|
|
🌺✋☺🌺السلام عليكم ورحمة ورحمة الله وبركاته🌺☺✋🌺
بنات*
امهات
جداات
بنتي جننتني وضيقة خلقي ومحتاره ما ادري شنو اسوي فيها
بنتي تروح لروضه وتخيلو تنام الساعه6 تقعد6 وشنو تاكل بالروضه صمونه موزه عصير هالسوالف خفايف ترد منسده نفسها تاكل شغلات خفيفه مايمدي الا نامت الساعه6*
وجها يفشل يفشل يفشل والله اللي يشوفها يخترع جنها مريضه اصفر شاحب شفايفها يابسه شاحبه عيونها طالعه لونها مدرجات البني الخايس يعني نفشل كل من شافها قال اشفيها شعرها يطيح وباهت*
وديتها اسامه الصالح بالجهرا فحصها قال فيها دود وانيميا حاده عالجتها ردت احس وصارت منوره ووجها منور وتهبل وربربت قعدت شهر جذي وعقب انتكست اخيس من قبل ورحت لمراجعتها احس الدكتور يقول خلاص بنتج تعالجت شحقه جايه احس انه كأن يقولي فاضيه انتي تبين المخاسير يعني م عرف شنو ابي اوصل له ابي افهمه اني ابي اخلي فيها حياة ابي وجها دايم حي مو فاطس بس ما ادري ليش ماله خلق هل لان مافيها شي عشان يعالجها او انه مو اختصاص اطفال*
المهم اللحين انا متوهقه ماني عارفه وين اوديها ابي دكتور ابي شي تخيلو دايم تشكي من رجولها يعورونها وماتحب تلحف اذا نامت تقول يعورني اللحاف والله ضاق خلقي *تكفووون شنو اسوي شالحل والله كاسره خاطري*
وديها دكتور اطفال
يسويلها تحاليل شامله
واذا تشكي رجولها يمكن روماتيزم
ترا يجي الاطفال
عطيها فيتامينات من الصيدليه
والله يشافيها ويخليها لج يارب
(تفشل -وجها فاطس-واخيس-)
حسيتيني انج مرت ابوها مو امها؟
في وحده تتكلم عن بنتها وتوصفها بهالطريقه؟
اتقي الله وحسني الفاظج البنيه مريضه ما تتدلع اخذيها بحضنج وعامليها بحب وحنان وشوي شوي بتعرفين انتي علتها من غير الطبيب
يمكن عنده مشكله نفسيه تغار من احد من اخوانها اوحاسه انج لاهيه عنها وتبي تلفت انتباهج وتحس باهتمامج او عندها
مشكله في الروضه مع مدرسه ولا طالب
ديري بالج على بنيتج لا تضيع منج ولا تنسين ترقينها باذكار الصباح والمساء وعليج بالرقيه الشرعيه والله وبالله مفعولها قوي وسريع
وعسى يحفظ لي ولج بناتنا ويعافيها ويبعد عنه كل سوء
وطمنينا عليها اول باول انا متابعه دايما لهالصفحه
لاتفهمين غلط بالعكس عاد هذي دلوعتي اكثر وحده مدلله وما ارضا عليها وترا وصفي يمكن انتي فهمتيه غلط بس ابحاول اوصل الصوره اكثر
يبعد روحي بنيتي اصلن اشوفها ويضق خلقي من خوفي عليها
انا ارقي عيالي دايم انتي قولي طريقتج بالرقيه اشلون تمسكينهم وتقريم على كل واحد او شنو وشنو الاذكار اللي تقولينها
بس لاتقولين عنها جذي وربي عورتي قلبي
لاتقولين عنها خايسه وتفس توها بيبيه
بنتج مريضه يأأختي روحي عاااالجيييها
فديتها رجولها رايحه فيها ودود وانيميا وماتاكل ونومها وايد كل هذي اعرااااااااااااض مرررررض
لاتسكتين علييها روحي وديها لابو الفلووووس لابوو جلب
انا ماعرف وين تودينها بس سألي لاتسكتين
وترى احتمال الدود اللي فيها ماراح
وربي يشافيها يشافي كل مريض
مااعرف دكاترة في الكويت
لان من علاماته بهتان البشره والشعر والم في المفاصل
فأول شي تروحين اقرب صيدليه
وتاخذين لها اسكيمو كيدز
وتعطينها منه مرتين باليوم قبل الوجبات او مع عصير المانجا لان هو زيت كبد القد
واكلها خليه منوع وغني باللون الاحمر ( صبغة الكاروتين طماط + عدس + جزر + قرع + الفلفل البارد الاحمر + عصير البرتقال )
نوعي لها خلال اليوم
وقطعة كبر كف ايدها باليوم لحم احمر
كثري لها من الجزر خصوصا البيبي كاروت يحبونه اليهال
منعيها من الحلويات والبسكوت والبفك خليه مره وحده باليوم تحطين صحن المقسم وتحطين لها شوية بطاط وشوية حلاو وقطعة كاكاو عنونه وعصير طبيعي ان امكن ( برتقال – مانجا – عنب – رمان – توت بري )
واهتمي بوجباتها لو تاكل نص الكميه الي تحطينها لها يعني تتغذى عدل
وديها الطبيب بسرعه
وديها الصباح او اي مستشفى حكومي اضمن
ماعليها شر
استغفر الله ربي واتوب اليه
طيري فيها اي طبيب اطفال شاطر
او اي مستشفى حكزمي يسوون لها فحوصات
ربي يشافيها لج