|
|
كتب لكم ابغى اشوف مشكلتي من منظور ثاني
وضحو لي الحقيقه اللي غايبه عن عيني ..
انا ظالمه نفسي ولا ظالمته ولا ظالمه بنت الناس .gif "Eh S(2)")
انا مظلومه وبنت الناس مظلومه واهو الظالم
ولا ابوه الظالم
ولا منوووووووووووووووو
قصتي طووووويله فيكم تسمعوني وتحسون فيني وتعيشون الجو معاي
محتاجتكم .gif "Eh S(16)")
قبل لا اقولكم قصتي وقبل لاتحكمون علي
بقولكم شغله انا بنت منتداكم وكويتيه متميزه لاكن ما اقدر اطرح مشكلتي بنكي لاسبابي الخاصه
للعلم هذي اول مره وان شاء الله انها الاخيره اللي اطرح فيها مشكله واحتاس في حلها
خلوني ابدأ بالقصه اللي مأرقتني
تزوجت وانا صغيره عمري 19 سنه لواحد من الاقارب
الولد ولد ناس وطيب وخلوق ووشهاده وظيفه الحمد لله
اول ما اشتغل اخذ قرض وقرر يسافر قطر يدرس الماجستير
ابوه رفض وقاله تزوج احسن لك من الدراسه
وطبعا اهو عنده امه وابوه بالدنيا وهذا اللي عاجبني فيه و اللي متعبني فيه بنفس الوقت
ابوه متسلط وعصبي ظالم زوجته وعياله تربو على الطق (( طق الام وطق العيال )) ولوابوه
يسوي اللي يسوي مستحيل يقوله لا حتى لو من حقه كلمه لا
المهم ..
اخذ القرض وقسمه نصين … نص شرا له سياره
والنص الثاني للزواج .. وتخلى عن حلم الدراسه عشان ابوه .gif "Eh S(4)")
وصلنا لاختيار الزوجه
بما ان خالتي جارتهم فأمه شافتني عند خالتي وكلمت ولدها عني
ولدها ما خذ الموضوع بجديه و عطى امه و اخته الكبيره حريه اختيار الزوجه بدون شروط ولا قيود
ابي زوجه صالحه وبس
امه كلمت خالتي وخالتي رحبت بالموضوع وكلمت امي .. امي حددت يوم عشان يزورونا
وانا كنت بعدني بالثانويه جاو البيت عندنا جدتي صاحبه امه الروح بالروح من ايام الطفوله والناس
نعرفه عدل يعني اخلاقهم ماعلها كلام
المهم امي كانت صريحه معاهم وقالت لهم اني كنت ملكه على ولد عمي لما كان عمري 17 سنه
واللحين الموضوع بالمحاكم ماخلص وتعرفون موضوع المحاكم يطولون يموت الواحد وماخلص قضيته
امه الاجوديه كانت محضر خير وقالت احنا شارينكم وعارفنين السالفه عدل من (( خالتي اخت
امي )) والولد مو مستعجل ولو مو شارينكم ماجينا طقينا بابكم واحنا ندري انها للحين معلقه
بصراحه انا كنت متعقده من موضوع الزواج بعد ما شفت الويل من ولد عمي
فتره ملكه بس وراني فيها نجوم الظهر .
المهم تخرجت وانا بثالث ثانوي على 18 سنه وتم طلاقي الحمد لله واستلمت ورقه الطلاق بنفس
الشهر لانها كانت بدون عده (( لم يتم الدخول بها ))
تطلقت في رمضان الحمد لله و بعد 5 شهور ملكت على زوجي الحالي
لاكن قبل الملكه صار اللي لاتحمد عقباه
ابو زوجي رافضني رفض تاااااااااااااااااااااااااااااااااااااااام
ماتآخذها يعني ما تآخذها
شلون تآخذ وحده عقب واحد
بالموت والهلاك وتدخل المشايخ واقف على مضض .. مو مقتنع فيني ابد
تزوجنا الحمد لله .. والله عوضني خير بزوجي
عيشني ملكه .. عكس المعامله اللي عاملني فيها ولد عمي
عشت معاه سنه عسل مو شهر العسل
وخواته كل وحده تنحط على الجرح يبرا .. عسل ودمهم خفيف وعاملوني كأني وحده منهم
وامه وش اقول عن امه ما ترضى على بالشيه توقف معاي حتى لو احد يبي يضغطني ماترضى
علي ابدددددد
والله يشهد اني عاملتهم بالمثل واكن الحب لهم بقلبي وصارو عيالتي الثانيه اللي من اشوفهم انسى الدنيا ومافيها
عكس ابوه
مايجلس بالمكان اللي انا فيه وكل يعاير ولده فيني وانا احس زوجي صابر وقد ما يقدر يتجاهله
وخالتي ام زوجي بعد عيني تحاول تحببه فيني توصلني السما بمدحها لي وتسوي له اشياء وتقول
هذي فلانه سوته عشانك
المهم ..
بعد 4شهور من زواجي حملت الحمد لله بشهر 8
والكل استانس وزوجي دلعني اكثر واكثر وصرت عندهم الملكه
لاتحطين لا نشيلين لاتسوين لا تصعدين الدرج ومن اشتهي شي قبل لا اقوله اشوفه عندي
كنت بوقتها ادرس بالكليه وكان الباص يجيني الصباح وتعرفون النساه مع البكر شلون ؟؟!! ولا
كان برمضان يعني تعب في تعب بس الحمد لله الـ 3 شهور الاولى عدت واحنا مستانسين وفرحانين
بالحمل
جا شهر 12 المشؤوم وتحديا 8-12 قبل عيد الاضحى
حسيت برعشه الله لا يوريكم اياها .. وبرد مو طبيعني وكا الجو بااااااارد جد
اقول لزوجي غطني غطني بموت من البرد
تخيلو قوفي 3 بطانيات وكل وحده مصفوطه صفطتين وانا ارررررررررررررررررررجف من البرد
وغير كذا كل شوي احس اني بدخل الحمام
ولما ادخل مافيني شي
فيني آآآلام الله لا يوريها لا احد .. اوقات الالم من قوته لا اعرف اجلس منه ولا اوقف
تشوفيني احوس بالغرفه .. وزوجي معاي يقنع فيني اروح المستشفى وانا مو قاااادره اركز معاه
شايفه المووووت بعيوني
كنت افكر عين او ماكله اكله وحاشني تسمم ومغص
لان بنفس الليله كان عندنا عزومه خالتي ام زوجي عازمه المنطقه كلهااااا
المهم قدر الله وماشاء فعل على الساعه 2 بالليل وبعد ماخف الالم ووتها غفت عيني إلا احلم حلم اعوووذ بالله مززززعج واجلس مخترعه
ورحت اتوضى عشان ارجع انام إلا واحس انه في شي بيطلع مني
ونزل مني ماااااااااااااااااااااااي كثيييير وانا انادي على زوجي وهم مو سامع راااايح بألم نوووومه
وبعدها خلاااااااااااااااااااااص حسيت الموت جااااني مو قادره اقوم ولا قادره اجلس إلا واحس في شي ينزل مني
واطالع إلا ……………………………………….
الحمد لله على كل حال
طاح جنيني وانا توني باول يوم من الخامس
لما طاح قعدت اصييييييييح اصييييييييييييح اصيييييييييييييييييح
وتمالكت نفسي وسحبت نفسي سحب للغرفه وناديت زوجي بصوت عالي وحس وجلس وجاني بس بعد مافات الفوت
الله يمحي هالذكرى من بالي ولا يعيش يعيش فيها احد .. ويرزق كل محروم محروووومه بالحمل الثابت ان شاء الله
بعد هالحادثه ضليت تقريبا سنتين ما حملت ورحت وتعالجت وكل فحوصاتي سليمه الحمد لله
لاكن حمل مو جاي يصير وهذي كتبه الله راضيه بحكمك ياااااربي ألف حمد وشكر لك
طبعا ابوه اللحين يجي دوره
انا ابي اشوف عيالك ..
مابعد الله يكتب يا يبه
الواحد مو ضامن عمره وانا ابي اشوفهم قبل لا اموت وما بيك تضيع نفسك مع هالعاقر >>> يقصدني طبعا
زوجي مارد عليه .. هذا يتكلم فيني بالسوء وزوجي ساكت
ابوه يقوله شكلها مثل امها ماتجيب إلا واحد وتوقف >> يقصد امي
خلاص طلقها وخذ غيرها هذي حوبتي قلت من البدايه لا تآخذها
وضل يحن على راس زووووجي
وبديت احسه مضغوط نفسيا وبدت المشاكل بينا على اتفه التوافه
بس الحمدلله من زود حبه لي مستحيل يخليني انام وانا متضايقه مع اني انا الغلطانه عليه
المشكله ماتتعدى اليوم الواحد ولو صار لها يومين صارت شي كبييييييييييييييير بالنسبه لنا
اهو لك يومين ماتكلمني ..
وانا لك يومين ما سمعت كلامك الحلو ..
ونتراضى الحمد لله
ملاحظه : الحمد لله علاقتنا الجنسيه عال العال اهو الشي الوحيد اللي مانختلف عليه
جا اليوم المشؤوم وابوه صعد شقتنا
وطلبني وطلبه
وقالي شوفي يابنت الناس من تزوجتو لكم 3 وللحين ماشفت ولا حفيد وانا من حقي اصير جد لعيال
ولدي >>> مع انه عنده احفاد من بناته ومن ولده الكبير بس الله على الظالم
فلك خيار من 2
الاول انا بزوج ولدي اليوم كلمت نسيبي على اخته ورد لي انهم موافقين عاجبك الوضع زين على زين مو عاجبك احل الثاني احسن لك ولولدي الطلاق
انا طبعا احس كأن احد صب علي سطل ماي باااااااااااااارد مو قادره ارد اطالع زوجي وقلبي مغبوووووووووووووووووووت انتظر رجولته يدافع عن مرته
ابي اهو اللي يتكلم
ابيه اهو اللي يدافع عني
ابيه وابيه وابيه
زوجي ساكت ومنزل راااااسه
وانا خلااااااص موقاده احس ماسكه اعصابي خالتي بجمايلها لاجمه فمي وزوجي بسكوته صادمني
خوات زوجي خواتي كاسرين ظهري وكله هذا بكوم ابو زوجي رجال كبير بالسن ومريض ما ابي
اغلط عليه واتحسف
كتمت غصتي وقهري لين طلع
ورحت لسندي وظهري وابو ولدي اللي مات اتحامه فيه
قلت له عاجبك كلام ابووووك رد علي عاجبك
قالي لا انا خلاص بكلم نسيبي بقوله اني ما ابي اتزوج
طبعا عشان تصير الصورة واضحه
نسيبه هذا زوج اخته واللي بيتزوجها اختها فهمتو علي
يعني قصه بقصه انت مآخذ اختي وانا بآخذ اختك
آآآآآآآآآه ياقلبي آآآآآآآه
لما رددتني قالتي الرحم لف يوم سقطتي وعشان جذي مايتم الحمل هي بالمنقف قبال العزيزيه هذا رقمها 66165868
انا ماقول خلي زوجج يتمرد على ابوه بس يتناقش معاه بالعقل والصبر زين
وماقصرت اختنا ام فواز عطتج رقم وحده زينه ترددج ان شاء الله ربي يكتب اللي فيه الخير
ادعي ربج بقلب صادق وان شاء الله مايخيب دعائج
الله يكون بعونج عااللجي عند حريم ترى فيه وايد يعرفون للحمال ..
وادعي ربج وان شاء الله تلقين يزى صبرج ..
واضح انج اصيله ومعدنج ذهب ولا مين اللي تسكت عشان جمايل خالتهاا …
مشكلتج محلوله من ربي قبل خلقه
الزوج وخالتج وحمواتتج
شارينج
وابو الزوج شايب ويفكر بالاحفاد
والزوج يسايسه وياخذ بخاطره
والنعم بهالزوج
والشكر لصبرج
وتحيه لاهل الزوج
وصدقيني استمري بنفس الحب والحنان
والرحم اللي شال جنين مره
رح يشيله مرااااات
وربك كريم
وزوجج محتاج حنانج اكثر بهالفتره
وانسي سالفه عمك
فوفو
زين انك سكتي ماتكلمتي بوجه عمك هذا بمقام ابوك .. وزوجك لاتلومينه تعود على انه ماينطق كلمة لا في وجه ابوه ولو ان الحق
معااه .. لاتخسرين زوجك وتزعلين عليه من ناحية انه ماااارد ع ابوه قدامك ترى اذا الاب عصبي ويظرب ومدري وشو يمكن لو
رفض في وجه ابوه يمكن يطق قدامك وقتها من جد تضيع رجولته ..
ياحبيبتي استخيري الله في كل شي .. واستغفري وادعي ربك ان الله يكفيك شر أبو زوجك ودايم قولي وجعلنا من بين ايديهم سدا ومن خلفهم سدا فأغشيناهم فهم لايبصرون 7 مرات عشان الموضوع يروح من بااله ولا يحطه في باااله ..
وليش ماتطلعون في شقه لحالكم كذا اريح لكم .. الواضح من كلامك انكم في بيت واحد؟؟؟
عسى الله يفرج لك ويوفقك ويسعدك مع زوجك ويكفيك شر عمك وشر الدنيا كلها ويرزق الذريه الصالحه عاجل غير آجيل ..
آناااا بعد دخلت السنه الـ 4 وللحين ماحملت والمشكله بزوجي مااااعنده حيوانات منويه ومجنني وحالته حاله وهواش ع اتفه الاسباب عشان كله بيثبت رجولته اللي للآن ماثبتها بالعيااااال وربي مجنني الله يعطيني الصبر عليه … ادعوااااااااا لي
بس اقولج
الله يهدي ابوه ويحنن قلبه عليج وميخالف صبري والي الله كاتبه بيصير
وروحي رداده ولا دكتور يشوف شنو فيج
وعليج بصلاه الليل والله يسهل دربج وتنحل المشكله
بس انتي اطلبي ربك كل ليله صلي الليل وادعي خلك ملحه بالدعاء ان يرزقك بالذريه
وعليك بصوره البقره اذا تبين عيال اقريها تبين الرزق والسخريه اقريها
مافيه شي بعيد عن ربك سبحاانه ….
وترا مابعد العوار الا الحمال باذن الله
بعدين وين زوجج ورجولته ماكو شي بالغصب بهالزمن
حتى البنت صارت ما تنغصب هالدور رجال
بعدين شهالابو الغثيث هذا .. خل يزعل ويطلع من البيت
وأبوه مرده بيرضى وبيطيب خاطره
وغذا ما رضى بعد جدام ربه بيكون ريلج سوا اللي عليه ..
بس مو جذي عاد كل شي غصب وين قاعدين
ومدام ريلج راضي بالوضع اهو شكو يتدخل … ومبين غن اهو ما يحبج ولا يبيج من البداية وناطر الزلة
عشان يخلي ولده يطلقج آنا من رايي ريلج لازم يكون له موقف قوي
والله يعينج ويصبر قلبج .. يااااااااااااارب
ماتضيق الا وتنفرج بأذن واحد احد
وانا مع كلام فوفو بالظبط
واذا انتي قاعده بيت حمولتج
اشرطي انج تستقرين مع زوجج بعيد عنهم
والله تتفادين مشاكل ابو زوجج و ترتاحين
الله يوفقج و يرزقج بالذريه الصالحه و يحنن قلب ابو زوجج عليج
الله بينصرج عليه انشالله و بتيبين بدال الحفيد احفاد و الله يصلح بينج و بين زوجج 
آنزين انتي ليش مآ تروحين تعآلجين شوفي شنو المشكله ؟!
مآكو شي ؟! سنتين بدون سبب مآ حملتي ؟!
اذا صج " عاقر " و سوري على الكلمه يعني !
من حقه يتزوج ! اما اذا مآ فيج شي القرار الأول و الاخير بآيدج و بآيدج ريلج
قعدي انتي وياه و قوليله تبيني روح آوقف في وي آبوك و قوله
مآبي آطلقها ! و لو تطيح السما على الارض مآ آطلقها ؛*
ريلج لآزم يكون له موقف و شخصيه !!!!!!