انا والدكتور منذر العجمي

السلام عليكم بنات

شلونكم وشخباركم

اليوم قبل ساعتين بالضبط كان عندي موعد مع الدكتور منذر العجمي وكنت مخططه قبل لا اروح له اسوي تفخ خدود وتفخ شفايف وغمازات وابر نضاره يعني ماخليت شي ما ابيه هههههههههههههه <<< حدج سكراب

والله ورحت للدكتور قلت ابي جذي وجذي وجذي

قالي اول شي نبدي بالخدود والشفايف وفعلا سواهم لي

قلت له والغمازات قال عندج وحده ماشاء الله يعني مايحتاج تسوين وحده ثانيه خليج جذي اذرب لج << حسيت من كلامه انه ماتهمه الماده لو غيره مايصدق اقوله يقول يالله

وقلت له وابر النضاره قالي لا خليهم بعد عشر ايام مو الحين خلي المواد هذي تتكيف مع جسمج وبعدين نسوي النضاره

وقالي ممنوع تغسلين وجهك بالماي الحار لازم بارد

وممنوع تشربين شي حار لازم بارد

ومن يوم طقيتج الابر لاتنامين خليج قاعده لمده ساعتين علشان الماده تاخذ شكلها على ويهج

بس بصراحه شكلي طلع وااااااااااااااااااااااااااااااااااو

وقبل ما امشي قلت دكتور ماعندكم شي مني مناك توكم جايبينه هههههههههههههههه مات من الضحك الدكتور علي

قالي شكلك صرتي من ربع مدمنات التجميل ههههههههههههههههههههههههه

والله من الفرحه الحمد لله استانست لمن شفت روحي واااااااااااو الحمد لله

ايه وفي شي بعد نسيت اقوله لكم

سوالي خطوط اللي عند الفم بوتكس وعلى الجبهه بوتكس بعد مع انهم ماكانوا على بالي بس اهو شاف اني محتاجهم وحطهم لي

كل هذا مع فتح الملف طلع علي 280 دينار

بنات عفيه لا تسألوني جم سانتي انا قلت له ابي فوق الطبيعي بدرجه مابي اوفر قالي اوك

بس من الفرحه والله ما سألته جم سانتي حطيت

بالعافية حبيبتي بس بسالج وين عيادته وفتح الملف بروحه جم
واهو يقول الي يناسبج اتحسين فاهم ويسوي شي للجفون
ولازم لما اروح يكون عندي هالمبلغ والا شنو
ومتى يروح مفعول هالابر
ادري دوختج وشكرا

عليج بألف عافية بصراحه بلاششششششششششش انا سويت عند عماد النجادة بنفس المبلغ بالضبط من شهر ووجهي نفس الشي انتفخ اول اسبوع بس والحين اقل من عادي يفشل حدههههههههههههههههههه

حمد الله عالسلامه اختي ومشكورة على مشاركتج الحلوة الي صراحه استفدت منها
انشا الله تكونين مبسوطة على طول ماعليج امر شكلي تحمست لهالدكتور! اذا ممكن ابي رقم تلفونه.
الله يوفقج حبيبتي_03ba:

الله يعافيج حياتي عيادته الله يسلمج في بنيدر القار يم فندق المريديان اللي على شارع الخليج
وفتح الملف عنده 25 د.ك
ايه اهو يقولي اللي يناسبني والدليل ماسوى لي الغمازات وحط بدالهم البوتكس مع انه ماكان في بالي بوتكس بس احس صار شكلي احلي فيهم ولمن سوى لجبهي بوتكس حسيت حواجيبي انشدوا معاه يعني طقيت عصورين بحجر
حبيبتي انا على المبلغ بصراحه شفت ردود البنات هني بالمنتدى وماقصروا معاي وحسبت احسابي وخذيت المبلغ اللي متوقعه يطلبه
ومفعول الابر يروح من 8 شهور الى 9 شهور

وأي شي تبين تسأليني عنه لا يردج الا لسانج اختي

حياج الله ومشكوره على مرورج

مشكوره حبيبتي على مرورج

وياقلبي انا والله مارحت له ولا سلمت نفسي له الا لمن قعدت اقرى عنه وعن شغله من بنات المنتدى والله قعدت ادور واسأل عنه لمده شهر وربي ماأبالغ شسوي هذا وجه مو لعبه

والله يعوضج عن فلوسج اللي راحت حرام عليهم مايحسون هذيل ياخذون فلوس الناس ولا يفيدونهم بشي

الله يكون بعونج حياتي

هلا وغلا

حياج الله بموضوعي نورتي صفحتي

والله يسلمج يارب

وماقصرتي على اسلوبج الراقي يالغاليه

وررقم الدكتور منذر هو :::22511522

وعليكم السلام ورحمة الله وبركاته,,,

وربي يتمم عليج حبوبه,,,,,,,,بس بسألج مايفشون بعدها بأسبوع او اسبوعين,,,,,,,,<<<< لاني متعقده تفخت خدودي وفشوا بأسبوع واحد,,,,,,,,

هلا وغلا حياتي

انا الله يسلمج مسويتهم صارلي 3 ساعات بس ولكن ارد واقول انا ماسويت شي بوجهي الا وانا متأكده منه الحمد لله
كنت قبل لا اسويهم مسويه سيرج بالمنتدى عنه وكله اسال البنات عن شغله بس بصراااحه طلع شااطر والله ماشاء الله عليه

وهو قالي يقعدون من 8 شهور الى 9 شهور مثل كلام بنات المنتدى

توكلي على الله وماكو الا العافيه

مدلله علي سلامتج حبيبتي

بسألج عن اسم المادة للتفخ لاني استغربت من المبلغ 280 حيييل شويا يعني مسوية تفخ ونظارة مع بوتكس مابي اخرعج بس اخاف حاطلج

مواد بوطقة الي اعرفة انة المادة الزينة السانتي الواحد ب 120 دينار وانتي علي كلامج مسوية فوق الطبيعي يعني حطلج مو اقل من 3 سانتي بكل

خد .
سوررري علي كثرت الاسألة وناطرة ردج .

هلا وغلا برشيديه نورتي موضوعي
اسم الماده احماض الفواكه مع فيتامينات
بس انا للحين ماسويت نضاره قالي بعد عشر ايام اسويلج

وثانيا ياقلبي ماحطلي شي بوطقه اهو بنفسه قالي انا هالماده هذي حاطها لهلي بعد يعني طبيعيه ولا فيها اضرار

والحمد لله لمن خلصت منه احس خدودي فيها لمعه تحسين فيها حياه

بصراحه شغله عجييب

الحمدلله على سلامتج
وانشالله تتهنين فيهم يا رب

تسليمن حبيبتي

والله يسلمج

مشكوره على مرورج يالغاليه

اولا مبروك على نيو لوك اليديد

ومنذر العجمي شاطر والكل يمدحه وانا ناويه اروح عنده بعد مااخلص تقشير لاني مبلشه كورس تقشير عند عيسى بشور
وموفقه انشالله

الله يبارك فيج ياقلبي

وان شاء الله نشوف موضوعج عنه وعن الدكتور عيسى بشور

وياارب تطلعين احلى مما كنتي تتخيلين