.::::.انا في بحرهم عذبوني و هذي قصه ولادتـــي بالغالي دودي .::::.

اول شي كنت بالاسبوع 37 من التاسع طبعا و انا من السابع كان معاي طلوق و نمت بالصباح 10 ايام و خذيت ابره اكتمال الرئه و ابره توقف الطلق .
تاريخ 8-3 رحت موعدي بالصباح قالي الدكتور سوري تخطيط و تعالي عشان اذا في شي بدخلج ولاده بس لا تنحاشين انا قلت لا ماانحاش افا عليك بسوي و ارجع و الله وكيلكم طلعت من الباب مني جان اطيررررررر السياره و اهد عنده بطاقتي المدنيه هههههههههه بس مو الاصليه لا نسخه و كرت مراجعاتي و سوناري و انحاش عنه اهو قالي لا تنحاشين لان من قبلها عندي موعد حق امراض الدم لان معاي فقر دم و دخلت ع الدكتورة طليت بويها و هم انحشت و قالت حق دكتوري في برهم يات و ما رجعت هههههههه و انا انحشت اصلا لان انا ما اراجع عندهم بس ليش ان نمت 10 ايام فيبي يتابع حالتي و انااصلا كنت ابي اولد بالشفا و اراجع عند ليلى اشكناني ..

المهم تميت اراجع مرتين عند دكتورتي قبل ولادتي و كلا تقولي رحمج مسكر مسكر اخر شي تاريخ 23 ريلي وداني امشي ع البحر و كان ناوي علي نيه قشره والله شفتو مطعم عبدالوهاب ؟ مشاني ع تراب البحر من مطعم عبدالوهاب لي الابراج رايح راد و التراب غزيز و لازم امشي بسرعه ع قولته في رياييل و يزفني بعد ههههههههههه و انا اخر شي قمت ابجي اقوله تكفى بقعد يقولي مافي و صج صج تعبت لان شوفوا المسافه وايد بعيده انهد حيلي ..

و احنا بالسياره قالي احين بنرجع البيت و روحي مع اختي سيتي سنتر و امشي و انا لااااااااا مابي عبايتي وسخه يقول عادي انزين تعبانه عادي انزين بنام لا مافي انزين بتسبح لا مو الا يعني ما في مفر
و رجعت و رحت ستي و مشيت و كل شوي يدق انتي تمشين او قاعده و انا والله امشي والله
المهم رجعت و تعشيت فالبيت و انا حدي متكسسسسره ريلي نام و انا شبكت شوي جان اروح انام و اتقلب يمين يسار و كل شوي قايمه للحمام تكرمون بس معاي بول كلا محصورة تكرمون .. المهم الساعه 3 الفير حسيت بشد فبطني و انا مو عارفه انام يعني شعور اول مرة اس فيه و ترى نسيت اقولكم كنت شاربه خروع قبل لا انام بس ما شوا معاي اسهال
و كل شوي اقول لا مامنه فايده و لا بيصي شي حدي متهاونه فيه ..

صارت 4 و لازم اقعد ريلي جان احقر الفون و اسوي 4 و 10 و حقرته و تميت ع هالحال لي 4 و 30 توني بقوم و لا بـــــــــــــط ماي نزل علي حتى انا قلت فقلبي وواي فشله ليش بلت ع نفسي ههههههههههههه جان اقول حق ريلي قوووووووم قوووووووووووووووووووم بولد ههههههههههههههه و انا اصلا ما فيني عوار جان يفز يشب الليت عباله اقص عليه لان كل مرة اخرعه عشان يقعد من النوم ..

جان يقولي وين بتروحين احين ؟ اقوله بولد شفيك ؟ و لا يقول انزين شلون اسوي لي قهوة جان اقوله انا بقوم اسوي لك سويت له و ما شربها يقول لا تتركين تنزلين الماي عباله ع كيفي هههه جان يطلع فيني ع الساعه 5 الفير و يشخط بالسياره و اروح الشفا المهم ودوني الطوارئ و لا تقول دكتورة زينات كحي بشوف صج ماي كحيت و لا تقول لا صج مبين و فحصت و لا انا بس سانتي دقت ع دكتورتي ولا ما ترد دقوا ع بيتهم قالوا عندها ولاده المهم بالاخيير تمت تباشر حالتي بالفون ..

سويت اجراءات الدخول و قالولي 640 حسابج و 100 ترجع لج لو ما احتجتي شي وقت الولاد من ضمن الفلوس 250 حق دكتورتج و خذيت غرفه خاصه عاديه لان ما بسوي استقبال و اهلي فالبحرين المهم صعدت الجناح لبسوني لبس المينن و لا طلع نازل علي دم .. طولي تحميله و فحصو و لا بعده سانتي و حطو الثانيه ساعه 3 الظهر و بعدها سانتي يات دكتوره وسعتني سانتي و نص قلت لها سوي 2 قالت لا ما راح تقدرين المهم بدا فيني عوار بس خفييف و ليحين سانتي و نص
ما قدرت اتحمل عوار ابي انام عطوني ابره مسكن بس ما سوت شي حاولت انام بس يمي غرفه امبراطوري الله يهداها قاعدين يصرخون ازعجوني دعيت عليهم هههههههههههههههههههه بس لان تعبانه و مفروض يقدرون المهم ساع 11 يات دكتورتي و ليحين بس سانتي و حطت 3 تحميله و قالت نامي ما يبدي مفعولها الا بعد جم ساعه يختي اهي طلعت مني و انا العوا يزيد يزيد لما الساعه 12 و نص بس قمت اصرررررررررررررررررررررررررررررررررررررررررررخ قلبت المستشفى و كل شوي اروح تكرمون الحمام عبالي فيني خروج بس هذا البيبي اشوا ما طاح بالافرنجي اخر شي طلعت و السستر تقول نامي بحط تخطيط اقولها والله ما اقدر والله اخر شي نمت غصب و حطته و لا شكت بشي و نادت 3 معاها و راحت تركض تتصل للدكتورة و لا اثاري قلب ولدي تعب ( بعد عمري والله ) و يحطون لي اكسجين انا ما ادري هذا حق شنو و احذفه و اقط التخطيط و اصــــــــــــــــــرخ و اقول حق خالتي دقي ع ريلي خل ايي يزفهم بنزل حق الكمااااااااااااام اقول تقول ذكري الله اقولها سكتي عني مالج شغل انتي ههههههههههههههه و كنت كل شوي اقول حق خالتي همزي ظهري و تهمز و كل ما يت بتقوم اصرخ عليها ههههه ..

و يات سستر و يابو ويل جير و حطوني و ركض بالممر و الناس تجوفني فشله و كشتي قايمه اقمار صناعيه هههههههههه ستلايت صايره و دخلوني غرفه الولاده انا من شفت السرير مادري شلون قمت اركض و انسدحت ههههههههههه و الدكتور تقول في عوار قوي اقول لا اتغشمر معاج و اهي تسدحني قالت تبين ابره ظهر قلت لا

سدحوني و عطوني كمام و اسمع صوتهم بعيد و جسمي قاعد ينمل شعور بايخ بس يريح و كمامهم قوي حـــــــــــــده خففوا الكمام قالت لي شدي شديت مرة وحده و سيت بابره غزتي بالمنطقه الحساسه و رفعوا ريولي و بس انا في خبر كان و الدكتورة اول ما فحصتني صرخت مــــــــــــاشاء الله رحمي الحمدلله انفتح 8 سم

و قعدت ع الساعه 5 اجيس بطني و الغرفه فاااااااااااضيه اقول واي ليش هدوني بروحي ؟ انا ولدت ؟ لا ما ولدت و يت السستر ضغطت ع بطني و حطتني بسرير ثاني قلت انا ولدت ؟ قالت يس وين البيبي قلت فوق قت ولد صح قالت اي قلت يشبهني قالت اي ( تجذب ترا ) خخخ قلت ولد صح قالت اي قلت ( اتز بوي ؟ ) حقرتني هههههههههههههههههههه

و انا طالعه سمعت وحدت تصرخ قلت حرام عطوها بنج حقروني هههههههه و رت غرفتي قلت لهم وين ولدي قالو تحت
اهو فيه شي ؟ قالو لا قلت تجذبون صح لان ما شفته اهو مات ؟ قالت خالتي لا بسم الله عليه

ما ارتحت الا عقب ما غسلوني من تحت و يت دكتورتي تسال عني و تسلم علي فديتها و نزلت اشوفه و لا اهو بالشيشه و اكسجين و واير بحلجه و حده تعبان قلبي عووووووووووووووووورني اثاري تعب من الطلق الصناعي لان حطولي درب بعد و تميت لكم سهرانه تحت عنده و الخياط ذابحني بس قاعده غصب و ابجي .. و تم بالشيشه 12 يوم و الحمدلله طلعته بالسلامه و كاهو بحضني عسى الله لا يحرمني منه

و سميتــه حيدر &