|
|
بنات حبيباتي
في الآونة الاخيرة
المهم هالايام الرياييل هابين هبه كله بنسافر ويا ربعنا
يعني ريال متزوج يروح حق زوجته ويقولها ابي اسفرج ياطويلة العمر جم يوم ويقص عليها يوديها دبي ولا لبنان بو اربع ايام ويردها
وبعد جم يوم يقولها انا سفرتج وونستج الحين بسافر اسبوعين مع الربع 
وعذره انه يبي يحس باستقلاليته وانه ماعنده مسؤوليات ولا مسؤول من احد
ادري راح تختلف الاراء في حريم يأيدون الريال يسافر بروحه وفي حريم مايرضون
ودي اعرف انتوا اشرايكم؟؟
خوش والله يبي يروح مع ربعه حق الصياحة والتمغزل والمصخرة
وانا حاطة ايدي على خدي انطره
ولا اشرايكم؟؟؟؟
الحاصل بعد قلبي انتي يانج ماتخلينه يروح وتقب مشكله
ولا يروح ويدج على خدج
بعد ماهم اطفال نتحكم فيهم مشوربين على طل وانا اختج
جذي اتفقنا اني ما امنعه لما يسافر ويا ربعه و لا اهو يمنعني لما ابي اسافر ويا اهلي و خواتي
بس لما جرب السفر وياي .. احم .gif "Eh S(7)")
علمته شلون ان اونس وياي من ربعه 
و بعدين قام يشوف ان بالسفر اغلب الناس اللي رايحه كل واحد يا ويا زوجته و الاجانب ويا رفيجاتهم فقام يقتنع ان احلى السفرات اهي اللي وياي
اايد سفر الزوجين مع بعض
ولكن لما جربت
اسافر بروحي ………احساس حلو وغير
انام واقوم واقعد واكل واشرب واطلع واشتري علة كيفي
اتوقع احساس الزوج لما يسافر بروحه نفس احساسي
شعور حلو لفتره قصيره
وشوق ووله على العايله بشكل كبير
اذا الزوج قايم بواجباته كلها
مافي مانع يشم هوا بعيد عن الروتين
<<<وجهه نظري
فوفو
او على قولتج سفرة اربع ايام يعني مو مقصر معاج وديتج والحين دوري انا اروح استانس
الله كريم
اشفيها اذا سافر مع ربعه .؟
والي يدور السوالف الثانيه شكثرها بالكويت ماله داعي يسافر
وحطي نفسج مكانه لو انتي عادي اهلج يخلونج تسافرين بروحج مو اتروحين مع رفيجاتج لان تغيير
خليه يسافر ويغير جو ويردلج مشتاق
لان مسافر مسافر سواء رضيتي او لا وخليه بطيبة خاطر عشان يتذكرج اهناك
صراحه لو ريلي يقولي بـ سفرج و آونسج بعدين اسافر مع ربعي
اقول رووووووووووح دربك خضضضضضر ! 
حمدي ربج على الاقل فكر فيج و يبي يونسج قبل لا يستانس
بعض الرياييل يآخذ اغراضه و يسافر
و مرته صارلها قرن مآ سافرت معاه (=
كيفه بيسافر اهو رفيجه كيفيه بس هااا مو اي دوله
المهم ،،
انا من رايي ان الزوج مايحقله يسافر بروحه الا الحج او العمرة
لأن سفرته فيها خراب ولاتقولون الريال زين والخراب موجود حتى اهني
بس معروفه نيه الشباب لما يسافرون
وانا من ناحيتي مستحيل اخليه يسافر .. مرة صارت وحلفت اني ارد بيت اهلي لأن كنت ادري منو بيروح معاه
وعندي قناعة ان ريوله على ريولي ومثل مايخاف علي ويمنعني اسافر بروحي .. يحقلي اسوي نفس الشي
ولاشرايكم