|
|
اامهات انا من جم يوم قلت بحاول ادخل حليب غير حليب سيميلاك لبنتي
لانها اكبيره الحين عمرها سنه واربع شهور بعودها على الحليبات الثانيه
المهم شفت بدعايه حليب نيدو مابعد السنه انه يعطي حمايه ونمو صحي لطفل
استانست قلت حق زوجي يب حق بنتي نيدوا
راح زوجي ياب لي نيدوا
بديت اعطي بنتي كل صبح حليب نيدوا وباجي اليوم حليبها سيميلاك
استغربت بنتي صاااااااااارت مو طبيعيه نشااااااااااااااااااااطها صاااااار اوفر
انا بنتي كانت اتنام 10 بالليل وتقعد 10 الصبح والظهر اتنام ساعه اسم عليها
من شربتها والبنت تغيرت صارت ماتنام كلش لا ليلها لليل ولا نهارها نهار لدرجة ان عيونها صارو سود من تحت
تخيلوا بنات هذا وانا صارلي بس يومين معطيتها
والله يابنات مت من الخووووووووف لدرجة اني شكيت ان بنتي فيها شي وكنت بوديها الطبيب
بس زوجي ضحك علي قالي عادي عشان اكبرت
قلت مو معقولها تنقلب في يوم وليله
بعدها زوجي قالي يمكن من النيدو
قلت بجرب اقعه عنها واشوف وفعلا قطعته عنها والحمدالله بنتي ردت طبيعيه
والله يابنات اني ما ابالغ تخيلو لدرجة انها تشيل الكوره الكبيره ووايد ثقيله على راسها وترقص وهذا كان بالليل كنت انومها جان تقعد وتاخذ الكوره وتحطهاعلى راسها وترقص من كثر النشاط
مو قادره اتنام اتحط راسها على الفراش تنعس وترد اتقوم وترقص 
هذا صورة الحليب
الحين اقدر اضحك لان بنتي ردت طبيعبيه واكتشفت ان العلا بالحليب
اما قبل امس كنت في حال الله يعلم فيه
والله يابنت ما بالغ لدرجة ان عيون بنتي ذبلانه من كثر ماهي تبي اتنام بس مو قادره وتفتر بالبيت ماتقعد واذا قعدتها غصب اتحرك اريولها 
مت من الخوف على بنتي
والحين انا اقووووووووول توووووووووووووووووووبه اني اعطي بنتي حليب ثاني
خلاص بس يصير عمرها سنتين اعطيها كيددي او كيدي كاو
بس شوفي البلااااا اللي في بنتج
العيب في بنتج مو بالحليب يمكن شبعااااانه من النوم وحكمتي عليها بالغلط
وعذريني علي تعليقي يالغاليه
ولله انا كنت اعطي علاوي ولدي هالحليب وصار فيه الاعراض اللي صارت ببنتج الله يحفظها
وكنا انا وابوه مستغربين حيل حتي والله شكيت ان يبيله قرايه لوووول والله العظيم
وفجاااأه مرض اول ايام البرد ووديته الطبيب وغيرو حليبه حق بيديا شور
اولا هدأ اسم الله عليه وقام ينام قبل علي حليب نيدو والله اقعده الصبح ومااا انومه الظهر ويظل مبطل عينه لي الساعه 3 او 4 تخيلي هذا ياهل طبيعي والله ان بغينا نموت من التعب انا وابوه وخفنا عليه لان ماقام ينام
وترا هم حليب نيدو يسد نفس الياهل ومايخليه ياكل هذا الشي لاحطته بعد
الحين اعطيه مره حليب بديا شور مره حليب كي دي دي والحمد الله صار طبيعي وقام ياكل الحمد الله لك يارب
هذا
يوم كمل 3 سنين لينه 7 سنين واهو يشربه ويحبه مره باليوم
والحمدلله ماحسيت بشي بس نيدو 1 ماجربته
اخاف ليش فيه عسل او شي جذي يعطي طاقه ههههه
يالله زيد رديتهيا على حليبها مافي علي حليب الاطفال والشركات المعروفه المتخصصه للاطفال
لانه نيدو وانكور هذيلي تخصصلهم حليبات عاديه تالي طلعوا للاطفال سنه وفوق
يعني حليب سميلاك مآطاح على بنتي الله يحفظها بعكس بنوتج
اهم شي انه خلاها ترقص .. اجل باجيبه لولدي يرقصه شوي و اقطعه هههههههههه
لا صراحه انا ما افكر اغير حليبه .. نوفولاك
لاني ما صدقت انه مشى معاه شي
جربت كل الانواع والحمدلله هذا زين
|
المشاركة الأصلية كتبت بواسطة نادره في وجودها
 حبيبتي الحليب ما في شي وانا استعمله ممتااااااااااااااااااز
بس شوفي البلااااا اللي في بنتج العيب في بنتج مو بالحليب يمكن شبعااااانه من النوم وحكمتي عليها بالغلط وعذريني علي تعليقي يالغاليه |
لا حبيبتي اسم الله على بنتي مافيها شي
من قطعته ردت طبيعيه
العيب بالحليب وهمن العضوه حنين لاحظت هذا شي بولدها من استخدمة نيدو
|
المشاركة الأصلية كتبت بواسطة hneen2
ابييييييييييه تصدقين الحين انتي فطنتيني
ولله انا كنت اعطي علاوي ولدي هالحليب وصار فيه الاعراض اللي صارت ببنتج الله يحفظها وكنا انا وابوه مستغربين حيل حتي والله شكيت ان يبيله قرايه لوووول والله العظيم وفجاااأه مرض اول ايام البرد ووديته الطبيب وغيرو حليبه حق بيديا شور اولا هدأ اسم الله عليه وقام ينام قبل علي حليب نيدو والله اقعده الصبح ومااا انومه الظهر ويظل مبطل عينه لي الساعه 3 او 4 تخيلي هذا ياهل طبيعي والله ان بغينا نموت من التعب انا وابوه وخفنا عليه لان ماقام ينام وترا هم حليب نيدو يسد نفس الياهل ومايخليه ياكل هذا الشي لاحطته بعد الحين اعطيه مره حليب بديا شور مره حليب كي دي دي والحمد الله صار طبيعي وقام ياكل الحمد الله لك يارب |
الحمدالله يااااااارب الله يخليه لج ان شالله
بس شوفي حليب بديا شور اختي جربته لعيالها زاد بنشاطهم لدرجة ان رلها ايقولها خلاااااااااااص لا تعطينهم
|
المشاركة الأصلية كتبت بواسطة *ماي الورد*
عيل هذا زين حق المدرسة اذا يعطي نشاط
|
بس الله يعين المدرسه الي طلابها يشربونه
لانها ماراح تقدر تشرح من حركتهم هذا اذا اقعدو بصف هههههههههههه