امي والصدقه

السلام عليكم ورحمة الله وبركاته

انا عندي مشكله مع الصدقه
وابي آخذ رايكم فيها

لله الحمد انا دايم اتصدق لكن ماحب اقول لاحد
ابي الاجر والثواب من الله

لكن مشكلتي مع امي
دايم تقول لي تصدقي وتكررها كثير ليس بغرض التذكير فقط
بل لانها تعتقد إني ما تصدق
وانا ماحب ارد عليها واقولها
إني دايم اتصدق ودايم اسوي شغلات كثيرة لاهي ولاغيرها يدري فيها
لاني بصراحة ابي الاجر من الله ومابي يضيع اذا تكلمت بكل شي اسويه

لكن امي دايم تضايقني بهالسالفه
وتقول ليش ماتصدقين
لو بدينار
ولما اشتري ملابس او اي شي غالي
تقعد تنتقدني وتقول حرام
المفروض متصدقه بشي بدال هالخرابيط

انصحوني شسوي مع امي
صراحة مضايقتني هالسالفه حيل

عليكم السلام ورحمة الله وبركاته
رمضان مبارك ..الله يحفظ ليك الغالية ما ضايقي ولا شيء مهما كررت هذه الحكاية معك
هي من خوفها عليك لانها ماشاءالله عارفة قيمة الصدقة عند الله اجرها كبير وامور الدنيا تلهي الناس عن اشياء كثيرة مثل الصدقة ويصبحوا غافلين عن ما يرضي الله تعالى وهوفعل خير
يرجع على صاحبه الصحة والعافية والبركة….مع الاسف منعت اوممنوع الصدقة عبر النت كله
حتى الناس تركوها بالمرة ولم يعودوا يتصدقوا على اسرة خارج بلدهم كانه الله يحفظ فعل حرام
قطعا …لو بس يعلمون نحن امة واحدة والله يحب المحسنين ومن يقدم شيئا يجده عند الله
لكن اين المحسنين من يتحدى امور الدنيا ويتصدق على ناس فقراء من بلد ثاني يعنى يلبي اوامر الله امة واحدة …انا دائما طلب مساعدة لبعض الاسر المتعففة اومرضى لكن الرفض التام ولا جواب ولا كلمة طيبة حسنة مش بحاجة للاخرين… سمحي لي اختى ربما كلامي ماله اي معنى
لكنه بخصوص الصدقة الله يحفظك من كل مكروه

قال تعالى :{الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ}

قوليلها بعض الي تسوينه يعني مو كله خلي جزء بسيط تعرف عنه واحتسبي الاجر ان بر بامج ولان ربي مدح الاثنين سرا وعلانيه فعشان تكونين من الي شملتهم الايه .. واهم شي اهو القلب مايدخله رياء وانتي باذن الله ما بقلبج هالشي :**

هلا حبيبتي

بالعكس الله يجازها خير تبي لج الخير و هي حريصة

بالنصح

اذا الرسول عليه الصلاة والسلام : يقول يا معشر النساء تصدقن و لو من حليكن

والصحابيات استجابوا علانية و تصدقوا

حلو تخفين الصدقة لكن و رييها جزء من اللي تتصدقين فيه

و لج الاجر لان العلانية تجوز بالصدقة

لا إله إلا الله