امممم شنو تسوون بهالحالة

انا مشرفتي غاثتني وتسمعني كلام يحر ويبط الجبد كل يوم.. بس مو حلو انج تردين عليها .. مهما كان وحده اكبر منج

انا احقر واسكت وجني ما سمعت شي .. كسرت عين لها

عندي مبدأ اذا واجهتني هالمشكله …

(( امشي عدل يحتار عدوك فيك ))

مردها بتتعب و اهي اتدور الزله عليج

شوفي ماما لبسي كل الماركات إلي عندج شود إتحرينها لوووووووول
هههههههههههه

اي والله بهذي صاجه بس انا ماقدر امسك اعصابي المشكلة كل يوم تسمع مني كلمة كلمتين ماكو فايده حاطتني براسها

لاتحرينها ولا تغثينها أبد لأنج اذا غثيتها
راح تغثج أكثر وتحرش عليج الناظرة والموجة ترا رئيسة القسم
بيدها كل شي آنا بعد كانت حاطة على بشكل غير طبيعي
حتى القسم كلة لاحظ مع اني ماقصر بشغلي بس جذي تنطر على الزلة
بس كسرت عينها قمت اشتغل اكثر واكثر وسويت ندوة حق المدرسة وشريت اشياء حق نادي الانجليزي
وسويت فقره حق حفلة التفوق وسويت مشاركات حق الصبيان باستديو الأبطال فقرة المواهب كلة بروحي من غير ماتطلب
الحين ماتناديني الا حبيتبي وعمري !!

يبا ختولي كله إقتصاد منزلي ذالينه ذل علي هالمعاش
لا وبعد بياعات في المقصف يبا إتغدي فيها لاتتعشا فيج …….واي شريره

امشي عدل يحتار عدوك فيك

اي والله ما جنهم كانوا بيوم منالايام مدرسات حالهم حالنا
بس شتقولين ……..
تدرين انا لو منج البس واكشخ واضحك واسوي لي شعبية في المدرسة واكسب ود الناظرة واشتغل بضمير وامشي سيدة علشاان هي تحتااار غيني
ديري بالج تياسين وتبينين انج ضعيفة
تذلج ذل يالله سترك
]

لا تين صوبها لا تشوه صورتج عند الناظرة يا معوده امشي صح وخلاص وهي خل تنبط جبدها

سوي شغلج بحرص وامانة ودايما كوني مستعدة فيحصص

والله بتيأس وتنجعم

ماله داعي سوالف النجره اول وتالي انتي الخسرانة أو الكسبانة وهذا مستقبلج

امممممممممممممم اشوه يعني العيب موفيني اثاري الكل منقث وساكت

الحقرااان يقطع المصرااان امشي على هذا المثل
ولا تهتميين جنها ولا تسوي شي

وريها العين الصفراء 0 يعني اشتكي عليها عند الناظرة وقولي للمدرسات عنها أنتبه ! وردي عليها بطريقة سريعة بس نفذي الاوامر أشتغلي أكثر ========================تحرقين أعصابها

لا والله فشليها بطيبج وخلج احسن منها دام مصلحتج وتقريرج بيدها واذا كلش مغتثه انتقلي ياما قعدنا بمدارس وتحملنا بس يوم انتقلنا شفنا الحياه وارتحنا انتقلي وريحي نفسج الا ماتلقين احسن منها