انا انفجرت موعارفه شسوي افكر اكنسل الزواج

بنات انا احترت وانفجرت واكثر ايام بحياتي متوهقه فيها ومتوتره بصوره موطبيعيه كل يوم تطلعلي فكره وكل يوم راي وموثابته ع شي واحد

انا كنت متفقه مع زوجي نسوي حفل استقبال حقي ولأهلي بدون اهله لأن عندهم حالة وفاة
وبعدها فكرت عدل وللحين ماحددنا ولا لقينا صالة ولا فندق ونبي العرس شهر 6 ومايمدي كلش ف بعد تفكير عمممميق
عطاني رايه وبسألكم
قالي لانسوين عرس سوي حفلة صغيره فبيتج وعزمي القراب حيل وبعدها اخذج ونسافر 3دول بأوروبا وهو فعلا الحمدلله اللي بجيبه كله لي وموبخخخيل كلش ومستعد يسوي كل شي عشاني قالي بعدين اسوي عيد ميلادج بفندق وكل شي الحمدلله اهو شايف خخخخير وانا مجربته واجد
وقالي اخاف تسوين عرس واهلي ماراح يجون ويمكن نص اهلج يجون واهلج مو واجد وفي منهم مو راضي ع الزواج عشان انا بدويه واهو حضري

ف خلاصة الموضوع انا مابي اروحله بدون حفلهربدون لا الناس تدري اليوم ليلتها وجذي يعني مابي سكاتي
قولولي بنات تكفون شلون ومتى اسوي حفلتي فبيتنا وصالتنا موكبيره حيل حيل تكفي 60 شخص تقريبا
وشنو اقول للناس حفلة ملجة ولا استقبال ومتى اروح لزوجي ويجي ياخذني وعادي ياخذني اخر الحفله لأني ماراح اروحله اللا بعد الحفله

اتمنى فهمتوني واابي رايكم بليز والله عايشه بضغط وتوتر موطبيعي

اللي مافهمت اي سؤال انا حاضره

لحد يقول اجلي العرس اهو مستعجل حدددده وبيسافر يكمل دراسته برا

شوفي حبيبتي انا مالي خبره بس بعطيج رأيي
انتي مقتنعه تسوين حفلة بسطية وتخلون فلوسكم لسفرة سنعه؟ بس ماتبين الناس تتكلم وجي؟
اذا السبب هو الناس وانتي مقتنعه بقولج ط ن ش ي ، لان ياما جفنا بنات خلوا ريايلهم ياخذون قروض عشان عرس لا صار ولا استوى
واخر شي ماسافروا+البنت ماتدلعت فـ شهر عسلها
الزبده العرس للمعازيم وشهر العسل لج ولريلج ، انتي شنو بتختارين؟
بس بعد من حقج تلبسين الفستان الأبيض وتحسين نفسج عروس
شرايج تدورين قاعه صغيرونه من النوع الي كأنج مسويه خطوبه
يعني سوي تجهيز مصغر للعرس وسـافري مع ريلج خوش سفره
الله يوفقكم ويسعدكم يارب

انا اقولج سوي حفله في بيتكم عزمي اهلج ورفيجاتج واللي يعز عليج
حطي ديجي واستانسي ولبسي الابيض وصوري
والفلوس اللي بتقطينها عالقاعه انتي وريلج اولي فيها ـ.. سافري واستانسي

اختي الله يوفقك نصيحتي
دقي على اي شركة تجهيزات عرس تسويلج صالة بيتكم وتعدلها وتضبطها
وتحط كراسي وتسويلج كوشه بسيطه ودزي مسجات حق اللي بتعزمينهم علئ انها حفلة استقبال
واخر الحفلة حق يدخل ريلج ويقعد يمج والكل يشوفه وبعدين صوري وروحي معاه
هذا ابسط شي عشان لا تقطين فلوس واايد سفركم ووناستكم اولى.. مووفقه

ما عندج احد من اهلج تقدرين تسوين الحفلة في بيتهم؟؟؟

بيت يدج؟؟ خالاتج؟؟ عماتج؟؟؟

او

عندكم حوش كبير او حديقة؟؟؟؟ حطي فيها خيمة فندقية وخليها كراسي بدون طاولات جذي تشيل عدد اكبر

وسوي حفلة ولبسي ابيض وعزمي اللي تبين بس فستانج ما يكون بفخامة فندق طبعا

من هني لشهر 6 الله يفرجها بس مو معقولة امه وخواته ما راح يحضرون

ولما ترجعين ممكن تسوين استقبال فخم في قاعة او حتى في بيتكم بعد

في حلين

الاول انج تسوين حفله صغيره عقب الملجه وتسافرين واذا رديتي تسوين استقبال عود وتعزمين

والحل الثاني وانا اشوفه انسب لوضعج

قبل السفره بيوم او يومين سوي حفله عشا او تقدرين تقولين استقبال بالبيت ولبسي ودي جي وعشا ومصوره وخليه يدش يصور معاج وتالي روحي معاه الفندق

انا حماتي سوت جذي حفله بالسرداب وكنا حول ال50 شخص اكثر شوي يمكن حطت كوشه ولبست نفنوف عروسه وصالون وطرحه ومصوره وكل اللي بخاطرها ودش ريلها مع ابوه وابوها بس صورو وقصو الكيكه وراحت الفندق

خلي بيوم الدخله سوي حفلة عرس صغير في بيتكم و خلي منظم الاعراس يظبط البيت و يخليه مثل قاعات الفنادق و حطي بوفيه و كلشي مثل العروس و في الدعوة كتبي حفل عقد قران و بعدها سافري و خلاص

اهم شي انتي تقتنعين و لازم تقدرين اهل زوجج
سوي حفلة عرس صغيره بالبيت و عزمي رفيجاتج و اهلج و يزفونج و يدخل زوجج و يصور معاج و تروحين معاه بيتج و شوفي مصمم يضبط لج البيت

مشكووووورين ياخواااتي والله انكم فدتوووني حييييل الله يفتحها بوجهكم يارب

وراح اوافيكم اول بأول وانا اقتنعت فكلامكم عدددل والله انكم تبردون القلب

رأي ريلج عدل صراحه .. اول شي اذا عزمتي الناس بيتمون يتكلمون ويحشون ومنتي خالصه من كلامهم وهم اذا ما عزمتيهم بيتكلمون ف الاحسن توفرين حق سفرتج وشي يكون خاص فيج وبريلج وتستانسون مع بعض وسوي حفله صغيره في بيتج للاقراب ورفيجاتجوالي يعزون عليج وبس ! شحقه التكاليفوانتي منظغطه وبعد احترامآ حق اهله مادام عندهمحالة وفاه ونفس الشي نص اهلج الي ما راح اييون عشان مو موافقين .. توكلي على الله وسمعي كلامه

انا نفس مشكلتج
بس اقتنعت اني اسوي سكاتي

أنا معالج

انا صراحة رايي من راي الاخت لذة سكر وصراحة افضل حل الحل الاول لانه من رايي احسن صراحة وانسب لج