|
|
حبيبتي اذا تبين عرسكم يطلع راقي ومرتب امنعوا الاطفال حتى بناتج
لما يجي خالهم الصاله خلي احد يجيبهم يصورون مع خالهم وبعدها رجعيهم البيت
الطقاقه لاتحطون اسامي ولاغيره
واذا ديجي اتفقي معاهم مثلا اغنيتين بداوي وبينهم هز وجذي يعني اتفقي معاهم وفكي نفسج من الروحه والجيه
الدخول ابطاقات مهم جدا عشان مايكثرون المتفرجااات على الفاضي
التقديم خلي وحده من اهلج سوا بنات خالتج او عماتج الكبار تكون عينهم على التقديم وكل شوي تمر عليهم
عشان يقدموون
والرقص لازم انتي واختج تكونون على البست عشاان يكون العرس مرتب
وكل مانظمتوا بيكون افضل
والله يوفقكم
متى العرس ؟؟؟ إذا في أي معلومات أو حجوزات ما تمت ممكن أساعدج
آنا العام نظمت عرس أخوي بالكامل وما احتجت مساعدة من أحد
كل شي كان منظم ومرتب والكل مدح العرس سواء تنظيم .. دي جي.. تقديم الحلو والموالح .. البوفيه .. الكوشة..إلخ
غير جذي الأسعار اللي ماخذه فيها كل هالأشياء وايد حلوة..
والحين عرس أخوي الثاني بيكون يوم 12-11-2010
والحمد لله صرت خبرة … إذا حابه بس طلبي وقوليلي بشنو متوهقة وما يصير خاطرج إلا طيب
العرس اذا مسكوه اكثر من وحده مصخ
وانتي عندج اختين
تبين ترتاحين حجزي زهرة ام خالد (بهيجه)
كل شي تمسكه البنوتات و الخدمه وتبخر كل شي
ع تجربه ريحتنا بعرسنا
كوشتكم اخذي من المالك يريحج يزين لج كل شي صج شوي غالي بس اللي يبي الكشخه يدفع
ودقيق في مواعيده يسلمج الصاله من الساعه 5
الخدمه نصيحه اخذي الخدمه اللي تكون بالصاله لان الصاله ماتخصم لج الا شي بسيط والخدمه اللي بتحجزينها لاتقل عن 350 والله ماكو فرق بينهم
وتقدرين تضبطين مشرفة الخدمه
الحلو خليه كله من مكان واحد
الفطاير صارت موضه قديمه
اخذي موالح اذرب وارقى انا كنت كل موالح العرس حاجزتهم من السعودية والله اشياء غريبة وتشرف ومو غاليه
اما انتي وخواتج لازم تكونون من الساعه 6 وص بالصاله
ويارب يهنيكم ويوفق اخوج ويطلع عرسكم احلى عرس ويشافي امج ويعافيها ويطول لكم بعمرها
واي استفسار تبينه من عيوني
واكشخي وررقصي وستناانسي
وبسس سلامت عمررج لا تشيلين هم
فرض أنتى عليج ترتيب الصاله بالكامل وأختج الثانية عليها طقاقة او الدى جى
اما اختج الثالثة عليها تشجع اللى يرقصون وترقص وياهم،،،،،،،،،،المهم كل وحدة تعرف شغلها شنو
عسى ربي يتمم عليكم ع خير،،،،،،،،،إن شاء الله
ويكون عرسكم حلو إن شاء الله
وانشاءالله تساهيل
انا شلت عرس اخوي بروحي
والحمدالله طلع احسن من اللي توقعته
مشكورين جميعا بنت بابا انا اخواني اثنين المعاريس بعرف متى نقدم العصير والقهوة ؟متى نبخر ؟ شنو نحط على طاولة الحلو بصراحة احنا حاجزين البوفيه يصير اخذ من البوفيه واحط على طاولة الحلو؟ وحدة من العرايس تبينه ناخذها من الصالون ونوديها للصالة؟ متى نقدم العشا بعد زفة المعاريس ولا قبلها؟ شلون اعرف اقعد اخواني كل واحد يم عروسته يمكن اتخربط؟ ابي اصور انا وبناتي متى اصور ؟انا عصبية ومتوتره شلون احافظ على هدوئي؟ وقالو لي ان الجرسونات ساعات يبوقون الاكل يحطونه تحت الطاولة شلون انبهم من غير ما اجرحهم؟ يصير اخذ عشا قبل البوفيه حق بناتي اخاف يجوعون ؟؟بعد عندي اساله وايد ممكن تساعدوني؟؟؟؟؟ آب لعيونج
وعسسى الله يوفق أخوانج و ع البركــه مقدمــاً
.
وان شاءالله ماتحتاسون واظن البنات كفو ووفو
سالفة طقاقه تحجزينها او اذا تبين دي جي < والدي جي افضل عندي
وتقديم تروحين لمحل حلويات معروف وتاخذين منه
والبوفيه ان شاءالله مايبيلها اي مطعم واسالي اهلج خالاتج عماتج بنات خالتج اي احد يفيدج
ماحبيت اطلع من غير رد
اسال الله العظيم ان يوفقنا واياكم بكل مايحبه ويرضاه يارب العالمين
متى عرسكم؟؟
حجزتوا القاعة ولا تو
اهم شي حجوزات القاعة والطقاقة
بخروا الصالة قبل وصول المعازيم
وبعد فترة من الرقص
يعني نصيحة بس بخري الصالة لاتبخرين المعازيم
وبعد كم رقصة دخلي الحلا والقهوة
وبعدها دخلي الشاي والموالح
العصاير على كيفك
حلوه تكون في البداية يعني من تبدا الطقاقة بالطق
وبعد الشاي بعد حلو تدخل العصاير
اممممممممممم
ايه صح وفي حريم يستلمون لك الخدمة والحلو والموالح والشاي والقهوة والعصاير
احجزي لك وحده منهم
والكوشة وتزيين الصالة قبل العرس بشهرين ونص ابدي بحجزوزاتها
بس من الحين روحي اخذي لك فرة عشان تعرفين ميزانيتكك وتاخذين فكرة بشكل عام
والله يتم عليكم فرحتكم