انا والتوحد

السلام عليكم خواتي .. مشكلتي ولدي عمره ثلاث سنين واربع شهور شقولكم حالتي تصعب علا الكافر نفسيتي اندمرت باليوم ابجي اربع مرات تعبت حتى القولون ملازمني علا طول ولدي ولدته بالثامن طبيعي حبى ومشى طبيعي نفس اخته بس صار سنتين مايتكلم مايرد اذا ناديته الا قليل الناس لاحظو انه مايرد وديته برا قالو مافيه شي وديته الاردن دكتور المومني قال فيه تسمم بالزئبق واارصاص والزرنيخ بس حسيته نصاب وخفت اعالج ولدي لانه ماينصحون بسحب المعادن خرعوني يقولون يسبب تليف بالكبد وديته دكتوره اعصاب قالت عنده صفات مو توحد يبتله معالج نفسي قالي صفات والصفات تروح ويتشافى تماما مع جلسات تعديل السلوك عطاه جلسات لمدة شهرين لقيت تحسن بسيط وبحكم شغل زوجي برا ماكملت دخلت حضانه والمدرسات لاحظو مايرد ولايتكلم وعنيد عاد وديته مركز توحد هناك قالو مو توحد بس صفات والمشكله البلد الي احنا فيه مافيه تعديل سلوك والله محتاره منو اصدق وشسوي. تعبت المشكله ان ولدي ذكي ويعرف كل شي بس مايتكلم ويطنش تكفون ردو علي قولولي شسوي مع ان احساسي ان فيه توحد

انا تخصصي تربيه خاصه

وصفات التوحد النمطيه يعني يحب كل شي على ماتعود عليه مايحب التغير

وتجي لهم نوبات البكي او الضحك بدون سبب

والنشاط الزائد

هذي من ابرز صفاتهم.

فيه من هالصفات ؟

فيه توحد وفيه طيف التوحد وطيف التوحد يعني فيه بعض من صفات التوحد مو كلها

انا انصحك توديينه مراكز التوحد يسوون له اختبارات

او وديه حق معلمه شاطره في مدارس التوحد وتشوف لك

والله يشفي ولدك ياااارب

شوفيه كاتب تغريده :تعلمت الصبر حينما تاكدت ان لا فائده من عدم الصبر

ولا تزعلين ليش الله ما عطاج ولد سليم حالج حال اغلب الناس
شوفي في ناس يتولدون طبيعين وبعده يتعرضون لحادث ويصيرون متخلفين ولا معاقين
احمدي ان الله معطيج خير وتقدرين تراكضين له
غيرج حتى فوق هم مرض عياله يشيل هم المصاريف
بالله هذيلا وين يروحون وايش يسون بحياتهم

وحياج الله بين خواتج امهات التحدي والصبر

أول شي لابد تكونين مؤمنة بقضاءالله وقدره مهما كانت النتايج

وكل أمورج طيبة بإذن الله .

وكل داء له دواء ومافي وليدج إلا العافية بس صبر ومتابعة وتشخيص صح وعلاج

اللي عليج:

دكتور متخصص بالديرة اللي انتي فيها.

مركز لتعديل السلوك معتمد

وتفضلي روابط تفيدج بإذن الله:

الأستاذ أحمد البرماوي يرد على استفساراتكم

هل لديكم طفل يعاني من التوحد- خلونا نتجمع

خاص بأطفال التوحد