|
|
بنات امس شفت بالسوق بنت عمرها تقريبا 4 سنين مع امها ويدتها
شحلاتها البنوته تسولف كانت سالتها شسمد وجم عمرج قالت لي اسمها وعمرها 4 سنين
المهم البنت كانت داخل المحل تتمشا عادي طبيعي يعني مو اللي قاعده تتعبث بالاغراض او شي
والا اتيي امها اتلها من شعرها حيييل واتقولها ياحماره قعدي مكانج
:ssss
عسا ماشر شفيها
في امهات جذي
المهم انا ماتحملت المنظر لو تشوفون شلون تلتها حييييل وعطتها راشدي بعد علا راسها الطقه اللي تعور حييل المهم انا رحت لها قلت لها شفيج هذي بنتج او عدوتج شفيج عالبنت شمسويه وانا ابتسم لها بضحك يعني جان تحاجيني بكل رقه هلا حبيبتي لا بس مأذيتني البنت قلت لها الله يعينج بس مو جذي عاد طقيتيها حييل ترى تتعقد البنت لمن تكبر
قالت بعد شسوي مافي فايده منها اعلمها ماتعلم
المهم صادفتهم عند المطعم
البنت تقول حق امها يوما فيني زقه لوووووول اسمحوا لي عاللفظ بس اهيا طفله ومعلمينها
جان الام تكشت فيها وراشدي ثاني قعدي اذيتيني وبعدين معاج ماعرف اطلع متهنيه نفس باجي الامهات
خلت البنت شويه جان تدش البنت الحمام بروحها ودشت وسحبت السيفون بعد شويه جان اتشوفها الام قالت لها وين رحتي قالت الحمام جان تطقها وتل من شعرها للحمام
وكانت رفيجتي توها طالعه من الحمام
وتسمع الام تقول حق بنتها يالحيوانه انتي حيوانه انتي حماره انتي وصخه يالوصخه تسمعيني وطايحه فيها بهالالفاظ وطق وتنحاش البنت حق يدتها شوفيها اتطقني واليده تقولها امج ماما شسويلها ماقدر عليها صيري عاجل
رحت بصراحه ماتحملت قلت لها ترا ماتحمل اشوف جذي منظر قلت حق يدتها تقول اهيا البنيه شيطانه قلت لها ماشوفها شيطانه غصب سويتوها شيطانه اهيا طبييعيه جذي تصرفات الاطفال
حرام طريقتكم وامها تكلمني بذرابه هلا حبيبتي سامحينا بس والله مأذيتني
تناقض
اعاده تربيه وتعليم ودوره بالألفاظ والأدب واهم شي دوره بالأمومه والإحساس!!
واعليه كسرت خاطري البنت ما اتحمل اشوف منظر جذي خاصه انها تطقها جدام الناس انزين ليش مطلعاتها؟؟
عشان تونسينها ولا تحسرين فيها وتستفردين عضلاتج وقوتج فيها مسكينه!!
والطامه الثانيه اليده اشفيها؟؟اذا بنتها اللي اهي الأم تربيتها جي اليده ما عليها شرهه الله يرحم يداتنا بس ولا امهاتنا
فينا خير نقرب يم اعيالنا انه لو اتشكى منهم بس امي تزفني زف مره سمعني ابوي بالغلط اقول عن بنتي انها اذتني كله
تبجي عطاني محاضره طويله عريضه هزأ فيني عدل..وهذي طايحه فيها طق وسب واليده تتطمش!!
حرام والله حرام تستقوي على بنتها بس الله اقوى منها هذي امانه عندها الله يعين اليهال اللي عندهم امهات جذي
وعفيه عليج ما سكتي لأن فعلا شي ما ينسكت عنه
والله زمن اقشر اليدة تطالع ومو هامها
احنا اهلنا يهزأونا اذا بس تشكينا من عيالنا
هذي تطقها وعادي!!!!
بس عجبني تصرفج بميزان حسناتج والله
صج ما أثر فيهم بس عالاقل تحجيتي
يزاج الله خير
وينسون اصول التربيه العدله
استغرب من الناس اللي جذي
مافي قلوبهم رحمه
كسرت خاطري هالبنت
الله يكونه بعونها
فديت امي ماترضى
على عيالنا لو
شنو يصير
زين سويتي نصحتيها
والله يكون بعون بنتها
ياما وياما شفت امهات راشديات على وجه عيالهم
ماادري اشلون يطقون راشدي بكلللللللل قووووووووووووووة
والام تشوف وعادي طااااف وما اقدر اتكلم اخاف تزفني او تقولي مو شقلج فأنطم واسكت والحره تذبحني
مو حاسين بالنعمة
لو الله حارمها من العيال جان عرفت قدرهم
ام وبنتها وهي تعرف بنتها
في وحده مدلع بنتها وهي بنت فقر دشت محل حق اغراض الطبخ وفي شغالات من الفخار والكرستال اقل سعر حق مخدار الشاء يوصل الخمسين دينار والباقي فوق الخمسين ونت طالعه يتهم البنوت الدلوعه وصعدي على الرف المحطوطين عليه وطيحيهم على شان تبي تشوف المزمزيل
تكسرو والكامره تسجل باعت سيارتها على شان تدفعلهم الفلوس وسجل قضية اتلام مال الغير طبعن لاتقولين فداها الفلوس بس اللي ماعنده شلون يعني
ارد واقول الطفل بمرحلت الطفول يجتمع صته مع صفة اولاد القطوة والاسد والجميع الحيوانات الثدليه
كلهم بمرحلت الطفوله العقل مافيه غير ياكل ويلعب مستانس بالدنيا اللي طلع فيها مايعرف الزين والشين حياته كلها لعب وكل شي حتى النار والكهرباء يلعب فيها
|
المشاركة الأصلية كتبت بواسطة samsama
 ارد واقول الطفل بمرحلت الطفول يجتمع صته مع صفة اولاد القطوة والاسد والجميع الحيوانات الثدليه
كلهم بمرحلت الطفوله العقل مافيه غير ياكل ويلعب مستانس بالدنيا اللي طلع فيها مايعرف الزين والشين حياته كلها لعب وكل شي حتى النار والكهرباء يلعب فيها |
!!!!!!!!!!!!!!!!!!!!!!!!!
شلون تقارنين الأطفال أحباب الله الي الله كرمهم بالعقل بعيال الحيوانات ؟؟؟؟؟؟
حبيبتي فيه أساليب للمعاملة و التربية الأهل لازم يعرفونها قبل لا اييبون عيال و يظلمونهم معاهم
و الطفل مهما كان صغير نفسيته تتأثر لما ينطق و ينهان جدام الناس و يمكن هالشي يسبب له أمراض نفسية