل بس كروت البنك معاه لان الميزانيه كلها عنده اهو المسئول المالي والاداري <<<<< وااااايد متأثره بالدوام مسكيينه

وبالنسبه حق اختيار السياايير اممممممم تقريبا ذوقنا واحد ,, بس صارت جم مره انه شرى وباع بدون مادري لان يدري فيني حنه ورنه ليييش وليييش ,, بس بالنهايه يكون رايه اهو الصح ,, يعرف شحب وشماحب ,, حتى اغراض الجمعية اهو اللي اييبها من اكبرها لي اصغرها ,, على قولته يقولي وااايد تحنييين لييش هذا وماله داعي هذاااك لوول والله يبط جبدي كل شي يخمه بالهبببببببل انا احب الشي راهي بس مو جذي <<< من ياب طاري الجمعية الحين

انا الحمدلله زوجي ما يعترض على اختياري للسياره

وانا عمري ما فكرت بسياره كشف .. ما ادري ليش تصدقوون !!!

انا داش مخي الرنج وقلت له ويابه حقي بعد عمري

والحين قاعده اقووله ابي الرنج اللي لونه مشمشي وما ادري بييبه حقي والا لأ

ومن ناحيه الاستعمال عادي عندي خل يستعمل سيارلتي اصلا اهو اللي على طول يسوي لها السيرفس

ويغسلها بالمحطه ويهتم فيها .. وما راح اغلي عليه سياره

وهو يابها لي من حر ماله

اول شى انا للحين ماشريت سيارة يديد
بس يوم سقت ريلى فجلى سيارة كامرى ولونها ابيض

وانا الصراحة بس اشتغل ابى اغيرها ابى جيب حلو ويديد تدرون حق اليهال واللون ماعتقد بيعارض

وعلى سالفة انة ياخذ سيارتى بوعيالى اعيونى له اذا بغاها

انا وياة واااحد

انا اول ما تزوجنا كنت توني مكمله 18 وكان يعرف انه بخاطري طوارق
واللون اللي ابيه بعد فديته حبيبي
بس انه يطلع فيها لا لانه مااحب ريحه الزقاير كلش بالسياره واذا بوديها سيرفس او شي
يتنرفز لانه ما اخليه يدخن فيها

انا بصراحة ريلي جيب برادو
وانا ودي اشتري رنج او اكس فايف
طبعاا يقولي جيووب انسي لو تموتين

رأيه ما عارضني وحرام ظليمته شينه اذا قلتله ابي كذا والا كذا يروح يسأل عن مميزاتها وافتر فيني المعارض لين خذيت اللي ابيه ويستخدمها للضرورة القصوى وما طيح الميانه بسيارتي عسى الله لا يحيجه لي

انا وريلي سيارتنا من نفس الوكاله

بس انا شاريتها من قبل لا اتزوج وحتى اهو من قبل عنده

ولسوء حظ ريلي انه يكرهه هالوكاله لانه جربها بسيارته ويقول انها سياره دلوعه ومصاريفها وايد

وكله يحن علي بيعيها واخذي سيارتي .. واهو يسوق سياره الدوام

عاد حلاتي وانا اسوووق سيارته .. سياره سبورتيه وفسفوريه بعد

لووووووووووووووووووول

يقولي ريلي لو ادري انه هذي سيارتج ماكنت تزوججتج

هههههههههههه

وكلش مايحب يسوق سيارتي يكرهها اصلا لمن يخلص البانزين شكثر يتحلط عليها لانه اهو اللي يروح يترسها

يقولي انا ما اشوووف بسيارتج @@

شددددعوووووه