انا سويت باربى وهذى قصة ولادتى للى قاعد يسألون شنو سبب الوفاة

المهم ماكان فينى اى شى الوضع كان كله طبيعى وممتاز وكان اخر اسبوع مثل ماقتلكم وكان قلبى صج صج طاير وكنت

مستغربه شلون بعد جم يوم بصير ام تصدقون قمت الصبح احس بعوار نغزات حتى عبالى طلق استانست واحس بتقلصات

قلت خل انطر لا استعيل نفس كل مره واسوى بلاغات كاذبه رحت معه اختى الصالون طول اليوم ماكنت احس بحركه قلت

اكيد الوضع طبيعى لأنه يقلون بتاسع تقل الحركه البيبى وقلت يمكن اذا كليت يتحرك دقت على امى هاشلونج شتحسين

سبحان الله جنها كانت حساه قتلها يما ما احس بحركه الياهل العاده يشق بطنى شق تشوت جان تقولى خلاص ردى

ووديج الطبيب … رديت البيت قالتلى اكلى يمكن لما تاكلين يتحرك لأنى كنت مو ماكله كليت ويانى عوار مره ثانيه قلنا هذا اكييد طلق

قربة طلعت بدورى استانست المهم رحت لبست ورحنا الطبيب

المهم رحت الطبيب نزلت التخطيط يات السستر بتحطلى هذا الجهاز مال التخطيط اتدور النبض مال البيبى اتدرو
منى مناك وشكلها يديه مو فاهمه جان تنادى السستر الثانيه وهم يدورن يدورن امى اهنى اخترعت انا

كنت عادى متوقعه انه الوضع طبيعى قامت امى قالتلى اانا بروح اشتريلج ككاو لنه اذا كليته يتحرك الياهل

وهم السستر قالتلها جذى راحت وشرتلى وقعدت تقرى على وعلى بطنى وتمسح وانا اقولها يما ماكو شى لاتخرعونى

جان تقولى لا انشالله ماكو شى المهم ياتنى السستر قالتلى خل اتسوى سونار يمكن يبين وين قلب الياهل ونحطلها الجهاز مال التخطيط

رحنا السونار دشيت الدكتوره قتلها سالتنى من متى ماحسيتى بلحركه قتلها اليوم الصبح حطت السونار اتدور اتدور تقولى السونار مو واضح عندى روحى السونار الرباعى

انا اهنى قمتنى قلبى وامى انصفق ويها بس ماتبى تبينلى رحت سونار الرباعى كاااااان زحمه نطرت وامى بس تقرى على

ياتنى وحده سألتنى شنو فيج مره كبيره اهى جان اقولها ولد جن تقولى اى انا بنتى تراجع منى وتوه بين شنو فيها ضحكت بويها ودشيت سونار

الدكتور اهو بروحه ويه مايبشر انسدحت حطالى السونار قتله ها دكتور انشالله خير جان يسكت
اقوله دكتور شنو شنو فيه وامى نفس الشى جان يطالعنى بكل برود ويقولى ماكو نبض البيبى ميت

انا اهنى انهرت شلون ليش انا اخر اسبوع وشلون محسيت وطبعا كنت بحاله هستيريه وامى تصيح معاى وتقولى تحمدى هذى قسمتج وانا اقولها يما انا ابيه امى تقولى مو مقسوملج ودكتور يقولى يله خل تروح

راح انحلوها ولاده طبعا اقولها يما الحين راح اجرب الولاده وكلشى بس البيبى موموجود كنت مو بوعى وكل لوادم يطالعونى ويمسحون على واانا احس دنيا دور فينى

وريلى كان مو موجود دكتوره تسكتنى من ممنى وسستر من منى لين دخلونى غرفة الولاده اهنى استسلمت وقلت الحمدالله على كل حال هذا امر الله والله مو قاسملى

سوورى طولتها علييكم واايد بس اندمجت وانا اكتب المهم يانى الدكتور جان يقولى عندنا وايد حالات البيبى يموت بدون سبب لاتحاتين

قالولى خلاص احنا بعد بنحلل المشيشمه ونتأكد عطونى تاحميل يومين قعدت بلمستشى طلق صناعى للأمانه مستشفى السلام رعااااااااايه وماقصرو معااااااى

وكنت خايفه اشوفه اتعلق فيه طلعوه اررق حاولو مايخلونى اشوفه بس شفته لمحته ومثل ماقتلكم كان لونه ازرق شكله مختنق او ملتف الحبل السرى طلع ميت اف بطنى 3 ايام وانا مادرى حتى قالتلى الدكتوره

حمدى ربج ماصار فيج شى او تسممتى قلت الحمدالله على كل حال والله يعوضنى وارد واقول الحمدالله على كل حال الله طير من طيور الجنه انشالله يشفعلى