|
|
السلام ..
شوروا علي وقولولي شنو احسن؟؟
بالإسبوع العشرين من حملي كنت توني قاعده من النوم وحسيت بعوار نفس عوار الدوره يروح ويجي
رحت الطبيب سمعوا نبض الجنين ..الحمدالله ماكان في شي .. بس يوم سوولي فحص من تحت قالوا ان الرحم مفتوح على الاخر وقالولي ولاده ودخلوني غرفةة الولاده
وانا على السرير انبط الماي .. راحوا يشوفون بالسونار قالولي حجم الياهل صغير 250 جرام يعني بطيحون الياهل ..قلتلهم نطروا عليه ما ابي اطيحه الياهل كان يتحرك واحس في وهذا إلي حاز ابقلبي قلت خلاص نطروه يموت بعدين نزلوه
وكان ينزل علي دم مكتل .. المهم قلتلهم ما ابي انزل الياهل قال خلاص .. بس اذا صار فيج إلتهاب او سخونه راح انزل الياهل
وقبل يومين سويت سونار وصار زون الياهل 360
والحين صارلي 9 ايام وكان ينزل علي ما ادري شنو شي برتقالي لزج .. وبعدين صار ادعم خفيف
بس اليوم الصبح الدكتوره قالت ان بين بالتحليل الدم ان فيني إلتهاب وبيطيحونه .. بس طبعا ما زلت رافضه الموضوع الياهل حركته واضحه يونس ونبض قلبه زين ما ابي اطيحه ابيه
شوروا علي شسوي ؟؟؟؟
والله مو قادره استوعب فكرة اني اطيح الياهل ..اناقلت بنطر 3 اسابع ما ابي انزله بس اهم الله يهداهم لوعوا جبدي كل يوم يخرعون فيني شكلي بسخن من التخرع مو من الالتهاب
انا سمعت عن وحده انبط ماي الجنين عندها وهي بالإسبوع 18 وبعد شهر وشوي تكون مره ثانيه
والدكتوره تقولي اذا صار إلتهاب ماراح اييب عيال وتقولي راح اييب الياهل امقطع مع اني شفته بالسونار كان كامل
شووروا علي شسوي ؟؟
انشالله البنات مايقصرون ويفيدونج ما ادري شقولج
ربي يحفظه لج ووتفرحين فيه ان شاء الله
ما عندي فكره والله
بس ترا توه صغير ما راح يمديه
في دكتور اسمه ناسيته بس شي قطب
انصحج فيه شاااااطر
حبيبتي مثل ماقالوا الدكاترة اذا طولتي احتمال اصير تسمم صلي استخارة وادعي ربج ان هالياهل اذا له خير فيج اخليه واذا له مضرة ربج له حكمة فيه ويشفع لج انتي وريلج باجرر
والله اسهل عليج
انا نفسج انبط ماى الجاهل عندى بالاسبوع ال19 وجم يوم
وسبحان الله
ولدت وكانو توام وربي ماكتبهم لى
واصلا عمرهم ماراح يعيشون لانهم صغار وسلمت امرى لرب العالمين
واهم شي صحتج والجاهل يتعوض
عسى ربي يعوضج
وشفعه احسن من نفعه
اتمنى انى اسمع عنج اخبار زينه
بس الماى هو اللى يحمى الجاهل وانتى الرحم مفتوح يعنى ولاده
شلون ماولدتى؟؟
انا انبط الماى والرحم مسكر وجاتنى ولاده وانفتح عندى من الطلق
وعسى مايصير فيج اللى صار فينى
واستخيري
بس اهم شي انتى