انا حامل وفيني خمول بالغدة الدرقة ساعدوني تكفون .

شلونكم بنات شخباركم

بنات انا حامل بالثاني وفيني خمول بالغدة الدرقية وبما اني توني عرفت اني حامل شنو نصيحتكم غير اني اروح للدكتور اللي اعلج الغدة عنده..

وشنو ممكن يصير بالجنين اذا تاخرت ولا رحت للدكتور مال الغدة ومنو فيكم حملت واهي فيها غده

تكفون ساعدوني

لازم تروحين تاخذين علاج لان الغده الدرقيه تسبب اجهاض لا سمح الله اذا اهملتيها ولازم تنتظمين بالعلاج عشان لا يصير للبيبي شي انا رفيجتي كان فيها كسل بالغده الدرقيه ويوم احملت عطوها علاج لها مخصص للحوامل مايضر وولدها الحين عمره 6 سنوات اسم الله عليه وما فيه الا العافيه بس اهم شي روحي لدكتور باسرع وقت

اولا حبيبتي مبروك والله يتمم لج على خير انا حامل وفيني غده درقية بس احلل واطلع حامل على طول اروح دكتور الغدد واسوي تحليل واهو يحدد ادا يزيد الجرعة ولا لأ ولا تهملين الموضوع لأن لاسمح الله ادا ما رحتي ممكن يسبب اجهاض فنصيخه روحي له حى لو ماعندك موعد بس قوليهم انك حامل واتمنى اكون فدتك

مشكووورين ما قصرتو بس شنو ممكن يصير بالبيبي اذا الله تمم على خير انا سمعت ممكن يصير فيه تشوهات ومدري ايش شنو ممكن يصير طمنوني الله يطمنكم

حبيبتي اخدي الدواء ومايصير الا الخير انا قبل سنتين حامل وكنت احد حبوب الأنثراكسين ويبت ولدي اسم الله عليه مافيه شي الغلط انك ما تاحدين الدواء حبيبتي لا توسوسين مثل ما قلت لك روحي الطبيب علشان يشوف الجرعة المناسبة لكي والله يتمم لج على خير

دواء الغدة مااااااااااااااا يضر الحامل والجنين

لاتتركين الدوا ترا موزين

حبيبتي .. انا حامل حاليا وعندي خمول بالغده الدرقيه

أولا: الخلل في الغده الدرقيه يمنع الحمل .. اذا كان قوي

واذا صار حمل .. ممكن يسبب اجهاض لا سمح الله … وفي حالات اخرى ممكن يأثر على نمو الجنين … يعني ما ينمو مثل الاطفال الباقين
والاجنه البافين

وممكن يصير عنده تشوه لا سمح الله

شغله ثانيه … الجنين ممكن ياخذ المرض من أمه اذا ماكانت تعالج أو غير منتظمه بالعلاج .. وهالشي راح يأثر على حياته بشكل عام
وعلى نمو عقله وواظائف جسمه بشكل خاص

وفي حالة ان الطفل صبي ممكن يأثر على خصوبته .. يعني عدم اكتمال نمو الخصيتين …

حبيبتي بالنهايه

لازم لازم لازم تسوين فحوصات منتظمه عند دكتور الغده .. ولازم دكتور الولادة اللي تتابعينه يكون على علم
ولازم تنتظمين باخذ الدوى

كما هو متعارف عليه … تاخذين الكميه الموصاة بها من قبل الدكتور … على الريج وتاكلين بعدها بنص ساعه عالاقل …

الله يشفيج ويشفينا ويهون علينا حمالنا

نصيحه كل شهر سوي الاختبار وبمستشفى خاص

لأن الحكومه ياخذ اسبوعين على ماتطلع النتيجه
اما الخاص ياخذ بس 3 ايام بالكثير
والهادي بنفس اليوم تطلع النتيجه على ما اعتقد