|
السلام عليكم ورحمه الله وبركاته
يا ابلااات ابي راييكم وبكل صدق وصراحه
مابي احد يجامل..
انا طالبه علوم اجتماعيه اول سنه ونيتي احول للتربيه تخصص رياض اطفال
وقالوا لي تدريس رياض الاطفال سهل وحلو ومريح << صحيح هالحجي؟!
وفوق هذا معاشهم قوي وزين .. انا بحول لان بصراحه مادري شنو اتخصص
بالاجتماعيه لان ماوراها مستقبل يعني اذا بتخصص يا علم نفس او اجتماع
وكلهم صعبين ..فعشان جذيه بحول تربيه
وابي راايكم يا ابلات انتوا مرتاحين ولالا؟؟ بالروضه ابي بكل امانه لاني محتاره
واهلي يقولون حولي لرياض اطفال احسن
وحدي ضعت شوروا علي لاني مادري شنو ابي
وجزاكم الله خير
بس المهنة متعبههههههههههههههههههههه
وهلاااااااااااااااااااااااااااااك
اناا محوله من العلوم الاجتمااعية للتربيه
والله والله متحسسسفه
متحسسسفه
اقعد على كرسي ولماا اطلع انسسى كل شئئ
موو اروح لبيتي وشاايله همووومي وشغلي معااااااااااااي
و استخيري ..
انتي الحين بأحلى كليه ليش تدورين الشقا ؟؟
بعدين لي تخرجتي من الاجتماعيه كل الوزارات تقبلج وتقدرين تصيرين مدرسه بعد
احنا خريجات التربيه مالنا غير التربيه للاسف واذا مابي التربيه مثل حالتي الحين وانا توني هالكورس متخرجه من رياض الأطفال (وظيفة الشقا والهم والتعب كله والمصاريف) لازم أقعد سنتين عقاب عشان أتوظف بوزارة ثانيه طبعا مع الواسطات
فكري فكري عدل واستخيري والله يوفقج
بالعكس الدراسة وايد سهلة …
واذا كنت تحبين اليهال راح تحبين الشغلة عادي
كنت حاسه بالهشي وانا نوعي ماحب الازعاج
واللويه والمناقز ويا الجهال
بس يالله خيره
مشكووورين خواتي
افتكي من هم التدريس والمشرفات والبزارين والموجهات
الدراسة حلوة بس في مواد متعبة كرف عن تجربة شخصية وتجربة ناس قريبين مني،الدراسة تهون !الميداني يطلعون عيون البنت
الوظيفة حلوة ووناسة بس ترى متعبة!
إذا بالج طويل وصدرج وسيع بتقدرين!
أنا حابة الوظيفة بس أشياء صعبة علي وراح أتعب فيها
بس بتوكل ع الله وهونيها وتهون
وادا انتي تحبين الصغار اكيد راح تحبين هالوظيفه
كفيتي ووفيتي بس منو يقدر انا مايبط جبدي الا اللي يقول
كلها اطفال ووناسه تاخذين فيهم اجر مايدرون ان شغلنا مو حق الاطفال حق التوجيه لابارك الله فيهم
خلني سااااااكته وفي القلب حسره
عبير صاجه المشرفات ماوراهم الا انتي كل يوم وترك جايه لاصفي ولا حلقه ولا اركان والصبح ارتزي وانقزي وسوي تمارين الصباح وابدعي يابله وشغل العام للعام وشغل السنه للسنه وعقب تجي ست الحسن والدلال الست الناظره تبيج تزينين الصف وتعطرينه لان في ضيوف من الوزراره بيجون وقومي يابله ولمي خلاجينج ورتبي ونفضي وعطري وعلمي عيالج التحيه والسنع وييي قطيعه عقب العيد الوطني سوي فقره دربي عيالج عيد الضحيه سوي نشاط مبتكر يوم الاسره قطي عشره ولا عشرين بنسوي حفله للامهات ويوم المرووور بيجي فلان الفلاني طلعي فقره وابكري ولج كل شوي نشاط اذاعي ابتكري في وونسي اليهال وفوق من هذا يحاسبونج يااااااااااااااااااااااااااااااااااااابله انتي مو متعاونه ليش ان شاااااااااء الله ماشركتي بانشطه وفاعليات خارج الروضه ماسويتي ورشه ماسويتي درس ريادي ونموذجي ماسعدتي في تزين الروضه وووووو والله العظيم كرررراااااف وارف مافي يوم ماتحاتين في باجر والله اكبر نسيت شي الموجهه لما تجيج انزلي لمستوا الطفل ترا هالمستوا عمرج بحياتج مراح توصلين له وشي ثاني يابله راعي الفروق الفرديه ونوعي بنبرات صوتج يبيلج دوره بستار اكدمي قبل الوظيف ياربي شقول وشخلي
|
واااااااااااااااااااااااي الله يعينكم .. عاد انا قبل لمن كنت صغيره كان فبالي اون ابله رووضه .. بس سألت ثنتين و ما امدحوا لي إني اكون ابله
جان اغير و احط فبالي كليه علوم الاجتماعيه .. و إن شـآء الله اييب نسبه و انقبل فيها الكليه ..
و صآحبه الموضوووع من صجج !! خليييييييييييج انا لو منج اكون بهالكليه ..
و وايد زينه كليه العلوم الإجتماعيه ..