انا وزوجي اقروا قصتي والله المستعان !!

صار لي متزوجه سنه وكم شهر تقريبا طبعا ساكنين فى بيت زوجي مع اهله بداية زواجي صارت لي مشاكل مع اخت زوجى ومرت حماي زوجى يدرى بخطاهم لاني ما اتكلم بالمره والكل دري انهم غلطانين طلبت من زوجي نطلع بره البيت وافق طلعنا من البيت حملت ولله الحمد على هذى النعمه اهني بدت المشكله 000
انا صاحبت خيروالفضل لله عندي كم محل باسمي زوجي يدري بالسالفه هذى لاحظت ان زوجي شال ايده من البيت يبيني انا اللى اصرف بس بطريقه ذربه حتى تجهيز البيبي اروح معاه بس انا ادفع مع ان اول مولود له وياي على كبر زوجى بالاربعين مو صغير مره قلت له باسلوب لبق انت اشترى هالمره هذى حسيت انه زعل وتضايق وقال انا معاشي كلا يروح للفيزا !!! ورديت اصرف كأني انا الريال على ايدام البيت معاش الخدامه اصرف على نفسي على تجهيز البيبي واهو دايم والله المستعان عنده ظروف صعبه مع اني مو شايفه هالظروف اللي يقول عنها واللي حسسني بالحزن اكثر انه ملتزم ومربي لحيه !! وصار له كم يوم هاب فى الكمبيوتر على طول مجابله احسن انه ماشي غلط لانه اذا شافنى ارتبك دخلت امس وراه عشان اشوف الموقع اللى يدخله والا صور بنات تعارف خفتت اظلمه قلت يمكن داخل الموقع بالغلط حسسني بالحزن والله ويرد يسألني انتى شنو فيج مو طبيعيه !!! لانه حاس اني شاكه فيه وصار ينظف الكمبيوتر قبل ما يقوم ما يخلي موقع واحد من اللى دخل عليهم ما ادري شنو يبيني اقوله فوق كل اللي اسوي هذي اخرتها ابي رايكم شنو ؟؟؟

لاحبيبتى ديرى بالج موعشان عندج جم فلس خلاص ……لاتعطينه وجه لايطيح فيج وانتى الى تاكلينهااا …….والله يهديه

لا حول ولا قوة الا بالله العلي العظيم

تمسكي برب العالمين أكثر وأكثر واشكي حزنج لرب خلقج وماراح ينساج….

انا برايي الشخصي – انج تحجزين مطعم او شاليه تطلعون من جو البيت – وبهالطلعه تصارحينه باللي فقلبج وقوليلي ان انتو فبداية حياتكم وانج حريصه على انج تبنين بيتج على أسس صحيحه – قوليله انج ستره وغطاه واذا شفتيه متضايق ماديا أكيد بتساعدينه بس بالظروف العادية لازم اهو يشيل البيت

وصارحيه بموضوع الكمبيوتر – قوليله اذا انا مقصرة معاك بسي قوللي وانا أعدل من نفسي ومستعده أتغير عشانك بس لا تضيع التزامك وديانتك بخرابيط

وعسى ربي يا بنت الناس يسمح دربج ويهدي سرج.

أول شي حبيبتي من طيب أصلج أنج هاديه وساكته عن الموضوع دامج تقولين ماتشوفين عنده ظروف تمنعه ديري بالج باجر مصاريف مدرسة الولد بتصير عليج وبتيبين غيره انشالله وبيظل كل شي على ما عليه ، اذا تبين شي دقي عليه فالدوام وقولي له وانت ياي جيبيلي هالغرض او مر عالجمعيبه قبل لاتجي البيت ،وأغراض البيبي بعد ،والله يهديه انشالله

الله يصبرك ويهديلك زوجك

شنو الحل بنظرج اتهاوش معاه او ما اشتري اي شي انطر متى تنزل رحمته علي اهو ملتزم ويخاف ربه والله ياختى همي كبير والشكوى لله 0

السلام ياشين الريال اذا اعتمد على الحرمة مافي احلى من الصراحة قعدي معاة وقولليلة الي بخاطرك كلة من ناحية الصرف ومن ناحية النت وحولي بااسلوب تكسبينة وربي يسخرة للك

على قولة يارتنا هي حرمه كبيره تقول الريال مثل الحنه من اول مره انتي تحطينها يايطلع شكلها وتظل دوم ياتخرب ايديج

اللي تقصده أنه الحرمه هي تعود الريال على طبع حياتهم أنتي على نياتج بتساعدين لكن ياحبيبتي لازم تقعدين بينج وبين نفسج وتفكرين عدل وتخططين وترسمين لحياتج مره ثانيه وتقولين لريلج بأسلوب هادي مصاريف البيت والبيبي بيني وبينك نص بالنص

اختي لا تعودينه انج انتي تصرفين لا تشترين شي وخليه ينجبر اهو يدفع

كلامج حلو والله بس تدرين اذا القلب مال خلاص مال وانا حسيت من فتره ان زوجى قلبه ما صار يمي من حملت انا بالشهر الثامن ماني فاضيه اتعدل والبس له حيل تعبانه واهو اصلا ما يحسسني باى اهتمام خلاني اموت كلا يقول باول الاشهر انا عاذرج عشان حامل لما موت الاحساس فينى كنت اقوله انا ابيك مافيني شي يرفض بشده غصب يبيني اقوله صح كلامك انا تعبانه ليما انتصر صرت كلا نايمه واقول انا تعبانه ساعات اقول خليه يفرح ويستانس اهو مدين يعرف ربه عدل والله المستعان

ما عليج زود ماعنده ظروف بس حط فى باله ان زوجته صاحبت خير والريال ذكي قال خل تصرف مو من معاشاها فلوس زايده عندها انا اعرف كل شي بس الحل وين بالنسبه للخوات اللى يقولون صارحيه مجرد تفتحين موضوع يقولج انتى تقصدين اني مقصر معاج انتى شايفه ظروفي وانتى الحمدلله ما عليج قاصر انا ادرى ان زوجى حاط عينه على اللى عندي

أكبر غلط ان المرة تيأس من زوجها
وبعدين يا عمري انتي توكم فبداية حياتكم … ان بسألج جم فرق العمر بينكم ؟

حتى لو أصر ان انتي تعبانه – في ملابس حوامل بسيطه وتهبل لبسي وتعدلي وحطي ميكب خفيف كشخي وقعديه ولا تملين ولا تهملين وكسري الحاجز اللي موجود

صدقيني انتي اللي تعودينه عالاسلوب والحياة اللي تبينها بسسسسسسسسسسسس لا تملين ولا تيأسين

امممم الله يعينج دامه جذي يختي لاتقولين له عن رزقج دايم مسكي ايدج شوي وقوليله ظروف الشغل موشي والسوق واقف وهالأمور وطريقه الماجله قلت لج دقي عليه بالدوام وقولي له ابي هالأشياء ، وديري بالج عليه من النت لأنه بنات ابليس وايد ولما يشبك خلي الحب يطيح عليج فجأة وروحي عنده

ديري بالج حبيبتي لاتصيرين انتي الريال
وانتي اللي تدفعين
الريال دايم اهو اللي ملزوم يتكفل بالبيت
وبالاطفال من اغراض وملبس واحتياجات
لايقص عليج ويقولج اضروف وماضروف
واذا صج عنده ضروف خليه يقولج شنو ضروفه
والله يهديه لج

الله يصبرك ويهديلك زوجك