انا وزوجي والمطاعم والغييرة ساعدووووني

السلام عليكم

عندي مشكلة وحاسة نفسي كلش نفسيتي بالحضيض يا بنات .. يعني ما تخيلت انه الزواج بيصير

حكره وضيقة خلق ومشاكل .

مشكلتي بريلي من ملجنا واحنا بمشكلة ورى مشكلة

لدرجة اني احترت معاه . هذا الله يسلمكم ريلي شكاك وغيوووووور غيرة مو طبيعية يعني ما اطلع معاه

الا ونرجع متهاوشين ومتزاعلين ولو اظل ابجي يومين ولا يهمه . يحاسبني على كل نظرة ولو يلتفت علي ريال

ولا يطالعني بالغلللللط ……….. تقوم الدنيا وما تقعد لدرجة اني كرهت الطلعة معاه وعشان ارضيه لبست عباية

وتنقبت عقب الزواح بس عشان افتك من هالسالفة ومع هالشي احسه قاعد على اعصابه جنه وده يتهاوش مع اي ريال

يكون موجود بالمطعم … يعني نكـد

لما طحنا على مطعم شهريار اللي بشرق بو كبينه وطحنا فيه طيح لين طلع من جبودنا بس قلت ميخالف اشتري راحتي

ذاك اليوم الحزين واحنا رايحين نحط السلطة من البوفيه ولا نسمع ريال كان واقف مع عياله ويصرخ على الجرسون

اثاري لاقي زهيوي من الزهيويات الصغار بالسلطة انا لاعت جبدي وقامت تقلب وشلنا شلايلنا وقبينا من المطعم

والحين محبوسة بين اربع اطوف اذا طلعت رحت بيت اهلي وبس تخيلوا .. لدرجة اني قعد افكر بالطلاق

انا مو متعوده على الحكره يا بنات ساعدووووووني شسوي …؟؟؟؟؟؟؟

ابي مكان آخذ ر احتي فيه معاه .. واهوا ما يرضى بسينما ولا التمشي بالسوقه ….

[U]ابي مطعم نظيييييييف فيه كبينه وما فيه زحمة[/U] اذا تعرفون انا مالي خبرة بالمطاعم بليز دلوني أماكن مطاعم

فيها كباين وما فيها زحمة جان تعرفون ويكون نظيييييييييف تعقدت من سالفة الزهيوي .. وتعقدت من ريلي اكثر

آسفة بنات انه تكون اول مشاركة لي بهالشكل
مــــــــالي غيركم ساااااعدوني والله يجازيكم خير ويرزكم الرزق الحسن

المعذبة : تهاني

الله يعينج حبيبتي بينيله ان هالتصرفات تزعجج وتفاهمو علي هالشغله مومعقوله كل طلعه هواش لازم يخفف هالشي علشان ماياثر علي علاقتكم والله يهديه يارب

في مطعم قيصر اللي بالسالميه حلو وفي كباين

حبيبتى صلى على النبى السالفه ماتوصل للطلاق علشان تمشيه ومطاعم

واذا انتى مضاايقه علشان غيرته هذا من حبه لج

حاولى يا قلبى اتسااااايرينه لين احس بالامان وياج ويعطيج الثقه اهم جذى كلهم بالبدايه

انا ريلى كان مستحييييييييييييييل اخلينى اطلع مع احد غيره لا سوق ولا جمعيه ولا اى مكان

لين عرف طبعى وعرف انى ماعندى خرابيط وعطيته الثقه قام اخلينى اروح مع اهلى او اهله

واذا على المطاعم انا المطاعم اللى احبها وفيها كباين

قيصر + كريستال بالاس + الفائز + مغل محل

الله يعينج

خلاص حبوبه هذا ريلج وتصبري
عندج مطعم قيصر الفحيحيل احب اروحله هادي اكثر من السالميه
واروح ساشي اللي ورى الشيراتون عجيب وفي كباين

الله يهديه ان شاء الله ..

ذكري الله لا تفكرين بالطلاق !!!!!! اذا توج اب بدايه حياتج سوالف الغيره من الزوج شي طبيعي! ومع الوقت بتخف لين عاد يهمل لوووول
بس اذا كانت غيرته قويه حيل حاولي تتكلمين معاه! ان ماله داعي يخرب طلعتكم عشان ناس ماتدري عنكم كل واحد اب حاله! بعد ليش الشك والغيره! والله يعينج حبيبتي ..

المطاعم ياطويله العمر في قيصر على قولت اختي جوك .. اذا تحبين اكل صيني اكو نودلز بالسالميه هم كباين!!
مطعم مغل محل ( خصوصية العائلات في فرع حولي ) … فريج صويلح بالسالميه في كباين بعد!! ومطعم الفايز (نفس طقه قيصر)..

يا حبيبتي انتي توج بأول الزواج ، و يبيلج وقت على ما تتعودين على طبايع ريلج و تعودينه على طبايعج ، و بعدين ريلج أكيد متعقد أو شايف حوالينه شوفات خلته يشك ، أو انه يبي يختبرج بأول الزواج و وايد سمعت عن رياييل جذي بس بعدين يطخون و ينسون ، و بالنسبه للمطاعم اللي فيها كباين آنا أعرف مطعم قيصر و مطعم مغل محل هذيلي فيهم كباين ، و الله يهدي ريلج و يسخره لج ان شاء الله .

وييييييييييييييع زيوي
الله يعينج قلبي هذا ريلج مريض شكاك عباله ماكو حرمة بالدنيا غيرج فهميه انا الحين بنات يطلعون بروحهم ويردون وما فيهمشي هالدوب انا معاك وريال وعباه ونقاب بعد شنو تبي اكثر من جذي ولا تفسر كل نظرة قصدها مو شريف يعني مو معقولة انة الناسو تمشي وعينها بالارض حشا نعام مو ناس
والله يا قلبي على المطاعم انا من النوع الي اقعد عادي بدون كباين بس اذكر مرة ليتل سيزرز بحولي وانتوريال الهندي اكلهم شي ولذيذ وانشالله اكتب لج بعد

الله يهديه ان شاء الله ..

تسلميييييييين يا قلبي ما قصرتي والله كلمته وقعدت معاه وسويت كل شي يرضيه
ماكو فايده حتى قلتله تراني مو ملكة جمال شنو ما في غيري يطالعونها الرياييل

يقولي انا طبعي جذي ويقلب السالفة علي

مطعم قيصر حلو ؟

والله ادري السالفة تشوفينها ما تستاهل بس قعد اتخيل شكثر بيظل على هالحالة

وانا من قبل كنت اطلع واسوق وعندي سيارة فجأة حبسة مرة وحده وحتى الطلعه معاه

نكد صارت من هالسوالف ..

مشكورررررررررررة يا قلبي تسلمييين ما قصرتي والله
وربي يرزقج بالذرية الصالحة .. وهو على كل شيء قدير

السلام عليكم شلونج اختي دهن العود بغيت اسال من مطعم كريستال بالاس وين مكانة بالضبط ومشكوووووووووووووووووووووورة

الله كريم بعد عمري مشكورررة .. انشالله اروحلهم
شكلي بسوي اشتراك مع مطاعم الكباين

انشالله حبيبتي مشكوووورة وعسى الله لايحرمني منكم

تبين صج ما توقعت انه غيوور جذي ..
بس الله كريم انشالله مثل ما تقولين يخف بعدين

مطعم الفايز وين صاير حبيبتي .. ؟ وشلون اكله ؟

تسلميين بعد قلبي ..
اللهم آمييييييييييييين .. حل ارتاح شوي

والله نفس ريلي بالملي والسانتي والمترررررر

مايفرق عن ريلي بولااااااااااا شي جنج تقولين فصه حيااااتي

المهم سمعي

تكلمي معاه مره ومرتين وثلاث

انا سويت جذي لما فجج شوي وطخ

كله اقوله حبيبي مالنا شغل بالناس

وساعات ابجي وارد البيت واقولها يعني ليش الناس يستانسون وانا لأ

وشهريار هذا خووو حفظنا بس عقب سالفتج انسى لوووول

المهم

قام اهو يتضايق بعد من كثر النجره وشوي شوي قام يوديني اماكن ثانيه

بس اسمحيلي انتي بعد عطيتيه مجال يعني ما لبستي نقاب وعبايه رغبه منج والا تدين

بس عشان ترضينه عشان جذي انتي مقموته الحين

يعني انتي الي شجعتيه على الغيره الزايده

بدال لا تسحبينه اهو الي سحبج

انا ما اقولج لا تسمعين الكلام بس اذا بالعقل مو بالغيره الزايده

الحين الحمدالله انا مو مثل اول لاني عودته ما استسلمت مثلج

موفقه