|
|
السلام عليكم
انا حامل وبالشهر الثالث .. بالشهر الثاني سويت سونار وقالتلي الدكتوره سكينه عباس فرمن
انه فيني كيس مبيض بدون جنين .. شفته بالسونار وكان حجمه اكبر من حجم الكيس الي فيه الجنين
قالتلي لاتحاتين وان شاالله يروح طبيعي ولي موعدج الثاني بنشوف .. وموعدي بهالاسبوع
وسالتني هل اخذتي منشط مبايض قلت لأ
ووحامي بهالحمل اقشر ومختلف حيل عن حملي ببناتي
لدرجه اني مرات مااقوم من السرير ومرات باليوم الواحد كل الي اكله ارجعه .. ومااحب اشرب سوائل
وهالشي اثر ع دوامي بس مايحسون ولايرحمون
انا ودي افهم شنو اسباب الكيس .. واشلون يروح وهل يضر الجنين او يضرني
الدكتوره كانت مستعجله ماحسها شرحت لي بشكل وافي
وجزاكم الله كل خير
والله ماعندي فكرة حبيبتي .. ان شاء الله البنات يفيدونج
عسى الله يقومج بالسلامه وان شاء الله مافي الا العافيه لاتحاتين 
والله يتمم عليج
يمكن توئم؟؟
لأ مو توأم الكيس الثاني فاضي واكبر من الكيس الي فيه الجنين
تسلموون ياارب
ان شاء الله تؤؤم بس مو مبين الثاااني
بيسووويلج مفاااجاءة لوووووووووول
الله يهوون عليج
رووحي لمستشفى ثاني
تهقين بديت اشك 
بروح لمستشفى السلام
جزاج الله كل خير
شوفي حبيبتي أنا كان عندي كيس عالمبيض وانا حامل والدكتوره قالت لي عادي راح يروح بروحه وفعلا راح وانا الحين بالخامس
انا اقول الي من الله حياه الله
مع انه بقلبي ودي بولد بس
دامه فاضي الكيس ان شاالله يروح لانه مخوفني لاني بحثت بالنت وقريت مرات مايروح الا بعمليه
جزاج الله كل خير وربي يسهل عليج
انا كان فيني جذي قبل لااجهض قالت لي انيتا انتي فيج جيس ماي على المبيض وورتنياه
وقالت مافي منه خوف يروح من نفسها ينفجر وماياثر على البيبي وينزل
واذا ماانفجر وكبر بحزة الولاده نسوي لج قيصريه ونشيله عادي مامنه خوف ان شاءالله
بس انتي تابعي مع دكتور متخصص اكثر
والله يسهل عليج ان شاءالله
والله يفرج همج ياقلبي
حبوبه هذا كيس ماي عاااااااااااادي يروح بالشهر الرابع
موووووووو توأم
التفسير العلمي لها :
ان طلعت منج بويضتين ماشالله ووحده منهم ما اكتمل نموها وضمرت وصار فيها ماي والثانية تلقحت
وراح ينفجر بالشهر الرابع من غير ماتحسين فيه
.gif "Eh S(8)")
انا وحده من رفيقاتي كان فيها كيس ماي اكبر من كيس الجنين وقالت لها دكتورتها بالشهر الخامس اسوي لش عمليه صغرى نشيل فيها الكيس وسبحان الله يوم راجعت عشان تبلش بالاجراءات وسوت سونار والا الكيس مختفي وماله وجود
وزميلتي بالدوام حامل وكل شي سليم وتمام التمام بوقت الولاده نزل كيس صغير لجنين ما اكتمل وما كان يبين بالسونار كلش والحمدلله ما اثر على البيبي
انتي خلي ايمانش بالله قوي وما يصير الا كل خير
وطمنينا عليش حبيبتي