|
|
السلام عليكم
بصراحه حبيت اشارك بالمنتدى الرائع
بس صج ابي مساعدتكم وادري انتوا ما تقصرون
مشكلتي مضايقتني حيل خصوصا انا من النوع الحساس
المشكله اهي امي
اول ما انخطبت كانت فرحانه وطايره فيني وفي زوجي وحمولتي واهما الله خير مو مقصرين معاي بعد فتره ما حملت ويوم رحنا كشفنا طلعت المشكله في زوجي حبيبي طبعا انا راضيه بنصيبي الحمدالله انا احبه وهو يحبني وانشاء الله بيرزقنا قريب قولوا امين
امي قمت احسها ما قامت تتقبل زوجي وكانت تقول حق خواتي انا ودي تهده عشان اشوف حياتي وانا لما ادري انها تقول هالكلام اموت بجي لاني احبه ومستحيل اخليه عشان هالشي والحين صايره كذلك ما تقبل خالتي معنها حليوه وتهبل بس دايما تكلمها بنفس مو حلوه ودايما مايعجبها اي تصرف منها حتى لوكان عادي والمشكله انها تعلق جدام حريم اخواني والكل وانا اتضايق لاني احب خالتي وبنفس الوقت ما اقدر ارد لانها امي واحبها بس مادري ليش اتصرف جذي قمت اتجنب اخليهم يتواجهون عشان ماتصير مشاكل شسوي امي واحبها وخالتي احبها وطيبه معاي حيل ما ابي تصير مشاكل بنات ابي مساعدتكم انا ما قمت استحمل الكلام الي امي قامت تقطه حيل اتضايق
خلي خواتج يتوسطون عند امج ويحاولون يقنعونها بموقفج
ولا تلومينها ترى انتي بنتها ودها تشوف عيالج
بس كل شي يتصلح اذا اقنعوها خواتج 
وان شالله ربي يرزقج الذرية الصالحة ترى الطب تطور
الحمدلله على كل شي وترى لاتلوميتها تبي مصلحتك
المشكله الحين خالتي دايما تكلمها مادري شلون ونعلق عليها جدام الكل انها ما تعرف و …و
انا خايفه ان خالتي تحس مره فيها ومو حلوه تصير بويهي
انج انتي مستانسه مع ريلج وان ما تبين غيره واذا على سالفة تأخر الانجاب الحمد الله الطب تطور وان شاء الله بتعالجون والله بيرزقكم
صراحه المفروض تفكر بعقلانيه الحين اهم شي راحت البال الحموله والريال زينين هذا اهم شي شفايده العيشه مع اليهال والريال عسر
وهالمشكله مالها حل الا تصارحين امج بشعورج وتسألينها ليش تسوي جذي معاج
انتي وامج ..
قوليها يما انا احبج وايد وادري انج تبين لي الخير ..
بس هم انا احب زوجي وهو يحبني وانا راضيه بقسمتي .. وماكو شي بعيد على الله … هو الرزاق
وبعدين قليلها يمه شدراج اذا انا هديته …. ممكن ما اتزوج !!
او ممكن اللي بياخذني يعذبني ويأذيني وايب منه عيال !!!
حبي راسها وايدها وقوليلها ان سعادتج مع هالريال وماكو شي بعيد على الله
وغنه هذي حياتج وإنتي سعيده فيها
كافي انه ريلج شاريج ويحبج
والأولاد هذا رزق من الله محد له يد فيه