|
|
السلام عليكم
بنات حبيبت اقترح اليوم اقتراح
وارجو من الكل انه يشارك فيه
ابي اسوي ديوانية او قسم خاص حق امهات المعاقين
وبجميع اقسام المعاقين
سواء الاعاقات الذهنية او الحركية
انا واحدة من البنات عندي طفل معاق اعاقة حركية وصار لي سنتين دايخة معاه بين المستشفيات فياليت نسوي لنا هالديوانية او هالقسم نتشارك بهمومنا ونكتسب خبرات من بعض وكل واحدة تعطينا خبرتها بتعاملها مع ولدها
واشلون تقدر تدمجه بالمجتمع واللي دار مداره
وخلته يتقبل اعاقته او لاء
في بالي وايد ٍأسأله عن كيفية التعامل مع المعاق
خصوصا ان زوجي مو متقبل فكرة ان عنده طفل معاق ووايد اشياء ودي افضفض عنها
وهم بالمرة ودي أسأل عن حقوق المعاق بالديرة
يالله بنات ابي همتكم ومشاركتكم علشان اتشجع ونشجع بعض
منو تشاركني؟؟؟؟
يعطيك ألف عافيه خوش فكره أنا معاك أنا بعد عندي ولد فيه إعاقه حركيه و بصريه وعقليه وما أدري شسوي تعبت وأنا أدور من مستشفى لي مستشفى ومحد يشاركني همومي
صباح الخير حبوبات الله يعينكم ويعظم اجركم صدقوني أخواتي ان الله يحبكم والله اذا احب عبده ابتلاه وعليكم بالصبر والله لا يضيع اجر من احسن عملا وهؤلاء الفئة غالية يبي لهم تعامل خاص وهناك مدونة متخصصة بالعناية بهم والتعامل معهم ما عليكم أن تكتبوا في أي محرك بحث وستجدون ما تحتاجونه واتمنى من كل أخت تشارك معنا في هذا الرابط لنفيد ونشيل هموم من عندها طفل من ذوي الاحتياجات الخاصة ولي عودة مرة ثانية