انا بالنفاس وزوجي ذبحني بهالخبر

بنات تكفون ساعدوني احس بموت خلاص
زوجي يبي يسافر مصر ولبنان ويتعذر ان انا عند اهلي واهو بروحه وضايق خلقه ويبي يغير جو مع رفيجه عشر ايام ويرجع
بنات تكفون حسوا فيني انصحوني حاولت اشيل هالفكره من راسه ما قدرت يقول انا ما قصرت معاج بشي وانا رجال حر اسوي اللي ابي مدام واثق بنفسي واعرف ربي ومتربي عدل وانتي عند اهلج يعني مو قاطج بالشارع ولا مخليج بروحج.

شسوي ازعل اطنقر ولي متى واخليه يسافر بدون ما اودعه ولا ارد على اتصالاته ولا ادق عليه واذا جا اطنش فيه وما اردله والااكلمه عادي وما ابين اني زعلانه وقوله روح ماتشوف شر واكلمه عادي

بنات والله بموت من االضيقه

انا اقول خليه يروح ادا انتى واثقه منا وانه يعرف ربى بالعكس ادا كنتى حنبنه معاه واهو مسافر مثلا تطرشى كم مسج كول تودعيه بحضن دافى ودمعه حتى لو صناعيه مع دعوه حلوه ولما يرجع يلاقى جو كول مستنيه اهو نفسه حتى ادا ناوى يسوى شى يهون ماتهونى عليه
لان ترا اليايل يموتو فى العناد وادا برطمتى رح تاكليها فى نفسك واهو ماهمه

واللله يوفقكم ويتمم عليكم يارب
تصحيح غلط مطبعى
حنبنه = حنينه او حنونه

صج يحر ومو وقته

ولكن هو بروح سواء وافقتي او لا

خليه يروح وثقلي شوي بالمكالمات وخليه بس يحاتي شعورك واحساسك

مو تتصلين واشلونك وشخبارك وتطمنينه عليج

خليه مدوده ومخترع عليج

صج كيد حريم

بس شنسوي المره حامل 9 اشهر ووالده وحضرته بروح للوناسة هو ورفيجه

اترك المايك للي عقبي

حبيبتي اذا خايفه على ريلج من الخرابيط هالسوالف بكل مكان
وبعدين انتي ابيت اهلج واهوا ضايق خلق لأنج مو عنده فبسافر
بغير جو وبعدين حبيبتي انتي مو واثقه بريلج اذا اهوا على كلامج
انه ايخاف ربه خلاص بس قوليله على ضحك انج اذا طلعتي من النفاس
تبين ايوديج ايسفرج لو 5 ايام انا اقول تعوذي من ابليس وخليه ايسافر
وهم هلى ضحك قوليله ترى مو كل مره بتسافر وتخليني ترى انا والبيبي
ما نقدر على فراقق وبس الله يهديه ويحفظه من الشر ويخليه لج ويخليج له
وانشاالله يشوفج احلى وحده بعينه وعلى طول بعد
وتقبلي مروري يا الحلوه والله يقومج بالسلامه حبوبه ويخليلج البيبي

والله اذا هو مصمم على السفره خليها بطيب خاطرج احسلج

على الاقل يكلمج مناك وتكونين معه مكالمات ومسجات

واذا هو يخاف ربه ليش خايفه من هالسفره

عادي مثل ماقالت اختي ندى الروح

وادعيه بحنيه وقولي لا تطول علينا

وانج تشتاقين له وانتي عند اهلج شلون وانت مسافر ياحبيبي

ومن هالحجي الحلووو

والله يرده لج بالسلامه

انا لو اني منج ازعل خاصة اذا انتي ثقيله وماعمرج تزعلتي ورحتي بيت اهلج هذا وقتها

اكو وحده نفس سالفتج عشتو بيروح المغرب تخيلي ؟؟؟؟؟

اعرفها هالوحده عدل عدل عمرها ماراحت بيت اهلها او تزعلت قالت له

حبيبي روح بس اذا رديت ماراح تلقاني لا انا ولا عيالك ولوتموت ماارد

سوا سالفه عوده وتزعل آخرتها ماراح المهم انه ماراح

الصراحه جايده هذا وانتي بالنفاس الله يعينج صراحه

انا لو اني مكانج اسوي مثل هالبنت وانتي كيفج استخيري احسن شي اذا ماتصلين بس قولي الدعاء

عشتو مالقا غير لبنان ياسلام صج يقهر الله ياجرج ان شاء الله ويهديه

حبيبتي ………مبين من كلامج انة بسافر ومعزم ..انا اقول خلية يسافر برضاج وكانج انتي وافقتي يعني حسسية انج راعيتية عشان النفاس …………..لكن صدقيني ان راح وانتي زعلانة تري كل مرة بسويها وبصير عندة عادي انة يسافر وتزعلين
قعدي معاة وكلمية وقول لة سافر بحفظ الله …..وانا من داخل قلبي متضايقة بس تهمني وناستك ومن هالكلام اللي يكسر الخاطر واذا دق لاتحقرينة ولاتطنشين تري الشيطان لة اكثر من مدخل بالعكس ردي بس بحزن مو تصيرين طايرة فية ……..وان شاء الله اكون فدتج

الصراحه ابدا مو وقته !! كلميه ناقشيه انج تحتاجيين وجووده واهتمامه هالفتره ! على الاقل ينطرج تخلصين نفاس وتروحون مع بعض وايد احسن

اقول ياقلبي الي يبي يسوي شي يسويه بالكويت او برة
ولو كان يبي يسوي شي ترى الحين صار كل شي موجود ليش يروح ويتعنى بس يمكن صج يرلج يبي يغير جو

انتي عليج بالدعاء يا قلبي

بعرررررررررررررررف شغله

ليش الرجاجيل لاصارت المره نفااااس طرا عليهم السفر وقالوا بنغير جووووووو

قطيعه يبطون الجبد

زوجي سافر من نص ساعه وانا مت من البجي
ودق علي قبل تطير الطياره اكثر من مره وانا ما قدرت ارد
والله غصبن عني
قلبي حيل زعلان عليه ومقدر اسوي شي من ورى قلبي خصوصا معاه
اخر شي دز لي احبج انا بسافر ومابيج تزعلين بس راسج يابس

بنات حاولوا تفهموني اخر شي افكر فيه ان زوجي يخوني مشكلتي اني احبه حيل حيل ومقدر اتحمل فكرة فراقه لو جم يوم وفوق هذا انا نفسيتي تعبانه من الحمل والولاده وقرف النفاس وسهر البيبي يعني انا محتاجته بهالوقت اكثر من اول. والاهم من جذيه اني اغار عليه بصوره مو طبيعيه واعرف نفسي طول سفرته راح اقعد ابجي طول الوقت وماراح اقدر امثل جدام الناس وهلي وحتى النوم راح اودعه معاه ومخي راح يشتغل24 ساعه بشنو قاعد يسوي ووين قاعد ووووووو
احس راح اموت من البجي وراسي بينفجر من التفكير

يا حبيبتي

دام ريلج يحبج وانتي واثقة فيه شاللي يمنع انه يسافر

بالعكس خليه يسافر وانتي راضية عنه ولا تحسسينه انج متضايقة حتى لو كنتي زعلانة

ترى الريال يحب انه زوجته تكون عندها ثقة يزوجها

واذا رادة عالخرابيط شكثرها عندنا هني عدي وخربطي

سواء بره ولا بالنت

وهذي فرصة لج تتدلعين عليه لما يرجع وتطلبين منه يسفرج وين ما تبين عقب النفاس انشالله

ولاتسوى عليج هالضيقة والزعل وانتي توج والدة

والحياة حلوة

سفرتي بعد النفاس شي اكيد بس اللي يذبحني ليش لازم يسافر اهو قبلها
يقولي انا بالصيف سافرت معاج المكان اللي تبينه واستانسنا وماقصرت معاج بشي وودي اسافر برضاج لان نفسيتي حدها صفر ودي اغير جو وانتي عند اهلج شنو بيضرج لا سافرت بس انا مو مقتنعه ان له حق يسافر الحين حتى لو تعبان نفسيا ينطرني جم اسبوع ونسافر اثنينا شهر عسل ثاني ونغير جو بس اهو اصر وعاند وعاندت وما كلمنا بعض من الصبح والحين بعد المسج سافر