امنياتج يامعلمة مـــــــــــــــــع بداية العام ضرووووووري الاجابة

السلام عليكم

عيدكم مبارك

ايامكم اسعد واحلى يارب

شنو امنياتكم مع اللي ودكم تحققونها مع بداية العام الدراسي؟؟؟

انا ابتدي

اتمنى انتقل المدرسة اللي ابيها …

نصابي خفيف ….

ادارة زينة ….

ورئيسة قسم حبوبة وطيبة ….

عدم اطالة اليوم الدراسي ….

وقلوب المدرسات تكون على بعض …..

ماكو اوامر ….

واتمنى اتمنى القى كرسي وطاولة نفس الناس تعقدت العام اللي طاف وسبة الكرسي الخايس وطاولة معفنه حتى كراسي وطاولات ماكو ويبون يطولون اليوم الدراسي …

ابي بدل عوار راس ورقبة وظهر ….

بدل خشونة ركب ….. ودسك ….. ههههههههههههههههههههههههههاي اللي مافيها راح يصير فيها

اتمنى من الوزيرة الفاضلة عدم اللعب بمشاعرنا لان حنا مو طوفة هبيطة كل يوممممم قرار…..

وشــــــــــــــــــــــــــــــــــــــــــــــــ ـــــــــــــــــكرا

الميكرفوووووووووووووووووووون لكم حاليا تفضلوا

كل عااام وأنتي بخير يا حياتي ومن العايدين والفايزين يارب

أتمنى تكووون سنه حلووه وخفيفه أحقق فيها كل أهدافي
أتمنى أكسب محبة الطالبات وأحترامهم ويكونوون شطاار ياارب وما يخيب تعبي
أتمنى الأداره تكوون هاديه وراايقه ومن غير صراااخ لأني وحده من أشوف أحد يصرخ جدامي معدتي تعورني وأنعفس لو كان الكلام مو صووبي << بدعت فينااا العام وحده الله يذكرها بالخير
أتمنى وأن شاء الله بشتغل جااهده على نفسي أن الله يعطيني طووولة البال و سعة الخلق والهدوووء والحكمه
أتمنى أن الله يفكنا من المحبطين ويكون الكل شعله من النشاط ويكون فيه تنافس شريف وتعاون على العمل
أتمنى أن وزيرة التربيه تتغير ويمسك التربيه رجل حكييم
أتمنى أن قرار أطالة الدوام يفشل وأهو أصلا فااشل ما يحتاج
أتمنى أن الله يفكنا من شر العيوووووووووووووون يااارب ويفكنا من كثرة الأسئله والأستجوابات واللقافه

مشكورة أختي على الموضوع
أنا أتمنى مع بداية العام اليديد إني أخلص النية بعملي لله رب العالمين
وأن الله يهدي الطالبات ويخفون من شطانتهم شوي
وإني أقضب لساني وما أتدخل بشي مايعنيني
وأن الله يبعد عني المشاكل
وأن الله يبارك لي بمعاشي لأن أهم شي البركة
وتكون سنة خير علينا أجمعين

الله يعيده علينا وعلى كل المسلمين بالخير يارب

واشكر تفاعلكم

وعلى فكره راح نستفيد منه وايد

أممممممممممممم

أمنيات

أتمنى في بداية العام الدراسي إني أصير وزيرة التربية

عشان أهريكوا هري بالشغل

و بخلي الدوام من 6 الصبح إلى 4 العصر عشان راح ندرس مناهج متطورة و نخلي طلبة المتوسط يتعلمون على الجراحة و هندسة الطرق

لووووووووووول

آنا مدرسة فقيرة بابا ، أتمنى الستر و العافية ، و منهج على قد الوقت ، و يوفرون لي وسائلي التعليمية ، أبي كل صفوفي فيها داتا شو ، أتمنى الموجهين يرشحون معلمين و معلمات يسوون اختبارات الثانوي مو يخلونا كلنا نسويها جنها بسوق الجمعة ، إذا بيطولون اليوم الدراسي يعطونا سبب مقنع مو يقولون عشان ترفيه الطالب ، الطالب ترفيهه في بيته مو عندنا
يبي غرفته و اللاب توب ماله و البلاك بيري ، ما يبي كتاب و معلم
أتمنى ما احد يدخل علي الصف الا برضاي مو يفرض نفسه علي ، و إذا رفضت ما يحطونها ببالهم انها سلبية .
أتمنى أشرح بطريقتي بدون ما احد يفرض علي أسلوب معين .
آخر أمنية
أبي أداوم إذا أنا مشتهية الدوام ، و إذا ما لي خلق يعطوني اجازة مفتوحة

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآخ ييتي على الجرح
1- اتمنى نصابي يكون خفيف.
2- اتمنى ادارة مدرستي تكون متعاونه و ما يستغلوني بغير شغلي لانهم عارفين اني ما اقول لأ
3- ماتيي الناظرة في اوقات حرجة و تقول ان االمدرسة داشة مسابقة أو بحث و مسكوها و أبي مركز.
4- اتمنى توجيهنا يكون سنع و متعاون و ما يتفلسف على مخنا بالمناهج اليديده و يخلونا نسوي دروس نموذجية حق اشياء لا احنا ولا اهمه فاهمينها.
و إذا تذكر شي بعد راح ارجع اتمنى
اللهم حقق أمانينا يا رب

اتمنى ان تكون المعلمه فقط معلمه
لادروس نموذجيه ولا رياديه ولامربيات ولااحتياط ولا ……………الخ

اتمنى انتقل المدرسة اللي ابيها …

مشكووره حبووبه

اتمنى بالعام الدراسي اليديد ان السنه تكون حلوة وخفيفه وتمر بكل سلام وهدوء واني اتميز بشغلي وان يبعد الله عني شر كل حاقده وحسوده واني اكون محبوبه من الجميع وان الله يسخر لي كل من احوجني له.

اتمنى تنتقل مدرستنا الاولى
ولا تفكنا من شرها وتصير خوش مره

يارب يامجيب الدعاة في هذه الليالي المباركة انك تجيب دعاي وتحقق امنياتي انا وزميلاتي زميلات المهنه ……….

اتمنى ان تكون السنه حلوه و خفيفة
ما في اطالت دوام
ما في انشطة
ما في كراف
ما في اوامر

خلونا مثل ما احنى مدرسات بس
مو مربيات و فراشات و مندوبات و حارسات و صباغابت

أولا كل عاااااااام وانتي بخييير ,,,
انا اتمنى اني اتوظف بمدرسة ادارتها حلوة ورئيسة قسمي حبوبة نفس رئيسة قسم الانجليزي بالميداني اتمنى تكون مدرسة بنااااااااااات مو صبيان عشان ما انهااار من اول تدريس لي أتمنى تكووون سنه حلووه وخفيفه أحقق فيها كل أهدافي واحلل معاشي
ومثل ما قالت pure feminine أتمنى وأن شاء الله بشتغل جااهده على نفسي أن الله يعطيني طووولة البال و سعة الخلق والهدوووء والحكمه أتمنى أكسب محبة الطلبة وأحترامهم ويكونوون شطاار ياارب ,,,,,,,,,,, والللة يوفقج يارب ويوفق الجمييع ,,, تقبلي مروري وكل عام وانتي بخير حبوبة

ليش وقفتوا يالله بعد

أولا مشكووووووووووووووووورة على الموضوع الحلو

وكل عام وإنتو بخير وعساها سنة حلوة على الجميع

آآآآآآآآآآآآآآآآآآآآآآآآآآآآه الموضووووع حلو بس يعور القلب لانه ممكن مو كل أمنياتي تتحقق

أمنياتي

إنه الله يوفقني هالسنة ونصابي في الحص يكون قلييييييييييييييييل عشان أرتاح

وصفوفي تكون من احسن الصفوف

وإنه يقرون لنا الزيادة بالكادر ومعاشنا يصير من أعلى المعاشات

وإني

وإني

وإني

وإني

أروح الحصة وشايلة بس

بس

بس

الفلاش موميري

الفلاش فيه كل شي

إعدادي الكتابي

والصور وكل ششششششششششششششي

حتى التحضير الكتابي تشوفه الموجهة والناظرة ورئيسة القسم من الفللاش

وكل صف يكون فيه

السبورة الذكية

أيي للحصة معاي الفلاش موميري أحطه على اللاب توب ويطلع كل شي على السبورة الذكية

شوفي الصورة

والله تعور القلب

مع إنه إحنا أكثر دول العالم فلوس

ودي نكون أحسن من المعلم في اليابان

لانه في اليابان يروح معاه اللاب توب …آنا ودي اللاب توب متوفر بالصف بس معاي الفلااااااااااااش

وبث

أمنيات متوااااااااااضعة جدا وفيها مصلحة للمتعلمين قبل المعلمين