|
|
السلام عليكم خواتي
انا داشه بحساب هب العطر و شرحت لكم مشكلتي اكثر من مره
و انتو ما قصرتوا معاي بالشور و الراي
بس هالمره راح افصح عن امور واااايد مهمه
اتمنى تقرون مشكلتي و تساعدوني قد ما تقدرون بالراي السديد
لان انا على وشك اتخاذ قرار الطلاق بنسبه 99 بالميه
بعد ما صبرت على زوجي سنه كامله بعيوب ما ينصبر عليها
مشكلتي مع زوجي بوضوح
اولا بخله ؛ و عشان هالبخل صارت عنده صفه ثانيه اتكلم عنها لاول مره هي النصب و التحايل
وايد قدر يتملص من الامور المطلوبه منه تحت عذر الظروف و الديون اللي عليه
لدرجه حتى الاصول و المواجيب ما يسوي منها شي
خذاني من بيت اهلي سكيتي بكيتي حتى عشاء بعشر دنانير ما سوى
لانه استغل مرورنا بظرف صعب جدا و بدال ما يعوضني راح اكلها علي حلاااال
مقصر معاي واااايد بالمصرف الخاص فيني و انا مشيت الموضوع علبونه عنده ديون
كل يوم و الثاني يذلني بالكلام اني ما اقدر ظروفه و ان ما يبين بعيني مع اني ما اشتكي من بخله
و كل يوم : انا عطيتج مهر و انا اخذت دين و انا اثثت الشقه و انا ادفع ايجار و انا و انا
المصيبه ان انا كزوجه ظروفي صعبه و معاشي مو لي ؛ و اصلا يا بنات معاشي ضعيف وايد
لو اني مقتدره جان فكيت عمري ؛ بس هذا الواقع
و هو كل يوم له حيله و يتظاهر بالفقر و يسوي تمثيليات
مره ببيع اللابتوب و مره ببيع ساعتي ما باقي الا يقول ببيع هدومي !
حملت بتوأم يهال و الحمد لله ؛ و ما اشوف ذره فرح عنده
اصلا ما كان يبي مني عيال بالاساس و الحجه ايضا الديون و الفقر !
يوم حملت باليهال ترك مصاريف المستشفى علي الى ان فاض الكيل
سويت له هوووشه ووصلتها للاهل صار يدفع 50 بالميه من المصاريف
كبر حمالي و كان واعدني اييب لي خدامه
وصلت خدامتي جان يحطني جدام الامر الواقع يقول دفعي كل شي او اكنسلها
و لان ظروفي صعبه ما دفعت و فعلا راح باع الاقامه و خلاني بحسرتي !
عقبها فاجأني انه متضايق من اجار البيت و يبيني اطلع من بيتي عشان يوفر فلوس لانه فقير
عقب ما زمجرت فيه سكت على مضض
بعدها بأيام فاجأني انه ما يبي يدفع ولا شي لولادتي ! و الحجه ايضا انه فقير و ما عنده
يا بنات كل يوم كذبه و خدعه يديده و غبيه وواضحه و اصلا مكشوفه
مسرحيااات و افلام و كلها تدور على شي واحد
( الفلوس )
الشي الثاني فيه طبع نقل الكلام
و تأليف الكلام
اكثر من 10 مرات اكتشفت و بالدليل انه يغتابني عند اهله
و ياليته يقول الصج
كلها اكاذيب يشوه فيها صورتي
و الله ما امدح بنفسي بس تراني سنعه و طباخه و حلوه و كشخه
هو يروح يقول العكس!
و في افراد من اهله يحرضونه ع البخل و الخطط الفاشله و هو سمعا و طاعه
و كلللله مكشوف و غبي اصلا
غير جذي شكاااك
و يراقبني و العلم عند الله انه حاط تجسس في بيتي و تلفوني
لانه يعرف كل شي اقوله و اسويه و من غباءه ايي يقول لي انتي جذي جذي
ما عنده اي ادنى رغبه انه يفرفش معاي
و لا حتى انه يحلم اننا نسافر سوى و نستانس
الفرح و تغيير الجو عنده مقتصر ع المطاعم و السينما و بسسسس
ما عنده امل و تفاؤل حتى باليهال اللي يايين بالطريج
و لا شفقان يشوفهم ؛ اصلا لما اقول له ان شاء الله هاليهال يبرون فينا
يضحك باستهزاء و يقول اصلا محد فيه خير !!
حاولت اكثر من مره اعطيه افكار عشان نوفر و نسافر او نعتمر
مستعده اصك على عمري و اتعاون بس عشان اقضي معاه ايام حلوه
و هو راااافض لان هالاشياء ما تعني له اصلا ؛ و السعاده بنظره هي الجنس و بس !
احس انه من عالم ثاني غير العالم اللي انا منه
عالم ظلما و روتين و غرائز و ماديات
لا احلام و لا تجديد و لا هبه ريح
تدرون شنو مصبرني على كلللل هالضيييم ؟
صفه وحده عظيييييمه فيه
( العطف و الرحمه )
موجودين فيه بشكللللل ما شاء الله
شي خياااال
بس هل يا ترى بتصمد هالصفه الحلوه جدام كل هالبلاوي؟
جدام هالدم الثقييييل و الطبع الحريمي و البخل ؟؟
تكفووون شوروا على لو ع الخاااص
قبل لا اتخذ قراري
لايمكن تجتمع الرحمه والعطف مع الصفات اللي ذكرتي. ابد
كلامج مو مقنع. او انت تدورين له عذر
صراحه هالرجال ماينعاش معاه ابد
الله يعينج
و الله و انا اختج ان مخي مشوووش جدااا
هو يرحمني احيانا بشغل البيت
يحاتي اذا تعبت
شي جذي
والرسول صلى الله عليه وسلم تعوذ من البخل
والبخل صفه سيئه جدا
ولكن
بعض الحالات تصبر لانها تبي زوج وبس
وبعض الحالات ترفض الاستمرار بالخياه الزوجيه بسبب بخل الزوج
هني انتي صاحبه الراي والقرار
والاعلم بظروفك الخاصه
والله ييسر امورك
فوفو
كلامج عين العقل
هالصفه بلوى و المستقبل معاها زفت بزفت !
اختي كامله الدسم
الله يسلمج و يعافيج
انا ما افكر باللي راح و خلص
انا افكر بالجاي معاه
هذا 24 ساعه افكار و مخططات
النيه مو صافيه ابداااا
يرسم و يتكتك و يراقب
يعني قلبه مو قلب يبي زواج و عايله و اطفال لا
هذا و العلم عند الله ؛ ماخذ الزواج وسيله و جسر لغايه ثانيه تمامااا
انا نوعي صبوره و اتحمل
بس انا متأكده ان الاحلام معاه منتهيه
هذا يبي مره هدفها و حلمها بالحياة الاكل و النوم فقط
و فوق هذا يبيها لعبه يلعب عليها
و مو حاصل له هالشي معاي عشان جذي تعبان مني وايد
اكثر من 200 مشاهده و ما في الا 2 ردوا ؟
بليييييز اللي تشوف موضوعي ترفعه و لو بدعوه اذا ما عندها رد
يقول ماعندي هل هو فعلا ضروفه المادية صعبة ولا يتحجج عشان مايصرف ؟ ياليت تردين بواقعية يعني هذا انتي تقولين انا ظروفي المادية صعبة ومعاشي مايبقى منه شي هذا وانتي مره ماعندج التزامات شوفي انا مو ضدج لا والله بالعكس بس حرام يمكن الرجال مو بخيل لكن عنده قروض واقساط ويبقى من معاشه يدوب اللي يكفي .. يدفع ايجار ؟ يجيب لكم ماجله ؟ متكلف بالاشياء الاساسية ؟ اذا مو مقصر وترا مو ملزوم يعطيج مصرف اذا انتي موظفه بس ملزوم يصرف على بيته باللي يقدر عليه
تقولين الوناسة عنده مطاعم وسينمات بس مايبي يسفرج !! عجبي هل هذا سبب انه الوحدة تتطلق شرايج فيه رياجيل ماعندهم ويتدينون ويقصرون على اهلهم عشان يسافرون مع ربعهم فموضوع السفر مو حجة للطلاق عنده فلوس وسفركم كان بها ماصارت بعد الواحد يقدر يستانس بالديرة طلعت مطاعم وسينمات ووناسة
شوفي انا ماعرف ظروفج ولا اعرف شي عن حياتج الا اللي كتبتيه وبنظري مو مشاكل كبيرة تستحق الوحده تتطلق وهي عندها ٢ عشان هالاسباب بس بقولج شغلة محد كامل كلنا فينا عيوب وفيه شغلات بازواجنا تقهرنا ويمكن نحتر ونكرهم منها بس شنو الحل اصبر واحاول اعدل او اغير اللي اقدر عليه ولا ماهدم بيتي عشان اشياء سخيفة وانتي تقولين يخاف عليج ويرحمج يعني يحبج
اذا دخلكم المادي مايتعدى ال٥٠٠ دينار اثنينكم مع بعض، فاللي قاعد يمر فيه ازمه وبتعدي ليمن يتعدل وضعكم صدقيني.
اللي قاعد يمر فيه حبا فيج بس اقلبت نفسيته، وصدقيني من داخله جدا فرحان عاليهال.. بس اهو كل تفكيره وشغله الشاغل فلوسكم وضعكم المادي هذا اذا كان ضعيف. بهالحاله الانسان لما يمر بهالظروف ينشى نفسه ويعصب ويحاول يمسك ايده ويشتكي على الانسان اللي عايش وياه عند الناس لان العامل النفسي اهني لعب يعني انتي جنج جيتي له وصار غصبا عليه يكون مسئول عليج، زبدة الحجي اهو لو مو متزوج احسن له، ماكان مستعد للزواج ولا قد المسئوليه لو كان معدل وضعه المادي "اذا كلن ضعيف" وبعدين يتزوجج كان من الممكن حياتكم تصير افضل.
نستنتج اهني انه مشكلتكم مادية واهيه مسببتله هالازمه النفسيه الشديده، بس اذا كان وضعكم المادي مقتدرين وتقدرون تسوون اشياء فيها، لا اهني ستوب.
كلميه وشدي عليه على الاقل معاشج لج بروحج وماياخذ منه. يساعدج بامور الزوجيه والولاده، اذكري له الدين امبين انه قليل ايمان. حاولي تذكرين له صفات الرسول مع زوجاته وانت الحياة الزوجيه كل واحد يكمل الثاني وحب وسعادة. الله يعينج. فكري وكلميه قبل الطلاق، لاتتطلقين مني والطريج وتظلمون توام برقبتكم راح تصير. كلميه وشوفي اي حاله انتي فيهم وتصرفي معاه بحكمه وعقل وعاطفه كونه عاطفي.
ااب
|
المشاركة الأصلية كتبت بواسطة أميرة-
 خليني ارد على نقطة نقطة
يقول ماعندي هل هو فعلا ضروفه المادية صعبة ولا يتحجج عشان مايصرف ؟ ياليت تردين بواقعية يعني هذا انتي تقولين انا ظروفي المادية صعبة ومعاشي مايبقى منه شي هذا وانتي مره ماعندج التزامات شوفي انا مو ضدج لا والله بالعكس بس حرام يمكن الرجال مو بخيل لكن عنده قروض واقساط ويبقى من معاشه يدوب اللي يكفي .. يدفع ايجار ؟ يجيب لكم ماجله ؟ متكلف بالاشياء الاساسية ؟ اذا مو مقصر وترا مو ملزوم يعطيج مصرف اذا انتي موظفه بس ملزوم يصرف على بيته باللي يقدر عليه تقولين الوناسة عنده مطاعم وسينمات بس مايبي يسفرج !! عجبي هل هذا سبب انه الوحدة تتطلق شرايج فيه رياجيل ماعندهم ويتدينون ويقصرون على اهلهم عشان يسافرون مع ربعهم فموضوع السفر مو حجة للطلاق عنده فلوس وسفركم كان بها ماصارت بعد الواحد يقدر يستانس بالديرة طلعت مطاعم وسينمات ووناسة شوفي انا ماعرف ظروفج ولا اعرف شي عن حياتج الا اللي كتبتيه وبنظري مو مشاكل كبيرة تستحق الوحده تتطلق وهي عندها 2 عشان هالاسباب بس بقولج شغلة محد كامل كلنا فينا عيوب وفيه شغلات بازواجنا تقهرنا ويمكن نحتر ونكرهم منها بس شنو الحل اصبر واحاول اعدل او اغير اللي اقدر عليه ولا ماهدم بيتي عشان اشياء سخيفة وانتي تقولين يخاف عليج ويرحمج يعني يحبج |
حبيبتي
بالنسبه لظروفه انا ما طلبت منه مليون و لا مليار
طلبات سخيييييفه ما تتعدى 20دينار لو يسويها لي يجبر بخاطري مو سالفه حاجه
قللت المبلغ لين وصلت مطاليبي لاشياء سعرها دينار و دينارين بس ابيه يلبي لي و انطم
و ايضا ماكو تجاوب
بالله هذا فقر و الا نحاسه و بخل ؟
انا شايفه شباب افقر منه بمراااحل و مو كويتيين و عرب و بدون و هنود و معاقين
عمرهم ما يبهدلون حريمهم جذي و يدقرونهم باشياء سخيفه ما تكلف
لو مره يدش البيت معاه لي عطر بنص دينار و الله استانس
المره تحب اللي يتذكرها
هذا كللللش ابددد خااالص
بعدين هو موظف ووظيفته حلووووه ما شاء الله و مرتبه زين
و حتى لو عنده اقساط و ديون اكيد يبقى له شي
انا مابيه يعطيني
لعلمج انا شايله 90 بالميه من مصرفي و ال 10 بالميه عن حلال و حرام ترا
يوم شفته ليل نهار بسمفونيه الدين و الفقر صرت ما اطلب كللللش
الحين انا بنظره مع كل هذا غلطانه و ماني بنت اصل و ما اساند زوجي
معناها شنو ؟ يا مره ابي فلوس
صح و الا لا ؟؟
اذا هو بابسط الخرابيط مو هاين عليه يجبر بخاطري
حتى لو اقدم له الف مليون حل و حل عشان يعرف يدير ميزانيته عدل يرفض كللل الحلول
و يسدها بويهي
الغرقان يتعلق بعود قش صح و الا لا
لما تيي المرع تحط ايدها بيد زوجها و تعطيه حلول و تقول له خل نصك على عمرنا عشان
بعدين نقدر نسافر و نستانس او نطلع بيخت او شاليه
يعني همها من همه
و هو رافض حتى يسمع
هشي معناته شنو ؟
معناته يبي يحدها هي تتكفل بكل شي
ترا المره مو غبيه و بنفس الوقت ما هي سيئه ظن
بس تكرار الاشياء و السوالف يحط ابالها هالشي
و ادري كلنا فينا عيوب
بس هذا شغال اتصالات و حش و تخطيط و كله ينكشف من غباءه
اشلون تبيني احسن الظن فيه و هو يخطط علي اشكره؟
لعلمج
ترا و الله و الله انه حاول يشربكني مع احد افراد اهلي بالكذب
و بعدين كشفته
يتكلم فيني بكلام ما ينقال جدام اللي يسوى و اللي ما يسوى و انا شايلته شيل
هذا النيه عنده مو صافيه
و جزاج الله خير على نصيحتج
انا اكتشفت شي عقب ماتزوجت
الرياجيل يخربون بعضهم مثل ماحنا الحريم نسولف زوجي سوا وحط ولا تنصحين رفيجتج وخواتج هم نفس الحريم بالدواوين وبينهم وبين بعض المره ادقرها خلها تصرف لا تشيل انت كل شي ترا هذا واقع
رفيج زوجي مرته رفيجتي ماسك منصب باحدى الوزارات و شهادته ماستر يحضر للدكتوراه تهاوشت معاه وزعلت عشان مو راضي يجيب لها خدامة يقول انتي موظفه مو لازم كل شي علي !!
بس ارد واقول المعاند ماينفع ترا حال كل الموظفات او خل نقول اغلبهم جذي اذا سافرت نص او ثلاث ارباع السفرة من ظهرها وتصرف على نفسها بس ممشين الامور
مادري شقولج بس بهالوقت قليل جدا
نلقى رجال سنع يعرف عالاقل الواجب
نصيحتي الوحيده لج صلي استخاره
يوم ويومين وثلاث
اليين ماتولدين وربي وحده اعلم بالخير وينه
انا زوجي اول ماتزوجت مايصرف علي
وانا مو موظفه وكانو اهلي يصرفون علي
وكان يجذب ويقول لاهله يعطيني مصرف وهالشي مو صحيح
غير طبعا لما كانو بيرممون شقتنا قعدت عند اهلي شهرين ولا فككر اصلا
ياجر لنا شقه مع الترميم طول حولي 6 شهور مدري اكثر
وكان مايهتم بالي فبطني ولامتله
بس الحمدالله مع السنين تغيرت امور
وجدت امور واندفنت امور ثانيه
انا كنت صابره ع اشيا واجد
بس الحمدالله ع كل حال