|
|
السلام عليكم ورحمة الله وبركاته….
شلونكم بنات…. انشالله بصحه وعافيه
انا بدخل بالموضوع لاني ما اعرف المقدمات >>> فضحت نفسهااااا
بجد بنات ابي مشورتكم واللي ترد علي الله يحقق لها كل امانيها ويرزقها من حلاله…
انا بجريه وحامل بنهاية الشهر الثامن (( باقيلي اسبوع او يمكن اقل واخلص الثامن وادخل بالتاسع ))
واول دوره لي كانت 5-4-2009 وموعد ولادتي على حسب كلام دكتورتي *** اللي بمستشفى لندن 11-1-210
المهم كان عندي مراجعه من قبل جم يوووووم عشان السونار وتتطمن على وضع البيبي جان تقولي حبيبتي بوسه كل شي تمامو.. عاد انا تشققت من الوناسه نفس جذي
جان اقولها دكتوره انا مليت من الثقل بطني حيل كبير لامشيت ينادوني الفقمه بس ابي اولد عادي قبل موعد ولادتي >>>اقصد موعد الولاده اللي بتاريخ 11-1-210
جان تقولي الدكتوره الحين لا لانج باسبوع 34 و4 ايام مايصير نولدج الحين لان البيبي يمكن يتعب ويدخل الحضانه >>>هني انا خفت علي بيبيي الله يحفظه واياست من الولاده 
جان تشوفني اكسر الخاطر جان تقولي اذا قصدج مليتي وتبين نولدج تعالي لنا بتاريخ 20-12-2009 ونولدج لانج راح تكونين باسبوع 37 وانشالله مافيه مشاكل
فرحت انا وقلت يااااااااااااااااااااااي وناسه 
>>> وقلت لها دكتوره شلون واذا الرحم مسكر قالت عادي اول شي نتطمن على وضع البيبي ووضعج اذا كل شي اوكي نولدج نعطيج طلق صناعي لو الرحم مسكر بس بكميه محدده ويصير نفس الطلق الطبيعي وانشالله تقومين انتي والبيبي بسلامه
عاد انا هني عجبتني الفكره بس خايفه اذا عادي اولد مثل ماقالت الدكتوره بــ 20-12-2009 واكون بالاسبوع 37 ولا انتظر موعد ولادتي اللي بـ11-1-210 وابي رايكم بما اني بجريه لاني مليت من الثقل وغير جذي زوجي عنده سفره ببداية شهر واحد >>>عنده بعثه للاردن وما اعرف احد هناك ولا اقدر اولد عندهم ما اعرف مستشفياتهم وخصوصا ان هذا اول حمل لي … ولاتقولون جلسي لاتروحين معاه ما اقدر زوجي عنده بعثه لمدة 3 شهور ومافيه اجازه ابدآ
والحين الله يوفقكم ويخليلكم كتاكيتكم وبنوتاتكم ابي رايكم اولد بالاسبوع 37 لو مافيني طلق ولا اثار الولاده واخذ طلق صناعي على كلام دكتورتي *** >>>تقول طلق صناعي جنه طبيعي بكميه محدده؟؟؟
امانه معاكم اعتبروني اختكم مثل ما اعتبرتكم خواتي وشكيت حالي لكم واللي يرحم والديكم ردو علي لاتطنشون والله بحاجة رايكم!!!
خليج لين اتمين شهرج كله تحملي التعب كلها شهر ماباجي شي .. تحملتي 8 شهور تحملي التاسع بس 
إنتظري ما بقى شي راح الكثير وما بقى إللى القليل
وبعدين سبحان الله تدرين إن الثامن والتاسع من أهم الشهور إللي لازم الجنين ينمو ببطن أمه افضل من الشيشه لأن بهالمرحله ينمو المخ والرئتين/ ليش تبين ضناج يتعب الله لا يقوله ويحفظه لج سليم ومعافا
فديتج إصبري والأجر لج أكيد يا عمري والله حاسه فيج /COLOR]
واليوم قابلت وحده بالمستشفى تبي تولد واهي مافيها شي بس شكلها تعبت الله يسهل عليها يارب
الحين طلق صناعي ولا طبيعي نفس الشي وعلى العموم انتي ولادتج باذن الله تصير بنص 12 او بدايه اخره ماضنتي والعلم عند الله تدخلين حتى شهر واحد هذا الا اذا عوشرتي على قولة امهاتنا
كل الحريم يحملون ويوصلون لي التاااسع هذا كلا بأجره ان شالله والجنه تحت اقدام الامهااات
انا ولدت بنتي بالاسبوع 36 و5 ايام يعني 37 بس والله تحسين حيل صغيره ورخوووه
سبحان الله البيبي ما ينمو عدل الا بالتاسع
لاتستعجلين على عمرج .. وعادي زوجج اولدي وروحي له لانه حتى بالنفاس لازم تتنفسين عند اهلج ماراح تهتمين بعمرج اذا بروحج
والله يقومج بالسلامه ..
اشدعوووه
ترى الطلق الصناعي يذبح يعني تنطرين احسن لج
حمدي ربج انا بجر مثلج دشيت التاااسع من اسوبعين و جم يوووم و الدكتوره تقولي شكلج ريظه و أجلت تاريخ اخر موعد من 17 لي 23 ولااا افكرر اني اروح اووولد بطلق صناعي @@ تعوذي من ابليس و تصبري
نطرتي هالشهوووور و مليتي على اخر شهرررر
ترا في العجلة الندامة اسم الله عليج خلي يقوولون فقمة والي يبونه المهم
سلامتج وسلامة البيبي
انتي ادعي ربج يكتب اللي فيه الخير و ماتدرين يمكن تولدين قبل موعدج بس انا رايي صبري اولدي هني و طلعي من النفاس و ارتاحي و كشخي و تفركي سنعي روحج على ما يوصل زوجج من بعثته ترا 3 شهور تطير بسرعه لما تكونين والده و نفاس و ياهل و ماكو نوم و عفسه